YOELI 2:3 - Embimbiliya - Bíblia Sagrada em Umbundu

³ Kovaso yavo ondalu yi yoka. Konyima yavo ulienge u kakula. Kovaso yavo ofeka ya soka ndocumbo ce Edene. Konyima yavo puãi ya soka ndekango. Ka va si cimue.

YOELI 2:3 Iomraidhean Croise

EFETIKILO 13:10

Lote wa petula ovaso aye, wa mõla etapi liosi lioko Yordão okuti kuosi ku kuete ovava; kua soka ndocumbo ca Yehova, pamue ndofeka ye Egito pana poku enda ko Soyara; otembo yaco handi Yehova ka nyolele Sodoma la Gomora.

EFETIKILO 2:8

Yehova Suku yu wa kũla ocumbo ve Edene lia kala kutundilo; omo a kapa omunu a sovola.

OLOSAMO 50:3

Suku yetu iya, koha. Kovaso aye kuli ondalu yi lialia. Ekungukungu lio ñuala.

OLOSAMO 97:3

Ondalu yu pitila kovaso, kuenje yi temiha ovanyali vo ñuala.

ETUNDILO 10:15

Momo via vumba osi yosi, ofeka yosi ya tekãva. Via lia ovikũla viosi viovofeka, lapako osi oviti a supa kociwe. Ka kua siale cimue ci talala kofeka ye Egito, ndaño uti ndaño ocikũla covepia.

ETUNDILO 10:5

Vi vumba osi yosi cokuti umue oku mõla osi ka ci tava. Vi lia ocisupe ca ku supila kociwe. Vi lia oviti viove viosi viovusenge.

ISAYA 14:17

Eye una wa lingisa oluali ndekalasoko, kuenje wa nyõla ovaimbo aco?— Eye una ka ecele olomandekua viaye ha vi endi kovaimbo avo?

ISAYA 15:6

Ovava oko Nimiri a kotoka, owangu wa kukuta, lonjovo ya kawuka. Ka ku li vali ikũla vi talala.

ISAYA 33:4

Ca pundiwa ci pupuluiwa ndeci ocimbonde ci pupolola. Omanu va ci wila ndeci olohuma vi wila wila.

ISAYA 51:3

Momo Yehova o lemba Siono, o lemba alunda aye osi, kuenje ekalasoko liaye o li linga nde Edene, kuenda ekango liaye o li linga ndocumbo ca Yehova. Esanju kuenda onjolela vi sangiwamo, olopandu kuenda ondaka yoku imba ovisungo.

ISAYA 9:18

Momo evĩho li taima ndondalu, yi lia olosanyanya kuenda olosongo; yi timĩha ovisaki kuenje vi tumũha avonge owisi.

ISAYA 9:19

Ofeka yi pia lonyeño ya Yehova Ukualohoka; omanu vaco va linga ndolohui viondalu, lomue o tava oku popela ndaño manjaye.

YEREMIYA 5:17

Va lia elombolo liene kuenda okulia kuene. Va lia okulia kuomãla vene valume lava vakãi. Va lia olomeme lolohombo viene kuenda olongombe viene. Va liavo ayuva ene lakuyu ene. Olombonge viene wa koleli va vi nyõla losipata.

ESEKIELE 36:35

Lavovo va linga vati, Osi ya kaile ocipembe cilo ya linga ndocumbo ce Edene. Lovaimbo ana a nyõlẽhẽle kuenda a kundukile hao a lingile akalasoko, cilo a tungiwa vali, a kolisua.

AMOSI 7:4

Ocinjoinjoi Yehova Suku a muisa ceci, Yehova Suku wa kala loku vilikiya ondalu ha yi yambula omanu. Ya takatisa alondo. Ya kalavo loku lia ongongo.

HAVAKUKI 1:6

Momo, tala! Ñasi loku katula va Kaldea, ovo omanu va tema haivo olonjaki. Olohoka viavo viñila volofeka viosi viokilu lieve, ha vi kuata ovaimbo ha-avoko.

SAKARIYA 7:14

Nda va sandula lehunguhungu pokati kolofeka viosi vina ka va kũlĩhĩle. Oco ofeka ya siala upolokoso okuti lomue o pitamo vali. Ofeka ya posoka ya linga ekalasoko.