YOELI 2:23 - Embimbiliya - Bíblia Sagrada em Umbundu

²³ Lene, amãla va Siono, yoleli. Sanjukili Yehova Suku yene. Momo eye wo wihi ombela yohalula ho tekuli. Wo lokisili ombela yocili, okuti lolombela viomandavela levi via sulako, viosi wa vi lokisa ndeci a lingainga ale.

YOELI 2:23 Iomraidhean Croise

I OLOSOMA 8:36

oco ove, kilu, yevelela, ecela ekandu liakuenje vove leli liomanu vove va Isareli, eci o va longisa onjila yiwa muna va sesamela oku endela, kuenda lokisa ombela vofeka yove, yina wa ecele ndocipiñalo komanu vove.

YOVI 33:23

Nda eye o kuete Kapitiya kamue, pamue nda pokati kohulukãi yolomitakati via Suku pali omitakati yimue yi sapuila omunu eci co sungulukila oku linga,

YOVI 37:13

O ci lingila pamue eyambulo pamue osi yaye, pamue ocisola caye.

OLOSAMO 104:34

Ovisimilo evi viange viu sanjuise. Momo njolela Yehova.

OLOSAMO 147:8

Eye o sitika ilu lalende. Eye angiliyila ongongo ombela. O yundisa owangu kolomunda.

OLOSAMO 149:2

Isareli a yolele u wo lulika. Va Siono va sanjukile Soma yavo.

OLOSAMO 28:7

Yehova eye ongusu yange haeye otevele yange. Utima wange wo kolela kuenje ngohelua. Oco utima wange u yolela cimue. Ndu sivaya locisungo cange.

OLOSAMO 32:11

Yoleli Yehova. Nyamuli, ene wakuesunga. Ululi, ene vosi wakuavitima via sunguluka.

OLOSAMO 84:6

Oku pita vondamba ya Baka va tombolamo olono. Ohalula yi yi yukisa lotuvitovotovo.

OLOSAPO 16:15

Konjelo yocipala cosoma kuli omuenyo; ocame caye ca soka ndelende liombela yohalula.

ISAYA 30:21

Kuenje eci vu tiamẽla kondio pamue kepĩli oco ovatui ene a yeva ondaka yi tundilila konyima yene, yiti, Enjui, eyi oyo onjila, endelimo.

ISAYA 30:23

Eye o lokisa ombela kombuto wa wayi posi, eca olomema viovaima a tunda posi. Olomema viaco vi lova, vi tekula ciwa omanu. Keteke liaco oviunda viene vi lila vovililo vinene,

ISAYA 41:16

O vi tumũla kuenje ofela yi vi ambata, locipepe ci vi sandola, Ove puãi o sanjukila Yehova, kuenje o sambiliya U o kola wa Isareli

ISAYA 61:10

Oku sanjuka, sanjukila Yehova. Utima wange u yolaila Suku yange; momo wa mbualisa uwalo wepopelo, wa sikilĩla onyime yesunga, ndeci Sandombua a liposuisa lekofue liolonẽlẽho, pamue ndeci ondombua yi limiangulula laposuiso aye.

YEREMIYA 3:3

Oco ombela yohalula ka ya lokelele, ndaño ombela yakupupu. Haimo o kasi lupolo wukahonga, lopo osõi ku kuete.

YEREMIYA 5:24

Ka va likundi vovitima viavo vati, Tu sumbili Yehova Suku yetu, u o tu ihãiha ombela kovovo aco, eyi yohalula leyi yakupupu, haeye o tu ihãiha elombolo koloneke viaco.

ASIÕSUILO 4:2

Akuenje va posoka va Siono, vana va sokele ndulu wa yenguluiwa,— Avoyo we! cilo va tendiwa ndolombia viotuma, ndupange wovaka olonungi violombia.

ESEKIELE 34:26

Kuenje ndi vi lingisa ndesumũlũho, ovio muẽle kumue lovitumãlo via ñuala omunda yange. Ndokaisa ombela kuvo wayo. Ombela yaco yi linga ombela yesumũlũho.

HOSEA 6:3

Tu kũlĩhĩsi Yehova. Tu kuati ombili yoku u kũlĩha. Kokutunda kuaye ka kuli atatahãi, ku sokiyiwa ale ndokutola kuongula, Iya kokuetu ndombela, ndombela yomandavela yina yi yulisa osi.

OVISILA 26:4

oco vondombo ndu wihi ombela kuenje osi yeca ovaima ayo loviti viovovapia vima epako liavio.

AMOSI 4:7

Leci pa kambele olosãi vitatu oku ungula ame muẽle nda liwekisa ombela okuti ka yo lokeli. Kimbo eli nda lokisa ombela, kimbo likuavo sia lokisile ombela. Kepia eli ombela ya loka, kepia likuavo, oko ombela ka ya lokele, kua kukuta.

SAKARIYA 10:1

Lombi ombela ku Yehova kotembo yomandavela. Yehova eye ukuakusovola alende ombela, haeye ecaeca ombela komanu vaye okuti omunu omunu o kala lovikũla vepia liaye.

SAKARIYA 10:7

Kuenda va Efarimi va linga ndasualali vakuotoi. Itima viavo vi sanjuka ndava va nyua ovinyu. Omãla vavo va ci mõla kuenje va sanjuka. Ovitima viavo vi sanjukila Yehova.

SAKARIYA 9:13

Momo nda peteka Yuda ha lingi ohonji yange. Nda lingisa Efarimi usongo wayo. A Siono, omãla vove valume ndi va katuila omala valume va Helasi! Hu sokisa ndosipata yukuakuyaka.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

OVILINGA 14:17

Haimo lumue, ka la liweka oku eca olondimbukiso viu wimbila uvangi, momo wa lingainga ohenda. Wo wihi ombela ya tunda kilu, wo muisi ovovo elau, kuenje wa kutisa ovitima viene omo wo wihi okulia kuenda esanju.

ESINUMUĨLO 11:14

oco eye o lokisa ombela kofeka yene kuvo waye, o lokisa ombela yomandavela leyi yokupepuko, okuti wunguli olomema viene, lovinyu viene, lulela wene.

ESINUMUĨLO 28:12

Yehova o ku yuluila ociseleko caye cesumũluho, okuti ilu, kuenje o lokisila ombela kofeka yove kuvo wayo, loku sumũlũisa upange wosi wovaka ove. Ove o levalisa olofeka via lua, puãi ku levala.

ESINUMUĨLO 32:2

Ovilongua viange vi loku ndatosi ombela. Londaka yange yi loke ndowume, pamue ndokalupe ka sosuĩla kilu lionjombia, pamue ndombela yi lokila kovikũla.

VA FILIPOI 3:1

A vamanji, oku sulila, ndinga siti, sanjukili vu Ñala. Ame oku vu pituluila ño-o olondaka vimosi ño-o ka ku ñavisa, lene, olondaka viaco viu kuatisi.

VA FILIPOI 3:3

Momo etu tu fendaela Suku lespiritu loku lipandela Kristu Yesu okuti ka tu kolela ovina vietimba, etu, etu muẽle tuakuevamba liocili.

VA FILIPOI 4:4

Sanjukili vu Ñala olonjanja viosi. Mopia vali siti, Sanjuki.