YOELI 2:21 - Embimbiliya - Bíblia Sagrada em Umbundu

²¹ Afeka, ku ka yokoke. Yolela. Sanjuka. Momo Yehova wa linga ovikomo.

YOELI 2:21 Iomraidhean Croise

EFETIKILO 15:1

Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

OLOSAMO 71:19

Esunga liove, a Suku, li sovi cimue, li pitila kilu. Wa linga evi vinene. A Suku, wa soka love helie?

OLOSAMO 98:8

Olondui vi pandole lovaka avio. Olomunda vi imbile pamosi lonjolela

ISAYA 35:1

Ekalasoko lofeka ya kukuta vi sanjuka, ekango li yolela, kuenje li telẽha ndelosa;

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

ISAYA 44:23

Ailu, imba ocisungo, momo Yehova wa ci linga; angongo, kaluka! Alomunda, kaluki oku imba ocisungo; asisi kuenda oviti viosi vi kasimo, imbi; momo Yehova wa yovola Yakoba, kuenje o kemãla vo Isareli.

ISAYA 54:4

Ku ka kuate usumba, momo ku kutisua osõi; ku ka saluke, momo osõi ka yi ku kuti; momo wivala osõi yutila wove; ku ivaluka vali elaviso liumbumba wove.

ISAYA 55:12

Momo vu tunda lonjolela, vu songuiwa lombembua. Olomunda kuenda ovikandulukua vimbila ovisungo kovaso ene. Oviti viosi viusenge vi pandula ovaka.

YEREMIYA 33:3

Mbilikiye kuenje hu kumbulula, hu lekisa ovina vimue vinene haivio via sitikiwa okuti ove kua vi kũlĩhĩle.

HOSEA 2:21

Kuenje Yehova hati, Eteke liaco ame nambulula ciwa ovailu; lovailu a tambulula ciwa ongongo;

YOELI 2:20

Ava va tunda konano ndi vopa kokuene ha va endi kupãla. Ndi va lupuisila kofeka yekango ka kuli omanu. Olohoka viavo vi kasi kovaso vi taka vokalunga ka kasi kutundilo. Lolohoka viavo vi kasi konyima vi taka vokalunga ka kasi kutakelo. Kuenje elemba liavo lĩvi li yevala, omo va linga ovina vinene.

YOELI 2:26

Vu lia ca liwewa ho kuta. Vu sivaya onduko ya Yehova Suku yene, una wo lingili ovikomo. Omanu vange ka va kutisiwa vali osõi.

SAKARIYA 8:15

haico oloneke vilo nda sima oku linga ciwa la Yerusalãi lepata lia Yuda. Ko ka kuati usumba.

ESINUMUĨLO 4:32

Puli handi koloneke via pita tunde keteke Yehova a sovola omunu kilu lieve eci ene ka wa citiwili handi. Puli nda hẽ kua la pita, pamue kua la yevala, ocikomo ndeci. Ci pulivo kovailu tunde kocivanja eci toke kocivanja cikuavo.

I SAMUELE 12:16

Oco talamẽli handi. Vanji ocikomo cinene Yehova a linga kovaso ene.

I SAMUELE 12:24

Cinene oku vumba Yehova loku u vumba ocili lutima wene wosi. Ivaloki ovina vinene o lingili.