YOELI 2:18 - Embimbiliya - Bíblia Sagrada em Umbundu

¹⁸ Oco Yehova wa ivaluka ofeka yaye, wa kuatela omanu vaye ohenda.

YOELI 2:18 Iomraidhean Croise

II OLOSOMA 19:31

Momo vo Yerusalãi mu tunda ocisupe, lovomunda ya Siono mu tunda ava va puluka. Ombili ya Yehova yi ci linga.

OLOSAMO 103:13

Ndeci isia a kuetele omãla vaye ohenda, haico Yehova a kuetele ohenda ava vo sumbila.

OLOSAMO 103:17

Ocisola ka ci pui ca Yehova puãi, ci kasi tunde ka ku ci toke ka ku ci lava vo sumbila. Esunga liaye li solomohẽla komãla lo komãla,

ISAYA 37:32

Momo vo Yerusalãi mu tunda ocisupe, lovomunda ya Siono mu tunda ava va puluka. Ombili ya Yehova Ukualohoka yi ci linga.

ISAYA 42:13

Yehova o tunda ndesualali, o yuka onyeño ndu enda kovita, o vilikiya, haeye o kaluka, o lipamisila ovanyãli vaye.

ISAYA 60:10

Vakualofeka va tunga ovimbaka viove, kuenda olosoma viavo viu ku vumba. Momo cina nda temele nda ku veta, puãi cilo, omo ñasi love ciwa, nda ku kuatela ohenda.

ISAYA 63:15

Ove o kasi kilu vonjo yove yi kola ya posoka, vanja posi. Ombili yove kuenda ovikomo viove vi kasi pi? Ongeva yove lohenda yove via nimiliwa.

ISAYA 63:9

Olohali viavo viosi eye wa vi talelavo kumosi lavo. Hamungako pamue ungelo wa va popela, puãi eye muẽle wa kalako kuenje wa va popela. Wa va yovola locisola caye kuenda ohenda yaye, wa va yelula kuenje wa vambata oloneke viosi viosiãhũlu.

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

ASIÕSUILO 3:22

Ocisola ca Yehova ka ci kava kava, haico ka ci pui. Ohenda yaye ka yi kuete efulilo.

SAKARIYA 1:14

Oco ungelo wa kala loku vangula lame wa popia lame hati, Vilikiya huti, Ca popia Yehova Ukualohoka ceci, hati, Nda sakalala muẽle oku sokolola Yerusalãi la Siono.

SAKARIYA 8:2

Ca popia Yehova Ukualohoka ceci, hati, Nda sakalala muẽle oku sokolola Siono. Ñasi loku u wivaluka muẽle loku temẽla calua eci co lingiwila.

LUKA 15:20

Kuenje wa katuka, wa enda ku isiaye. Puãi osimbu a kasi handi kupala, isiaye wo mola, kuenje wo kuatela ohenda, wa lupuka, wo limbila posingo, yu wo sipula.

ESINUMUĨLO 32:16

Va wenguila Yehova esepa poku fendela olosuku viñi. Vo temisa lovombondo avo.

ESINUMUĨLO 32:36

Momo eci Yehova a mõla okuti unene wavo wa pua, leci a mõla okuti ka pa va supila ndaño umosi, ci kale upika, ci kale omamale, oco Yehova o tetuluila omanu vaye, kuenje o linga akuenje vaye ohenda.

ESINUMUĨLO 32:43

Ene alofeka sivayi omanu vaye, momo o fetuluinya osonde yakuenje vaye. O yambula ovanyãli vaye, kuenje upa eko liofeka yomanu vaye.

TIAGO 5:11

Ava va pandikisa tu va tukula tuti, Va sumũlũha. Wa yevi epandi lia Yovi kuenje wa moli efulilo lialio lio wiha Ñala. Ñala ukuacikembe haeye ukuahenda.

LIOLONGANJI 10:16

Oco va tundisa olosuku viñi pokati kavo, kuenje va vumba Yehova. Leye ka tẽlele vali oku tutuiya ocikembe cutima waye kupongo wa Isareli.