YOELI 2:16 - Embimbiliya - Bíblia Sagrada em Umbundu

¹⁶ Ongololi omanu. Kolisi ongongela. Ongololi olosekulu lomãla, ndaño oloñaña. Sandombua la Ndombua va tunde kohondo yavo.

YOELI 2:16 Iomraidhean Croise

II ASAPULO 20:13

Yuda yosi ya talama kovaso a Yehova, kumue loloñaña viavo lakãi vavo kuenda omãla vavo.

II ASAPULO 29:5

Wa popia lavo hati, Ene a va Lewi! Njeveleli! Kaliye liyelisi, kuenda yelisi onjo ya Yehova, Suku yolosekulu viene! Esĩlo li kasi vocitumãlo ci kola, li tundisili posamua.

II ASAPULO 30:17

Vohongele mua kala valua ka va likolisile, oco ava vosi ka va yelele, va Lewi va kala locikele coku va ipaila olomeme vio Pascoa, ha vi koli ku Suku.

II ASAPULO 30:19

u wosi wa kapela utima waye oku sanda Suku Yehova, Suku yolosekulu viaye, ndaño ka kuete onjelo yina yi sesamela vocitumãlo ci kola.

II ASAPULO 35:6

Ipayi o Pascoa, liyelisi kuenda angiliyiliko vamanjene, ho lingi ndondaka ya Yehova ya sonehiwa la Mose.

YOVI 1:5

Eci oloneke viovipito via pua, oco Yovi wa tuma oku va piolisa. Oku pasuka ociteketeke, wa va lumbaila ovilumba vioku yoka, omõla ocilumba, omõla ocilumba, momo Yovi hati, Sanga omãla vange va linga ekandu kuenje va simãila Suku cimue cĩvi vovitima viavo. Oco Yovi a lingainga.

OLOSAMO 19:5

Olio li linga ndukuandombua o tunda vohondo yaye, liyolela ndonõi yi lupukila oku litunda.

ETUNDILO 19:10

Yehova wa popia la Mose hati, Kuende komanu. Etaili la hẽla o va kolisa. Va sukule uwalo wavo.

ETUNDILO 19:15

Wa sapuila omanu hati, Liangiliyili eteke liatatu. Ko ka litokeki lakãi.

ETUNDILO 19:22

Ovitunda laviovo, nda viya ocipepi la Yehova, vi likolise, sanga Yehova o vondumuhĩla.

YOELI 1:14

Kolisi oloneke vioku likandangiya okulia. Laleki ohongele. Ongoluili akulu lolonungi viosi viofeka vonjo ya Yehova Suku yene. Vilikiyi Yehova.

MATEO 21:16

Vo pula vati, O yevite eci ava va kasi loku popia? Yesu wa va kumbulula hati, Ndi ci yevite. Puãi ka wa la tangi olondaka evi viokuti, Kovimẽla viomãla lotuñaña ove wopako esivayo liocili?

MATEO 9:15

Yesu wa popia lavo hati, Vasandombua hẽ, va tẽla oku lila osimbu sandombua a kasi kumue lavo? Puãi oloneke viya okuti sandombua o vopiwa oco va likandangiya noke okulia.

I VA KORINDO 7:5

Ko ka litinduki, te nda wa ci likuminyi pokati okasimbu ho pindamui loku likutilila. Noke wu litokeka vali, sanga Satana u yonji mekonda lioloñeyi viene.

YEHOSUA 7:13

Votoka, yelisa omanu, popia huti, Liyelisili eteke lia hẽla. Momo ca popia Yehova Suku ya Isareli, ceci, hati, A va Isareli, pokati kene pali cimue ca siñaliwa. Ko tela oku tamalala lovanyali vene, te nda vu tundisa pokati kene eci ca siñaliwa.

YEHOSUA 8:35

Kolondaka viosi Mose a handelekele, layimue ya sialako okuti Yehosua ka yi tangelele ohongele yosi ya Isareli, lakãi, lomãla, lovingendeleyi via tunga pokati kavo.

I SAMUELE 16:5

Eye hati, Lombembua. Ndeya oku lumbila Yehova ocilumba. Liyelisi. Tuendeli pamosi kokulumba kuaco. Oco wa yelisa Jese lomãla vaye. Wa va laleka kokulumba kuaco.