YOELI 2:13 - Embimbiliya - Bíblia Sagrada em Umbundu

¹³ Ko ka toli vali olonanga, toli puãi itima. Pongolokeli ku Yehova, Suku yene, momo eye ukuahenda haeye ukuacikembe, o livala konyeño, otembo yosi o kasi locisola ka ci pongoloka, kuenda kocisimĩlo coku nyõla o liwekako.

YOELI 2:13 Iomraidhean Croise

EFETIKILO 37:29

Eci Ruvene eya vali kocitunu kuenje wa sanga okuti Yosefe vocitunu kemo, oco wa tola tola uwalo waye.

EFETIKILO 37:34

Oco Yakoba wa tola tola uwalo waye kuenje wa wala ocikelei kombunda yaye. Wa lila omõlaye oloneke vialua.

II SAMUELE 1:11

Daviti yu wa tola tola uwalo waye, haico ca linga alume vosi va kala laye.

I OLOSOMA 21:27

Eci Ahava a yeva olondaka evi, wa tola olonanga viaye, wa wala ocikelei ketimba liaye, wa likandangiya okulia, wa pekela pocikelei, kuenje wa enda leli! leli!

II OLOSOMA 22:11

Eci Soma a yeva olondaka vielivulu liovihandeleko, oco wa tola uwalo waye.

II OLOSOMA 22:19

Omo utima wove ka wa sivile kuenje wa liketisa kovaso a Yehova eci wa yeva ondaka nda popela imbo lilo lava va tungamo ndokuti va linga ndelunda lesiñalo, kuenda omo wa tola uwalo wove loku lilila kovaso ange, oco lamevo nda ku yeva. Oco ca popia Yehova.

II OLOSOMA 5:7

Eci Soma ya Isareli a tanga ukanda, wa tola uwalo waye, kuenje hati, Ame nga Suku, nẽla nga oku ipa loku muisa omuenyo okuti omunu u o tuma kokuange oku kayisa umue ovilundu viaye? Tali ya, kuenda limbuki ndomo a sanda oku yuela lame.

II OLOSOMA 6:30

Eci Soma a yeva olondaka viukãi, wa tola uwalo waye. Omo wa kala loku pita kocimbaka, omanu va vanjako kuenje tala, kosi wa walako ocikelei.

II ASAPULO 6:27

oco ove, kilu, yevelela, ecela ekandu liakuenje vove leli liomanu vove va Isareli, eci o va longisa onjila yiwa muna va sesamela oku endela, kuenda lokisa ombela vofeka yove, yina wa ecele ndocipiñalo komanu vove.

NEHEMIYA 9:17

Kuenje va likala oku ku pokola; ka va ivalukile ovikomo wa va lingila. Va sivisa itima viavo kuenda va linga ovisuanji. Va katula usongui wavo okuti va tiukila vali ke Egito kupika wavo. Haimo, ndaño oco, ove, omo wukuangecelo, wukuambembua, wukuahenda, o livala konyeño, haive ukuavilinga viohenda, kua va yandulukile.

YOVI 1:20

Yovi wa votoka, wa tola onanga yaye kuenje wa lipemũla utue. Wa limba posi kuenje wa fendela.

OLOSAMO 103:8

Yehova Ukuahenda, o kasi locali, o livala konyeño. Ocisola caye ka ci pui ca lua cimue.

OLOSAMO 106:45

Wa va ivalukila ocisila caye. Koayeño yaye wa litiulamo mekonda liokulua kuocisola caye ka ci pui.

OLOSAMO 34:18

Yehova yu ocipepi la vakuavitima via teka. O popela ava va kasi lovitima via samba.

OLOSAMO 51:17

Ovilumba vi sanjuisa Suku utima wa teka. A Suku, ove ku timi utima wa teka, haiwo wa samba.

OLOSAMO 86:15

Ove puãi, a Yehova, wu Suku yohenda, haive wukuacili. O livala konyeño. Ocisola cove ka ci pui kuenda ocili cove via lua cimue.

OLOSAMO 86:5

Momo ove, a Yehova, wa sunguluka haive wukuakuecela. O kuetele vosi va ku vilikiya ocisola ka ci pui.

ISAYA 57:15

Momo Tõlo, haeye wa piãla, o tumãla ño-o hũ, onduko yaye yi kola eci a popia ceci, hati, Nda tunga vocitumãlo ca lepa haico ci kola. Nungavo kumue lomunu we lipua, haeye wonjuka, okuti numbulula utima wu we lipua, kuenda utima wu wonjuka.

ISAYA 58:5

Oku hẽ, oko okulikandangiya okulia ame nda nõla? Eteke ndolio hẽ olio li kuatisa omunu oku liketisa? Anga, okulikandangiya kuocili kua lomboloka oku petamisa utue ndoluneva, pamue oku pekaila vetiko pamue oku wala ovikẽlẽyi? Eci hẽ, oco vu ci tukola, hoti, Oku likandangiya okulia kuenda eteke Yeova a sole?

ISAYA 66:2

Ovaka ange a tunga ovina evi viosi, oco ovina evi viosi viange. Oco ca popia Yehova. Puãi omunu mbanja yu wa liketisa, haeye wonjuka vutima, kuenda o lulumĩla ondaka yange.

YEREMIYA 36:7

Mbi alombelo avo a yevala ku Yehova, kuenje vosi, omunu omunu, va tinduka kolonjila viavo vĩvi. Momo onyeño locikumbiti Yehova a tukuila omanu ava, vialua.

YEREMIYA 41:5

oco kueya akui ecelãla kalume va tunda ko Siekeme, kuenda ko Silo, loko Samaria. Alume vaco va lipemula olonjele, kuenda olonanga viavo via toka toka, latimba avo a tandiwa. Vambata ovilumba viosema kuenda insensu vioku tuala konjo ya Yehova.

YEREMIYA 42:10

Nda vu kala vofeka yilo, oco ame ndu tungisi kuenje siu tungululi; ndu kũli kuenje siu tukũli; momo nda likekembela eci cĩvi ndo lingi.

ESEKIELE 9:4

Oco Ñala wa popia laye hati. Pita vokati kimbo, vokati ka Yerusalãi. Kapa ondimbukiso kolopolo viomanu va lisiõsiõla loku leñaila avĩho osi a lingaiwa vokati kalio.

HOSEA 14:1

A Isareli, tiukili ku Yehova Suku yene, momo wa kupukili akandu ene.

YONA 3:9

Helie o ci nda Yehova o litiulamo, o tunda konyeño yaye yalua ndokuti ka tu nyõlẽha vali?

YONA 4:2

Oco wa likutilila ku Yehova, hati, A Yehova, eci hẽ, hacoko nda popele eci nda kala vofeka yetu? Siti oco nda yayuilako oku tilila ko Tarsisi momo nda ci kũlĩha okuti ove u Suku ukuacali, ukuahenda, ukuakulivala konyeño, ukuacisola ka ci pongoloka, haive ukuangecelo.

MIKA 7:18

Helie Suku wa soka ndove, u ecela olohõle, haeye ivala okulueya kuocisupe cocipiñalo caye? Eye ka kala ño-o hũ lonyeño yaye momo o sanjukila ohenda locisola.

NAHUMI 1:3

Yehova o livala konyeño, haeye wa piãla kolohõlo. Lalimue eteke Yehova a yovuisa u wa pia. Onjila yaye yi kasi vocipepe kuenda vehunguhungu. Alende, o-o oneketela yolomãi viaye.

ATENDELO 14:18

Yehova ukuakulivala konyeño haeye ukuacisola ka ci pongoloka. Eye ecela olohole loku lueya puãi ka yovuisa ukueko. O fetuluinyila omãla ongole ya vaisiavo toke kocitumbulukila catatu leci cakuãla.

VA ROMA 2:4

Ale wa lavisa ño ukuasi wohenda ya Suku lepandi liaye lokutoñomala kuaye? Kua kũlĩhile nga okuti ohenda ya Suku yi lingiwila oku ku tuala koku likekembela akandu?

VA EFESO 2:4

Puãi, omo Suku ukuahenda ya lua wa tu sola ca lua,

I TIMOTEO 4:8

Momo okupindisa etimba, ocili, ku silivila, puãi okutuwa nda Suku ku kuatisa kovina viosi, momo ku kuete ohuminyo yokomuenyo ulo, kuenda komuenyo wiyako.