YOELI 2:12 - Embimbiliya - Bíblia Sagrada em Umbundu

¹² Puãi, ndaño cilo, lopo Yehova o li loku laleka, hati, Pongolokeli kokuange lutima wosi, loku likandangiya okulia, loku lila kuenda oku litetela.

YOELI 2:12 Iomraidhean Croise

II SAMUELE 24:10

Kovaso yoku tenda omanu puãi Daviti co vala vutima. Daviti wa popia la Yehova, hati, Eci nda linga ca lueya calua. Cilo puãi a Yehova, ñasi loku likutilila kokuove. Ame ndukuenje wove. Ngecele ongole yange. Omo ocili eci nda linga cuveke.

II ASAPULO 30:6

Oco olomunga via enda lovikanda via tumiwa la Soma kumue lolombuale viaye, yu va ñuala Isareli yosi la Yuda ndomo Soma a ci handeleka. Va popia vati, Ene a va Isareli, pongolokeli ku Yehova, Suku ya Avirahama la Isake la Isareli, oco eye a tiuke kokuene wa supipo, haene wa puluki povaka olosoma via Asuria.

II ASAPULO 6:27

oco ove, kilu, yevelela, ecela ekandu liakuenje vove leli liomanu vove va Isareli, eci o va longisa onjila yiwa muna va sesamela oku endela, kuenda lokisa ombela vofeka yove, yina wa ecele ndocipiñalo komanu vove.

ESTER 4:16

Kuende, kongolole va Yudea vosi va kasi vo Siusana. Va liñandangiyile okulia, ka va ka lie ndaño oku nyua oloneke vitatu, lutanya luteke. Ame lafeko vange letuvo tu likandangiya okulia ndene. Oco noke ngenda ku Soma, ndaño ocihandeleko citi, Ka ci tava oku enda. Nda fa, fa muẽle.

ETUNDILO 33:5

Momo yehova wa popia la Mose hati, Popia la va Isareli huti, Wumanu va huka. Nda nda enda lene okasimbu kaño nda ndo kunduli, oco luli aposuiso ene okuti sokolola eci ndinga lene.

ISAYA 22:12

Keteke liaco Suku Yehova Ukualohoka wo laleki oku lila loku litetela kuenda oku lipemũla, loku wala ikelẽi.

ISAYA 58:4

Tali, okulikandangiya kuene okulia ku koka lika oku tema kuenda oku liyenja loku litendola ovikusi vĩvi. Okulikandangiya kuene okulia ndeci vu linga etali ka ku yevalisa ondaka yene kilu.

YEREMIYA 3:22

Amãla volukonyo, tiuki. Ame ndu sakuli olukonyo luene. Tala, tueya kokuove omo ove vu Yehova, ove Suku yetu.

YEREMIYA 36:7

Mbi alombelo avo a yevala ku Yehova, kuenje vosi, omunu omunu, va tinduka kolonjila viavo vĩvi. Momo onyeño locikumbiti Yehova a tukuila omanu ava, vialua.

YEREMIYA 4:1

A Isareli, nda o tiuka, nda o tiuka muẽle kokuange, loku inasi ovombanda ene okuti si a mõli vali, kuenda nda ku tungayala vali,

YEREMIYA 4:2

kuenje nda o lisila huti, Ndeci Yehova o kasi lomuenyo,— nda o ci lisila muẽle locili, lesunga kuenda esunguluko, oco olofeka vi sumulũhĩla kokuaye, kuenje kokuaye oko vi muila ulamba. Oco ca popia Yehova.

ESEKIELE 33:11

Ndomo ñasi lomuenyo si sanjukila okufa kuondingãivi. Eci puãi sanjukila ceci, Nda ondingãivi yi tinduka konjila yaye ha yi kala lomuenyo. Apata lia Isareli, tinduki, tinduki kolonjila viene vĩvi. Vu fila nye?

DANIELE 9:3

Oco nda likapela oku vanja ku Yehova Suku, siu sandiliya lalombelo lafelevelo, loku likandangiya okulia loku wala ovikẽlẽyi loku sieketa etiko.

HOSEA 12:6

hati, Oco, tiukila ku Suku yove. Linga ohenda lesunga. Imba ovaso ku Suku yove olonjanja viosi.

HOSEA 12:7

Ukuakufũla, nda peka liaye peli ombalãsa yuhembi, o sole oku kangisa omanu.

HOSEA 14:1

A Isareli, tiukili ku Yehova Suku yene, momo wa kupukili akandu ene.

HOSEA 6:1

Enjui, tu tiukili ku Yehova; momo eye wa soyola okuti o tu sakula; eye wa tu tonyõla, haiye o tu itika.

YOELI 1:13

Avitunda, wali ovikelei loku lisiõsiõla. Leñi, leñi, ene vu vumba vumba kutala. A vakuakuvumba Suku yange, iñilivonembele. Wali ovikelẽi. Lalimo uteke wosi. Momo ocilumba cosema kuenda ocilum cokunyua via imũhĩla vonjo ya Suku yene.

SAKARIYA 7:3

Va tumavo oku pula kovitunda via kala vonjo ya Yehova lokovaprofeto, vati, Ca sesamẽla oku lila loku likandangiya okulia kosãi yatãlo ndeci ndingainga ale alima alua, ale?

SAKARIYA 7:5

Popia lomanu vosi vakuafeka yilo kuenda ovitunda, huti, Eci wa likandangiyi okulia loku lila kosãi yatãlo kuenda kosãi yepanduvali pokati kalima aco akũi epanduvali ame nga, ame muẽle, wa liñandangiyili okulia?

MALAKIYA 1:9

Cilo, likutilili ku Suku okuti o tu linga ohenda. Locilumba ndoco hẽ u lingi ohenda? Oco ca popia Yehova Ukualohoka.

OVILINGA 26:20

Oco tete nda kundila va Damasko, noke va Yerusalai, noke vofeka yosi ya Yudea, kovaso yaco vakualofeka. Vosi yavo nda va kundila, siti, Likekembeli akandu ene. Kondolokeli ku Suku. Kali lovilinga vi lekisa ocili okulikekemba kuene.

LIOLONGANJI 2:4

Eci ungelo wa Yehova a popia olondaka evi la va Isareli, oco omanu va kaluka loku lila.

LIOLONGANJI 20:26

Oco va Isareli vosi kumue lomanu vosi, va lamana, yu veya ko Betele. Oko va lilila loku kala kovaso a Yehova. Eteke liaco va likandangiya okulia toke koñolosi. Va lumbila kovaso a Yehova ovilumba vioku pia elisi lovilumba viombembua.

I SAMUELE 7:3

Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.

I SAMUELE 7:6

Oco vongolokela vo Misipa. Va tapa ovava kuenje va a itila kovaso a Yehova. Va likandangiya okulia eteke liaco kuenje va popia vati, Tua lingila Yehova ekandu. Samuele wa linga onganji ya va Isareli ko Misipa.