YOELI 2:10 - Embimbiliya - Bíblia Sagrada em Umbundu

¹⁰ Kovaso yavo ongongo yi luluma, lilu li lisenga. Ekumbi losãi vi tekãva, kuenda olombungululu vi liweka oku tua.

YOELI 2:10 Iomraidhean Croise

OLOSAMO 114:7

Angongo, lulumila kovaso a Yehova, kovaso a Suku ya Yakoba.

OLOSAMO 18:7

Oco, ongongo ya lisenga, ya tingoka. Oviseveto violomunda laviovo via luluma, via lisenga omo eye wa tema.

ISAYA 13:10

Momo olombungululu viokilu lovisoko viavio ka vi eci ocinyi cavio. Ekumbi eci li tunda li fa, losãi ka yi eci owi wayo.

ISAYA 34:4

Olohoka viokilu vi sesemẽha, lilu li iñiwa ndociña. Olohoka vialio vi loka ndeci amẽla a loka kuyuva, pamue ndeci amẽla a loka kukuyu.

ISAYA 5:30

Eteke liaco va yi komẽla ndokuõla kuokalunga. Umue nda o vanja kofeka yaco o mõla owelema kuenda ohali, kuenje ocinyi ci tekãvĩsua lalende aco.

YEREMIYA 4:23

Nda vanja posi kuenje tala, pa nyolẽha, pa siala upolokoso. Nda vanja kilu kuenje ka kua kaile ocinyi.

YOELI 2:2

Eteke liaco eteke liowelema kuenda esumuo, hailio eteke lialende lowelema walua. Kuiya omanu va pama haivo vakahandangala. Va molẽha kolomunda ndolohuma. Tunde kosimbu ka kua la kala omanu ndovo, ndaño kovaso yanyamo ka ku kala, ndaño kovitumbulukila viya ka ku kala.

YOELI 2:31

Ekumbi li pongoloka owelema, losãi yi pongoloka osonde osimbu eteke linene lia Yehova, hailio li yokokisa, ka lieyile.

YOELI 3:4

A Turo, a Sidono, avaimbo osi a va Filisiti, Nye vu yongola kokuange? Vu kasi loku fetuluinyila cimue ale? Nda oco vu kasi loku ndinga limbuki okuti efetuluinyo liaco ndu li fetuluinyi lonjanga.

AMOSI 5:8

Sandiliyi u wa lulika Pleiades la Orion, una o pongoluisa owelema wuteke ho lingi ongula yomẽle, haeye o tekãvĩsa utanya ho lingi uteke, haeye o kovonga ombela yokilu, kuenje o yi lokisila kilu lieve,— onduko yaye Yehova.

NAHUMI 1:5

Olomunda viu lulumĩla loviwulu vi sengeteta. Kokumõlẽha kuaye ongongo yi nyõlẽha, okuti oluali lava vosi va tungamo.

MATEO 24:29

Ndopo, kovaso yohali yoloneke viaco, ekumbi li vumbula, kuenje osai ka yeci owi wayo. Olombungululu vi loluka kilu, lovonene okilu a sengiwa.

MATEO 27:51

Kuenje tala, ongumbo yonembele ya toka tunde kilu toke posi, kuenje osi ya luluma lovawe a toka.

OVILINGA 2:20

Ekumbi li pongoloka owelema, losãi yi pongoloka osonde, osimbu eteke lia Ñala ka lieyile, eteke liaye linene lieletuluko.

ESITULUILO 20:11

Oco nda mola ocalo cinene ci yela lu wa tumalako. Osi lilu via tila kovaso aye, lapa vi kala ka pa molehele.

ESITULUILO 6:12

Eci a teya esitikilo liepandu nda vanja, kuenje kua pita ocilemawe ca lua. Ekumbi lia pongoloka oku tekava ndocikelei, losãi ya moleha ndosonde.

ESITULUILO 8:12

Ungelo wakuãla wa sika olumbeta luaye, kuenje ombandu yatatu yekumbi ya vetiwa, lombandu yatatu yosãi, lombandu yatatu yolombungululu, okuti ombandu yatatu yocinyi cavio ya vuvala, ombandu yatatu yutanya ka ya tuile, lowi haico.

ESITULUILO 9:2

Eye wa yikulula ekungu lionjembo, lo vekungu liaco mua tunda owisi, huti ño owisi wofolono yinene, kuenje owisi wovekungu wa vuvalisa ekumbi lofela.