YOELI 2:1 - Embimbiliya - Bíblia Sagrada em Umbundu

¹ Siki olumbeta vo Siono. Imbili oluiya komunda yange yi kola. Olonungi viosi viofeka vi lulume omo eteke lia Yehova li li oku iya, li kasi muẽle ocipepi.

YOELI 2:1 Iomraidhean Croise

I ASAPULO 15:28

Isareli yosi yambata ocikasa covisila via Yehova, loku ulula, loku totãlisa anguena lolombeta layundu lovisumba lolohalupa.

OLOSAMO 119:120

Etimba liange li ku lulumila lusumba, kuenje njokokela olonimbu viove.

OLOSAMO 87:1

Komunda yi kola oko kuli imbo a sovola.

ETUNDILO 10:14

Olohuma viaco vieya kofeka yosi ye Egito, via wila vovikanjo viosi vie Egito. Via kãla cimue. Konyima yavio ka kua la kala olohuma via soka lavio, lokovaso ka ku kala vali ndovio.

ISAYA 13:6

Liyuli, momo eteke lia Yehova li kasi ocipepi, liya ndoku nyõla kua Cimalomata.

ISAYA 13:9

Tala, eteke lia Yehova liya, li yuka ungangala lekangiso lonyeño ya sanya. Li pongolola ofeka okuti yi linga ekalasoko, kuenje li nyõla vakuakandu vaco.

ISAYA 2:12

Momo kuiya eteke lia Yehova Ukualohoka kovina viosi vioku lisola kuenda emande, kuenje ovina viosi vi likapa kunene vi enda posi.

ISAYA 66:2

Ovaka ange a tunga ovina evi viosi, oco ovina evi viosi viange. Oco ca popia Yehova. Puãi omunu mbanja yu wa liketisa, haeye wonjuka vutima, kuenda o lulumĩla ondaka yange.

ISAYA 66:5

Yevi ondaka ya Yehova, ene vu lulumĩla ondaka yaye, yeyi, Vakuẽle ava vo suvuki kuenje vo tundisili onduko yange va popia vati, Yehova a muĩsue ulamba oco tu mole onjolela yene, puãi ovo, ovo va kutisua osõi.

YEREMIYA 16:10

Oco eci o sapuila omanu ava olondaka evi viosi kuenje va ku pula vati, Nye Yehova a tu tukuilila ovina evi viosi vĩvi? Olohole vietu vie? Ekandu tua lingila Yehova Suku yetu olio lie?— oco o va sapuila,

YEREMIYA 16:7

Lomue eca ombolo yoku lila ku wa fisa, lomue u lembelekela u a fisa. Lomue o wiha okopo yelembeleko ha yi nyuila isiaye pamue inaye.

YEREMIYA 4:5

Ci sapuili vo Yuda, imbi oluiya vo Yerusalãi hoti, Sikili olumbeta vofeka. Vilikiyi hoti, Liongololi, tu iñili volombonge.

YEREMIYA 5:22

Yehova hati, Ko ñuetele usumba? Ko ndulumĩla? Ame nda kapa eseke okuti li linga ongave yokalunga, kuenje li linga vo ocuviko colotembo viosi okuti okalunga ka ka pitahãla. Akimba aco ndaño a litasola haimo ka a ci tẽla, ndaño õla haimo ka a pitãhãla.

ESEKIELE 12:23

Oco va sapuila huti, Ca popia Ñala Yehova ceci, hati, Sulisa olusapo luaco kuenje ka lu silivila vali kokuavo ndolusapo lua va Isareli. Puãi va sapuila huti, Oloneke via pitila vioku lemũlũha kuovinjoinjoi viosi.

ESEKIELE 21:12

Lila, litetela, a Mõlõmunu, momo yi veta omanu vange. Yi veta olosoma viosi via Isareli, vi telekaliwila kosipata kumue lomanu vange. Oco liveta kevangovango liove.

ESEKIELE 30:3

Eteke liaco lia kokela, eteke lia Yehova likasi ocipepi. Li kala eteke lialende, liotembo yekundu liolofeka.

ESEKIELE 33:3

nda eye o mõla osipata yoyiya vofeka kuenje o sika olumbeta ha lungula omanu,

ESEKIELE 33:6

Puãi nda ondavululi yi mõla osipata yoyiya kuenje ka yi siki olumbeta ha lungula omanu, losipata nda yiya, yi nyõla umue pokati kavo, waco o wa nyõlẽha, wa nyõlẽhẽla ekandu liaye, osonde yaye puãi ndi yi kisika ondavululi.

ESEKIELE 7:10

Ota, eteke liaco, ota, lieya. Ekumbi liove lieya. Ahuku a temũla, lemande lia yova.

ESEKIELE 7:12

Otembo yeya, eteke li kasi ocipepi. Ukuakulanda ka ka sanjuke, lu o landisa ka ka sumue, momo onyeño yi kasi kowiñi wosi.

DANIELE 6:26

Njimba oluiya luokuti kuviali wosi wusoma wange omanu va lulumĩle Suku ya Daniele loku u sumbila. Momo eye, eye Suku Ukuamuenyo, o kala ño hũ; kuenje usoma waye ka u nyolãha, luviali waye u kala ño hũ toke kesulilo.

DANIELE 9:16

A Yehova, mekonda leisunga liove lialua, hu pinga okuti onyeño yove loku fungula kuove ku upiwa kimbo liove lia Yerusalãi lokomunda yove yi kola; momo mekonda liakandu etu kuenda mekonda liolohole viavakukululu vetu, Yerusalãi lomanu vove va linga vakuesepu kuava vosi va tu ñuala.

DANIELE 9:20

Nda kala handi loku popia loku lomba loku litavela ekandu liange kuenda ekandu liepata liange va Isareli, loku likutilila ku Yehova Suku yange mekonda liomunda yi kola ya Suku yange.

HOSEA 5:8

Siki enguena vo Givea lolumbeta vo Rama. Vilikiyi londaka yalua vo Betawene. A Benjamini, luluma!

HOSEA 8:1

Kapa olumbeta komela wove momo ongonga yulombo ya loña konjo ya Yehova, momo va nyõla ocisila cange haivo va siñala ovihandeleko viange.

YOELI 1:15

Eteke liaco we! Momo eteke lia Yehova li kasi ocipepi, liya ndenyõlẽho li tunda ku Tõlo.

YOELI 2:11

Yehova o vilikiya lolukandi kolohoka viaye, momo olohoka viaye via lua cimue. Lu o linga ocipango caye wa pama ca lua. Momo eteke lia Yehova linene, kuenda li linga usumba. Helie o li tẽla?

YOELI 2:15

Siki olumbeta vo Siono. Tukuli eteke limue ha li lingi eteke li kola lioku likandangiya okulia. Laleki ohongele yoku fendela.

YOELI 2:31

Ekumbi li pongoloka owelema, losãi yi pongoloka osonde osimbu eteke linene lia Yehova, hailio li yokokisa, ka lieyile.

YOELI 3:14

Awiñi a lua! Awiñi a lua vocimbota coku tetuluila! Momo eteke lia Yehova lio liya kocimbota coku tetuluila.

YOELI 3:17

Oco vu kũlĩha okuti ame Yehova, ame Suku yene, haime nda tunga vomunda yange yi kola Siono. Kuenje Yerusalãi li linga imbo li kola. Vakualofeka lalimue vali eteke va pitamo.

AMOSI 3:6

Ci tava hẽ, oku sikila olumbeta vimbo kuenje omanu ka va lisaluka? Ũvi hẽ, u wila vimbo nda ha Yehovako wa ci panga?

AMOSI 5:18

Ene vu livela eteke lia Yehova, ngongo yene! Nye vu yonguila eteke lia Yehova? Li kala liowelema, haliutanyako.

AMOSI 8:2

Eye wa mula hati, A Amosi, o lete nye? Nda linga siti, Ndete ohumba yapako ondombo. Oco Yehova a popia lame, hati, Efulilo lieya komanu vange va Isareli. Si va pitahãla vali.

OVADIYA 1:15

Momo eteke lia Yehova li li ocipepi, kuenje liya kolofeka viosi. Ndeci wa linga haico ci ku lingiwila. O fetuluinyiwila ovilinga viove.

SOFONIYA 1:14

Eteke linene lia Yehova li li ocipepi; li li ocipepi muẽle, lia yayulako, Onjuvungo yeteke lia Yehova yi koka usumba; ndaño onoi yi liyula lusumba.

SOFONIYA 1:16

eteke liolumbeta, kuenda evilikiyo lioku yakisa ovaimbo a pama kuenda olombonge.

SOFONIYA 1:7

Uhĩli kovaso a Yehova Suku, momo eteke lia Yehova li li ocipepi. Yehova wa yala ofesta yovilumba; wa laleka ale akombe vaco.

SOFONIYA 3:11

Keteke liaco ko kutisua osõi mekonda liovilinga viene, vina wa ndingili lavio usuanji; momo njupa pokati kene omanu vene vakuakulitambela, kuenje ko likapi vali kunene vomunda yange yi kola.

SAKARIYA 14:1

Tala! Eteke lia Yehova liya! Kuenje keteke liaco ovina va ku punda vi tepelua muẽle vokati kove.

SAKARIYA 8:3

Yehova hati, Niukila ko Siono. Numãla vokati ka Yerusalãi. Kuenje Yerusalãi yi tukuiwa Imbo liesunga, lomunda ya Yehova Ukualohoka yi tukuiwa Omunda yi kola.

MALAKIYA 4:1

Momo, tala, kuiya eteke li taima ndofolono, kuenje vosi vakuakulipanda lava va linga lãvi va linga ndasila otiliku. Eteke liaco li kasi oku iya li va yoka, kuenje kokuavo ka ku siala ndaño olumbombo, ndaño ocanja. Oco ca popia Yehova Ukualohoka.

ATENDELO 10:2

Tunga olombeta vivali viopalata. O vi tunga loku vi tela. O kala lavio oku kovonga omanu loku katula ocilombo.

ATENDELO 10:3

Eci kavali havio via sikiwa oco owiñi wosi u liongoluila kokuove kuvelo wombalaka yoku ñualehela la Yehova.

I VA KORINDO 14:8

Olumbeta, nda lu imba ondaka ka ya lombolokele, u o malehela ocilunga elie?

VA FILIPOI 2:12

Oco, a vakuacisola cange, ndeci ale wa pokowaili, okuti eci nda kaile lene hacoko lika, haico cilo, ndaño si kasi lene, kolisiko oku linga eci ci koka epopelo liene. Kolisiko muẽle laco lusumba loku luluma.

I VA TESALONIKE 5:2

Momo ene muẽle wa kũlĩhi ciwa ciwa okuti eteke lia Ñala liya ndeci ocimunu ciya kuteke.

TIAGO 5:8

Lenevo pandikisivo. Pami vovitima, momo etukuluko lia Ñala li kasi ocipepi.

I PETULU 4:7

Esulilo liovina viosi vi kasi ocipepi. Oco lunguki. Feleveli lolohutililo.

ESITULUILO 6:17

Momo eteke linene lionyeño yavo lieya. U o tẽla oku tamalala lalio helie?