YOELI 1:4 - Embimbiliya - Bíblia Sagrada em Umbundu

⁴ Eci ca supa koku liwa levõle, epange lia ci lia. Eci ca supa koku liwa lepange, oluhuma lua ci lia. Kuenje eci ca supa koku liwa loluhuma, epolovi lia ci lia.

YOELI 1:4 Iomraidhean Croise

I OLOSOMA 8:37

Nda vofeka muiya elambu lefengi locikakula pamue ovikula viuvuka, pamue kuiya olohuma locimbonde; nda unyali wavo o va ñualela ocingonja vovaimbo avo; nda kuiya ekundu limue pamue uvei umue;

II ASAPULO 6:28

Nda vofeka muiya elambu, lefengi, locikakula pamue ovikũla viovuka, pamue kuiya olohuma lovimbonde; nda ovanyali vavo va va ñualela ocingonja vovaimbo avo; nda kuiya ekundu limue pamue uvei umue;

II ASAPULO 7:13

Nda ndondisa ilu okuti ka li eci ombela pamue nda numa olohuma ha vi kundula ofeka, pamue numa efengi pokati komanu vange,

OLOSAMO 105:34

Wa popia kuenje olohuma vieya, lapange ka a tendiwa.

OLOSAMO 78:46

Wa eca ovaima avo kovongu, kuenda apako upange wavo kolohuma.

ETUNDILO 10:4

Momo nda ku tava oku eca omanu vange, hẽla nena olohuma kofeka yove.

ETUNDILO 10:5

Vi vumba osi yosi cokuti umue oku mõla osi ka ci tava. Vi lia ocisupe ca ku supila kociwe. Vi lia oviti viove viosi viovusenge.

ISAYA 33:4

Ca pundiwa ci pupuluiwa ndeci ocimbonde ci pupolola. Omanu va ci wila ndeci olohuma vi wila wila.

YEREMIYA 51:14

Yehova Ukualohoka wa lisila eye muẽle, hati, Hu yukisa alume okuti vu lua ndolohuma. Ya ku imbila evilikiyo lieyulo.

YEREMIYA 51:27

Iki epandela vofeka, sikili olumbeta pokati kolofeka. Pongiyi olofeka oku yaka laye. U kongeli ovosoma a Ararate, la Mimi, kuenda Asikenasi. U katuili kesongo. U nenẽli otuvalu ndovimbonde violohuma.

YOELI 2:25

Ndu piñainyalipo alima ana a liwa lolohoka viange yiokuti, olohuma lavõle lapange lapolovi nda tuma kokuene.

AMOSI 4:9

Ndo yambuli locikakulo lohume. Nda nyõla ovapia ene loviumbo viene viayuva. Nda nyõlãvo oviti viakuyu. Loviti violiveira via liwa lolohuma. Haimo ka wa tiukili kokuange. Oco ca popia Yehova.

AMOSI 7:1

Ocinjoinjoi Yehova Suku a muisa ceci, Wa kala loku sovola olohuma. Ca kala kotembo yefetikilo liokutunda kua sulako kuovikũla. Okutunda kuaco kua sulako kuovikũla kua lomboloka okutunda kuna kuiya pana okuti Soma wa kelula ale.

MALAKIYA 3:11

Kuenje ndu lemẽlẽli oluhuma lu lialia, okuti ka lu nyõli vali apako ovapia ene. Uyuva wene ko loluka vali apako awo osimbu otembo yoku pia ka yi pepi handi. Oco ca popia Yehova Ukualohoka.

ESINUMUĨLO 28:38

O waya ombuto ya lua vepia, puãi wungula citito, momo olohuma vi yi lia.

ESINUMUĨLO 28:42

Oviti viove viosi lovaima osi ovapia ove vi liwa lolohuma.