YOELI 1:3 - Embimbiliya - Bíblia Sagrada em Umbundu

³ Ci lomboluili omãla vene, lovo va ci lomboluile komãla vavo, lomãla vavo kocitumbulukila cikuavo.

YOELI 1:3 Iomraidhean Croise

OLOSAMO 145:4

Ocitumbulukila ci sivaya ovopange ove kocitumbulukila cikuavo. Va lombolola ovilinga viove violohõlo.

OLOSAMO 44:1

A Suku, tua yeva lovatui etu. Olosekulu vietu via tu sapuila upange wa linga poloneke viavo, poloneke vionahulu.

OLOSAMO 71:18

Ku ka njanduluke, a Suku, ndaño eci ñuka leci ñala lowele, okuti ndombolola unene wove kovitumbulukila viosi vi kuamamo.

ETUNDILO 13:14

Noke kovaso, eci omõla a pula hati, Eci ca lomboloka ndati? ove unjali u lomboluila huti, Yehova wa tupa ve Egito, vonjo yupika, leka lia pama.

ISAYA 38:19

U o kasi lomuenyo, ocili muẽle, u o kasi lomuenyo, eye o ku pandula ndeci ame ñasi loku linga etaili. Onjali yi longisa omãla ocisola cove.

ESINUMUĨLO 6:7

o longa lavio omãla vove loku vi pitolola, o vi vangula eci o tumãla vonjo yove, leci wenda vonjila, lo poku pekela, lo poku pasuka.