YOELI 1:2 - Embimbiliya - Bíblia Sagrada em Umbundu

² Yeveleli, akulu. Lene alonungi viofeka, yeveleli! Koloneke viene, pamue koloneke violosekulu viene, kua la pita hẽ cimue ndoco?

YOELI 1:2 Iomraidhean Croise

YOVI 12:12

Olondunge vi kasi lakongo, lukũlĩhĩso wiya lokulua kuoloneke.

YOVI 15:10

Pokati ketu pali vakuawele kuenda akongo. Va kuka ca velapo, isiove o sule.

YOVI 21:7

Ci kasi ndati okuti vakuevĩho va kala lomuenyo haivo va linga akongo, kuenje vamamako lunene?

YOVI 8:8

Hu pinga siti, Pula vakuasiãhũlu. Sokolola ovina olosekulu vietu via limbuka.

OLOSAMO 49:1

Yevi ondaka eyi, amanu vosi. Kululi ovatui, alonungi viosi violuali,

ISAYA 34:1

Ene, alofeka, kokeli ho yevi. Ene, amanu, yeveleli. Ilu lieve li yeve, kuenda evi vie yukamo. Oluali lu yevelele kumosi levi vi tundamo.

ISAYA 7:17

Yehova o ku nenẽla oloneke ka via leya tunde keteke Efarimi lia litepa la Yuda, ove lomanu vove kuenda onjo ya so o vu nenẽla osoma ya Asuria.

YEREMIYA 30:7

A mãi we, eteke liaco lia piãla, likuavo lia lisoka lalio ka ku li. Ku Yakoba li kala eteke liohali, haimo o popeliwa.

YEREMIYA 5:21

Amanu va wulua, haene ko kuete olondunge, yevi eci mopia. Vu kuete ovaso puãi ko lete; vu kuete ovatuĩ puãi ko yevite.

DANIELE 12:1

Koloneke viaco ku katuka Mingeli, ombiali yinene haeye ombindikiyi yomãla vepata liene. Oco ku kala otembo yohali, okuti ya linga ndoyo ka ya leya tunde kefetikilo liolofeka toke opo. Koloneke viaco, epata liene li popelua, okuti u wosi onduko yaye yi sangiwa okuti ya sonẽhĩwa velivulu.

HOSEA 4:1

Amanu va Isareli, yeveleli ondaka ya Yehova, momo Yehova o kuete ondaka lolonungi viofeka. Vofeka ka mũli esunga, ndaño ohenda, ndaño ukũlĩhĩso wa Suku,

HOSEA 5:1

Yeveleli, avitunda! Yeveleli, apata lia Israeli! Vongola etui, anjo ya Soma. Momo episo olio liene, omo ko Misipa wa lingi onjanjo, loko Tavore wa lingi owanda wa nyanyumuĩwa.

YOELI 1:14

Kolisi oloneke vioku likandangiya okulia. Laleki ohongele. Ongoluili akulu lolonungi viosi viofeka vonjo ya Yehova Suku yene. Vilikiyi Yehova.

YOELI 2:2

Eteke liaco eteke liowelema kuenda esumuo, hailio eteke lialende lowelema walua. Kuiya omanu va pama haivo vakahandangala. Va molẽha kolomunda ndolohuma. Tunde kosimbu ka kua la kala omanu ndovo, ndaño kovaso yanyamo ka ku kala, ndaño kovitumbulukila viya ka ku kala.

AMOSI 3:1

Amanu va Isareli, yeveleli kondaka eyi Yehova a wasi layo, Ene, apata liosi ndo wupi vofeka ye Egito, ondaka yange kokuene yeyi,

AMOSI 4:1

Yeveleli ondaka eyi, ene alomange violongombe via Basiane vu kasi vomunda ya Samaria, haene vu kangisa olohukũi loku keleketa olosuke, haene vu tuma vaveyene hoti, Neni. Tu nyui.

AMOSI 5:1

Apata lia Isareli, yeveleli ondaka ñasi loku vu lisiõsũila layo.

MIKA 1:2

Amanu vosi, yevi! Alofeka viosi, la vosi va kasimo, yeveleli! Ñala Yehova, una o kasi vonembele yaye yi kola a linge ombangi yoku vu pisa.

MIKA 3:1

Oco nda linga siti, Ene, akulu va Yakoba, lene, alombiali viepata lia Isareli, yeveleli! Haceneko hẽ oku kũlĩha esunga?

MIKA 3:9

Cosi eci ci yeveleli, ene, akulu vepata lia Yakoba, lene alombiali viepata lia Isareli, haene vu nyãle esunga kuenje vu pongolola cosi ca sunguluka.

MATEO 13:9

U o kuete ovatui oku yeva a yeve.

MATEO 24:21

Momo koloneke viaco ku kala ohali ya lua, yimue ya linga ndoyo ka ya leya tunde kefetikilo lioluali toke cilo, kuenje ka yiya vali.

ESITULUILO 2:7

U o kasi lovatui a yevelele eci Espiritu li popia lakongelo. U o yula ndu lisa kepako liuti womuenyo u kasi vocumbo ca Suku.