YOANO 7:7 - Embimbiliya - Bíblia Sagrada em Umbundu

⁷ Oluali ka lu tẽla oku u suvuki, ame puãi lu suvuka omo njimba uvangi okuti ovilinga vialuo via vĩha.

YOANO 7:7 Iomraidhean Croise

I OLOSOMA 21:20

Ahava wa popia la Eliya hati, Wa sanga, onyali wange? Leye wa kumbulula hati, Nda ku sanga, momo wa lilandisa ove muẽle oku linga eci cĩvi kovaso a Yehova.

I OLOSOMA 22:8

Soma ya Isareli wa popia la Yehosafata hati, Kuli omunu umue, Mikaya, omõla a Imila, eye o tela oku tu pulilako ku Yehova. Puãi ndu nyale, momo vovitumasuku viaye ka mopailako ciwa, te cĩvi. Oco Yehosafata hati, Soma ka ka vangule ndoco!

OLOSAMO 109:5

Oco, kueci ciwa va niuwilako cĩvi, kocisola cange va niuwilako esuvu.

OLOSAPO 15:12

Ukuemande ka sole oku vetisua evelo, ka endi kukualondunge.

OLOSAPO 8:36

U wa ndueyela o lipumbisa eye muẽle. Vosi va suvuka ovo va sole oku fa.

ISAYA 29:21

haivo va pisa omunu loku pengisa latutu ondaka yimue a popia. Va tela onjanjo u o tetulula lesunga kolombundi, kuenje va pisa vakuesunga lelundi liesanda.

ISAYA 49:7

Yehova, Onjovoli ya Isareli, haeye U waye o kola, wa popia lu wa pembuiwa, haeye wa nyehuĩwa lolofeka, haeye ukuenje wolombiali, hati, Olosoma vi ci mõla kuenje vi votoka. Ndaño olombuale vi ku fendela mekonda lia Yehova wa kolelua, haeye U o kola wa Isareli una wa ku nõla.

YEREMIYA 20:8

Momo olonjanja viosi eci mopia, mbilikiya lolukandi siti, Okupundiwa kuiya! Okunyolẽha kuoku! Kuenje ondaka ya Yehova ya ñokela oku pembuiwa loku tondaliwa eteke liosi.

OVISILA 13:10

Ocitunda ci vanja kuenje, nda kekova ku kasi apa pa lenda haipo pa yela, yu ca pongoluisa oluveyi oku yela, ku kasivo epute pokulenda kuaco,

SAKARIYA 11:8

Vosãi yimosi nda nyõla angombo vaco vatatu. Puãi sia tẽlele vali oku pandikisa lavio. Laviovo via suvuka.

MALAKIYA 3:5

Kuenje ndu wamẽli siu tetuluili lesunga. Ndinga ombangi yombili yoku pisa vakuakutãhã, lavakahonga, lava va lisila lesanda, kuenda ava va punda ofeto yolondingupange viavo, lava va punda kocimbumba losiwe, lava va linga cĩvi ukombe, kuenda ava ka va ñuetele usumba. Oco ca popia Yehova Ukualohoka.

LUKA 6:26

Lene vosi, eci omanu vosi vo sivayi, ngongo yene, momo haico vaisiavo va linga lovaprofeto vesanda.

YOANO 17:14

Nda va iha ondaka yove, kuenje oluali lua va suvuka, momo havakualualiko, ndeci ame siukualualiko.

YOANO 3:19

Kuenje episo liaco lieli, ocinyi ceya voluali, puai lopo omanu va sole ca lua owelema, okuti ocinyi ci sule, momo ovilinga viavo vĩvi.

VA ROMA 8:7

Momo utima wa tiamisua koloñeyi vietimba u tamalala la Suku, ka u pokola kovihandeleko via Suku, kuenje ko ci tẽla.

VA GALATIA 4:16

Oco hẽ, nda linga unyali wene omo ndo sapuili eci cocili?

TIAGO 4:4

A vakahonga, ka wa kũlĩhili okuti ukamba wa livali loluali owo ukuse la Suku? Oco, wosi o yongola oku linga ekamba lioluali o lilingisa unyali wa Suku.

I YOANO 4:5

Ovo vakualuali, oco, eci va popia popia, coluali, kuenje oluali lu va yeva.