YOANO 4:10 - Embimbiliya - Bíblia Sagrada em Umbundu

¹⁰ Yesu wo kumbulula hati, Nda wa kũlĩhile ocali ca Suku kuenda u o popia love hati, Nyiheko ovava oku nyua, nda wo pingile, kuenje eye nda wa ku iha ovava omuenyo.

YOANO 4:10 Iomraidhean Croise

OLOSAMO 10:17

A Yehova, o yeva yeva uteto wava va kangisua. O kolisa ovitima viavo. O va vonguila etui liove

OLOSAMO 46:4

Ku li olui omãla valuo va sanjuisa imbo lia Suku. Olio omangu yi kola yolonembele via Tõlo.

ETUNDILO 17:6

Ame nalama kumue love kewe li kasi ko Horeve. Ove o veta kewe kuenje ku tunda ovava okuti omanu va nyua. Mose wa ci lingila kovaso ovakulu va Isareli.

OCISUNGO CA SALOMONE 4:15

Ove wuno yovocumbo; wucisimo covava a talala; wa soka ndolondui vioku tunda ko Levanone.

ISAYA 12:3

O tapa lesanju kolono vieyovo.

ISAYA 35:6

Oco ocilema ci somboka ndosonge, kuenda elimi liocitende limba ocisungo. Momo vekalasoko mu tunda ovava kuenda vekango olondui;

ISAYA 42:6

Ame ndi Yehova, nda ku kovongela esunga. Nda ku kuata peka, nda ku silamẽla. Nda ku kapa ndocisila komanu kuenje o linga ocinyi colofeka,

ISAYA 43:20

Ovinyama viovusenge vi sumbila ndaño olombulu kuenda olombo; omo ngeca ovava vekalasoko kuenda olondui vekango, oku nyuisa omanu vange va nõlĩwa,

ISAYA 44:3

Njitila ovava kongongo ya kukuta; mitisa olondui vekango. Sukumuĩla Espiritu liange kombuto yove kuenda esumũlũho liange komãla vove.

ISAYA 49:10

Ka va kuata onjala pamue enyona, owuya pamue utanya ka u va kakula, momo u o va kuetele ohenda eye o va songuila haeye o va tuala kolono viovava.

ISAYA 9:6

Momo omõla wa tu citilua, omõla ulume wa tu ĩhĩwa, kuenje uviali u kala kovitãi viaye. Onduko yaye, o tukuiwa Cikomo, Ndunguli, Suku Eye Fũ, Isia kapui, Soma yombembua.

YEREMIYA 2:13

Momo omanu vange va linga ovina vivali vĩvi. Va ngu sia ame ndino yovava omuenyo, kuenje va lisokotuila atangi a toka toka, ka a kuata ovava.

ESEKIELE 16:35

Oco acipuepue, yeva ondaka ya Yehova.

SAKARIYA 13:1

Keteke liaco kepata lia Daviti lolonungi via Yerusalãi ku tombokela ono yovava a va yelisa kakandu avo kuenda kokuliña kuavo.

SAKARIYA 14:8

Keteke liaco ovava omuenyo a tunda ko Yerusalãi. Onẽle yiñila vokalunga kokutundilo, onẽle vokalunga kokutakelo. Kuenje a pita kondombo lokokuenye.

LUKA 11:13

Oco nda ene wa tuwi ale oku linga cĩvi, wa kũlĩhi oku eca oviali viwa komãla vene, Isiene ukuailu he, ka velipo oku avela Espiritu Sandu kuava vo pinga?

YOANO 16:3

Kuenje ovina evi va vi lingila omo ka va kũlĩhile Isia ndaño ame.

YOANO 17:3

Omuenyo ko pui wowu, oku ku kũlĩha, ove lika vu Suku yocili, loku kũlĩhavo Yesu Kristu, u wa tuma.

YOANO 3:16

Omo Suku a sola ndoco oluali, oco a ecela Omõlaye wongunga okuti wosi u kolela ka fi, puai o mola omuenyo ko pui.

YOANO 4:14

puãi u wosi o nyua kovava ndu wiha ka yevi vali enyona oloneke ka vi pui. Puãi ovava ndu wiha o lingila vokati kaye ono yovava yi tombokaila omuenyo ko pui.

YOANO 6:35

Yesu wa popia lavo hati, Ame ndimbolo yomuenyo. U iya kokuange ka kuata onjala, lu o ñolela ka yevi vali enyona.

YOANO 6:51

Ame ndimbolo yi kasi lomuenyo ya tunda kilu. Umue nda o lia kombolo eyi, o kala ño-o hũ lomuenyo. Kuenje ombolo ngecela omuenyo woluali oyo etimba liange.

OVILINGA 9:11

Oco Ñala wa popia laye hati, Katuka, kuende koluwa lua tukuiwa Luasuñama. Ka vanje umue o tukuiwa Saulu u Tarso vonjo ya Yuda. Momo o kasi loku likutilila,

VA ROMA 8:32

U ka kuatelele Omõlaye ohenda, puãi wo tu wavela etu vosi, ka tu ihilevo hẽ ovina viosi kumue laye?

I VA KORINDO 1:30

Eye ono yomuenyo wene vu Kristu Yesu, una Suku a lingisa olondunge vietu, lesunga lietu, lokukola kuetu, leyovo lietu.

I VA KORINDO 10:4

Vosi va nyua okunyua kumuamue kue Espiritu momo va nyua nyua k'Esenje Ha va kuama. Esenje liaco olio Kristu.

II VA KORINDO 9:15

Pandu pandu ku Suku mekonda liocali caye ka ci popaiwa.

VA EFESO 2:8

Wa popelui ocali omo wa kaili lekolelo. Ka wa ci lingili ene muẽle puãi ca tunda ocali ku Suku.

VA HEVERU 6:4

Momo, ava va kaile ale vocinyi, haivo va mahako ale kocali cokilu loku kũlĩha ale Espiritu Sandu,

I YOANO 5:20

Tu ci okuti Omõla a Suku weya, kuenje wa tu iha olondunge vioku kũlĩha U wocili, kuenje tu kasi vu wocili, okuti v'Omõlaye Yesu Kristu. Eye Suku yocili haeye omuenyo ko pui.

ESITULUILO 21:6

Oco wa popia lame hati, Ca pua. Ame Tete, haime Kuasula. Ndifetikilo, haime ndisulilo. U o yeva enyona ndu nyuisa ocali kono yovava omuenyo.

ESITULUILO 22:17

Espiritu la Ndombua va linga vati, Enju. U o yeva a linge hati, Enju. U o kuete enyona eye, lu wa yongola ovava omuenyo a a tambule ocali.

ESITULUILO 7:17

Momo Kameme o kasi kocalo eye o linga ungombo wavo, haeye o va songuila kolono viovava omuenyo, kuenje Suku o puenya asuelela osi kovaso avo.