YOANO 17:3 - Embimbiliya - Bíblia Sagrada em Umbundu

³ Omuenyo ko pui wowu, oku ku kũlĩha, ove lika vu Suku yocili, loku kũlĩhavo Yesu Kristu, u wa tuma.

YOANO 17:3 Iomraidhean Croise

I ASAPULO 28:9

Love, amolange, a Salomone, kuliha Suku ya soyove, u vumba loku pua evelo kuenda lutima wove wosi. Momo Yehova o pendusola ovitima viosi, kuenje o limbuka ovipangelo viosi viovisimilo. Nda ove u sanda, eye o tava oku sangiwa love. Puãi nda u yanduluka, leye o ku takumũla ño hũ.

II ASAPULO 15:3

Osimbu yalua Isareli, ka kaile la Suku yocili, ndaño lulongisi umue wocitunda pamue ovihandeleko.

OLOSAMO 9:10

Ava va kũlĩha onduko yove va ku kolela. Momo ove, a Yehova, kua yandulukile ava va ku sanda.

OLOSAPO 8:35

Ocili u wa sanga ame o sanga omuenyo, haeye o muĩla esumũluho ku Yehova.

ISAYA 48:16

Kokeli ocipepi lame, yeveleli eci: Tunde kefetikilo sia popele uyombeki, tunde kefetikilo liaco haiko ñasi. Kaliye Ñala Yehova wa numa, haicovo Espiritu liaye.

ISAYA 53:11

O mõla epako liomuenyo waye kuenje o sanjuka. Lukulihiso waye ukuenje wange ukuesunga o muisa valua esunga; eye muẽle ambata olongole viavo.

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

YEREMIYA 10:10

Puãi Yehova eye Suku yocili, haeye Suku yomuenyo, haeye Soma ka pui. Ongongo yi lulumila onyeño yaye kuenje olofeka ka vi tẽla oku pandekisa lonyeño yaye.

HOSEA 6:3

Tu kũlĩhĩsi Yehova. Tu kuati ombili yoku u kũlĩha. Kokutunda kuaye ka kuli atatahãi, ku sokiyiwa ale ndokutola kuongula, Iya kokuetu ndombela, ndombela yomandavela yina yi yulisa osi.

MARKO 9:37

U o hindikisila kamue ndaka onduko yange, ame a hindikisa, lu o hindikisa ame, hameko a hindikisa, puãi o hindikisa u wa numa.

LUKA 9:48

Yu wa popia lavo hati, U o hindikisa okamõla aka vonduko yange, ame a hindikisa, lu o hindikisa ame, o hindikisa u wa numa, momo u o sule pokati kene vosi, eye unene.

YOANO 10:36

oco hẽ, vu popia ndati lu Isia a kolisa, loku u tuma voluali, hoti, Ove o popia etonãi, omo nda linga siti, Ndimõla a Suku?

YOANO 11:42

Nda kũlĩha okuti olonjanja viosi o njeva njeva, puãi nda ci popela omanu vongoloka okuti va kolela okuti ove wa numa.

YOANO 14:26

Puãi Ñuatisi, haeye Espiritu Sandu, una Isia a tumila vonduko yange, eye u longisa ovina viosi, kuenda o wivaluisi ovina viosi nda popia lene.

YOANO 17:18

Ndeci ove wa numa ame voluali, haico ovo nda va tuma voluali.

YOANO 17:21

okuti vosi va kala vamuamue, ndeci ove, a Tate, o kasi vokuange lame ñasi vokuove, okuti lavovo va kala vokuetu, oco oluali lu tave okuti ove wa numa.

YOANO 17:23

okuti ame vokuavo, love vokuange, oco vosi va linge olumue vamuamue, oco oluali lu limbuke okuti ove wa numa, kuenje o va sole, ndeci o sole ame.

YOANO 17:25

A Tate, okuesunga, oluali ka lua ku kũlĩhile, ame puãi, nda ku kũlĩha kuenje ava va kũlĩha okuti ove wa numa.

YOANO 17:8

Momo olondaka wa nyiha nda va vi iha kuenje va vi tava, yu va kũlĩha okuti ocili, nda tunda kokuove, kuenje va kolela okuti ove wa numa.

YOANO 3:17

Momo Suku ka tumilile Omõla voluali oku pisa oluali, wo tumila okuti oluali lu popeliwa laye.

YOANO 3:34

Momo u Suku a tuma o popia olondaka via Suku. Momo Suku ka eci Espiritu lonjongo.

YOANO 5:44

Vu kala ndati lekolelo, ene vu liaveli pokati ulamba ene muẽle, kuenje ko sandi ulamba u tunda lika ku Suku?

YOANO 6:57

Ndeci Isia a kasi lomuenyo wa numa, kuenje ndi muila omuenyo ku Isia, haico u o ndia a muilavo omuenyo kokuange.

YOANO 7:29

Ame ndo kũlĩha, momo nda tunda kokuaye, eye wa numa.

YOANO 8:19

Oco vo pula, vati, So o kasi pi? Yesu wa kumbulula hati, Ka wa ñulĩhili ame, ndaño Tate ka wo kũlĩhili. Nda wa ñulĩhili ame, nda wa kũlĩhivo Tate.

I VA KORINDO 15:34

Pasuki. Kuati olondunge viesunga. Ko ka lingi vali akandu. Momo vamue ka va kũlĩhile Suku. Ndi ci popela oku u kutisi osõi.

I VA KORINDO 8:4

Oco, kondaka yoku lia okulia kua lumbiwa koviteka, tua kũlĩha okuti ka kuli ociteka ci linga cimue koluali, kuenje ka kuli Suku, te umosi lika.

II VA KORINDO 4:6

Momo Suku, u wa linga hati, Vowelema mu tuile ocinyi, eye wa tuila vovitima vietu ha tuisa ukũlĩhiso wulamba wa Suku wokocipala ca Yesu Kristu.

VA FILIPOI 3:10

Cilo, eci ndi livela ceci okuti, ñulĩha ocili Kristu, loku kũlĩha unene wepinduko liaye. Ndi livelavo oku yevela kumuamue laye olongembia viotokua yaye, okuti vokufa kuange ndinga ndomo eye a linga vokufa kuaye,

VA FILIPOI 3:8

Cilo, oku popia ocili, omo kokuange oku kũlĩha Kristu Yesu, Ñala yange, okuo kua velapo, haikuo ka ku pitahãliwa, oco cosi cikuavo ndi ci tenda ño ndepese. Ndo pesila ovina viosi. Ovina viosi ndi vi tenda ño ndovipelekese hã si nganyala Kristu,

I VA TESALONIKE 1:9

Momo oyo muẽle va sapula ndeci wa tu tambuli lonjolela, kuenda ndeci wa si oviteka. Wa vi sili okuti vu pongolokela ku Suku, loku vumba Suku yocili o kasi lomuenyo,

II VA TESALONIKE 1:8

kuenje o fetuluinya ava ka va kũlĩhile Suku, lava ka va tava kondaka yiwa ya Ñala yetu Yesu.

VA HEVERU 3:1

Oco a vamanji va kola, haene wa tukuiwi velaleko li kola lia tunda kilu, sokololi Yesu, eye Upostolo, haeye Ocitunda cinene cetavo lietu.

II PETULU 1:2

Ocali ci love kokuene kuenda ombembua osimbu wamiko oku kũlĩha Suku la Yesu Ñala yetu.

II PETULU 1:3

Unene u kola wa Suku wa tu iha ovina viosi vi tiamela komuenyo lesumbilo lioku sumbila Suku. Momo Suku wa panga okuti tu kũlĩha Kristu u wa tu kovongela kulamba waye lesunga.

II PETULU 1:8

Momo, nda vu kuata ocili oviali evi kuenje vi lova kokuene, ca lomboloka okuti ukũlĩhiso woku kũlĩha Ñala yetu Yesu Kristu vu kasi lawo, ka vu kasi lawo lowesi pamue ndava ka va imi apako.

I YOANO 1:2

Momo omuenyo wa tukuluiwa. Etu tuo mola kuenda tu wimbila uvangi, kuenje tu vu sapuila omuenyo ko pui, una wa kala la Isia, haiwo wa tukuluiwa kokuetu.

I YOANO 1:3

Eci tua mola haico tua yeva oco tu sapulavo kokuene okuti vu kala vongongela yimuamue letu. Ongongela yetu yi kasi la Isia l'Omõlaye Yesu Kristu.

I YOANO 2:23

Lomue o likala Omõla o tẽla oku kala la Isiaco. U o kolela Omõla o kuete Isiaco.

I YOANO 4:6

Etu tu tiamela ku Suku. Wosi wa kũlĩha Suku o tu yeva. Wosi ka tiamelele ku Suku ka tu yevi. Oko tu limbukila Espiritu liocili lespiritu liuhembi.

I YOANO 5:20

Tu ci okuti Omõla a Suku weya, kuenje wa tu iha olondunge vioku kũlĩha U wocili, kuenje tu kasi vu wocili, okuti v'Omõlaye Yesu Kristu. Eye Suku yocili haeye omuenyo ko pui.