YOANO 17:2 - Embimbiliya - Bíblia Sagrada em Umbundu

² Momo wo wiha omoko yokomanu vosi, haiyo yoku eca omuenyo ko pui ku vosi wo wiha.

YOANO 17:2 Iomraidhean Croise

YOANO 6:39

Kuenje ocipango cu wa numa ceci okuti, vosi a nyiha si nyelisapo umue, puãi ndu pindula keteke lia sulako.

YOANO 6:37

Vosi Isia a nyiha, veya kokuange, kuenje u iya kokuange siu takumula.

DANIELE 7:14

Kuenje wa ĩhĩwa uviali lulamba kuenda usoma, oco apata osi lolofeka lomanu vakualimi añi añi vo vumbe. Uviali waye ka u pui, ka u piti kuenje usoma waye ka u nyolĩwa.

YOANO 17:24

A Tate, njongola okuti ava wa nyiha lavovo va kala oko ñasi, ha va moli ulamba wange wa nyiha locisola cove osimbu oluali ka lua sevetiwile.

MATEO 28:18

Kuenje Yesu weya kokuavo, wa popia lavo hati, Uviali wosi wokilu lowu wokilu lieve wa nyihiwa.

I YOANO 5:20

Tu ci okuti Omõla a Suku weya, kuenje wa tu iha olondunge vioku kũlĩha U wocili, kuenje tu kasi vu wocili, okuti v'Omõlaye Yesu Kristu. Eye Suku yocili haeye omuenyo ko pui.

YOANO 17:9

Ñasi loku va likutilila. Si kasi loku likutililila oluali, te ava wa nyiha, momo vove,

YOANO 17:6

Nda situlula onduko yove komanu vana wopa voluali, yu wa va nyiha. Va kaile vove, kuenje wa va nyiha, yu va pokola kondaka yove.

YOANO 4:14

puãi u wosi o nyua kovava ndu wiha ka yevi vali enyona oloneke ka vi pui. Puãi ovava ndu wiha o lingila vokati kaye ono yovava yi tombokaila omuenyo ko pui.

YOANO 3:35

Isia o sole Mõla kuenje wa eca ovina viosi peka liaye.

I YOANO 2:25

Eci a tu likuminya ceci, Omuenyo ko pui.

I PETULU 3:22

Yesu Kristu wa enda kilu, yu o kasi kondio ya Suku, kuenje ovangelo lolombiali lolosoma via tiamisua kokuaye.

VA HEVERU 1:2

Koloneke vilo via sulako puãi, wa popia letu l'Omõlaye, una a nola ha lingi kapiñala kovina viosi, haeye a lulika laye oluali.

MATEO 11:27

Ovina viosi via ñundikiwa la Tate. Lomue wa kũlĩha Omõla te Isia, haico lomue wa kũlĩha Isia te Omõla, kuenda undeti Omõlaco a panga oku u situluila Isia.

YUDA 1:21

Kali vocisola ca Suku. Feleveli ohenda ya Ñala yetu Yesu Kristu yu neneli omuenyo ko pui.

I YOANO 1:2

Momo omuenyo wa tukuluiwa. Etu tuo mola kuenda tu wimbila uvangi, kuenje tu vu sapuila omuenyo ko pui, una wa kala la Isia, haiwo wa tukuluiwa kokuetu.

I TIMOTEO 1:16

Puãi nda lingiwa ohenda, okuti vokuange, haime fu kakandu, Yesu Kristu o lekisilamo epandi liaye, ha ci lingi ndongangu kuava vo tavela omuenyo ko pui.

VA FILIPOI 2:10

Wa ci lingila okuti, konduko ya Yesu ku kekamela olongolo viosi viava vokilu lo posi levi viovemẽhi liongongo,

VA EFESO 1:20

a lingilile vu Kristu poku u pindula kuava va fa loku u tumalisa kovailu kondio yaye.

I VA KORINDO 15:25

Momo Kristu o viala toke a kapa ovanyali vaye vosi vemẽhi liolomãi viaye.

VA ROMA 6:23

Momo onima yekandu okufa, puãi ocali ca eciwa la Suku oco omuenyo ko pui vu Kristu Yesu Ñala yetu.

OLOSAMO 110:1

Yehova wa popia la cime cange, hati, Tumãla kondio yange toke hu lingila ovanyali vove ociliatelo cove.

YOANO 6:27

Ko ka likavisili okulia ku nyõleha, te okulia ku kala ta komuenyo ko pui, oku Mõlomanu a wihi. Momo Isia, haeye Suku, wo kapela ondimbukiso.

MATEO 25:46

Kuenje ava va enda keyambulo ka li pui, puãi vakuesunga va enda komuenyo ko pui.