YOANO 13:1 - Embimbiliya - Bíblia Sagrada em Umbundu

¹ Oco, osimbu ofesta yo Pascoa ka ya fetikile, Yesu wa kũlĩha ale okuti ekumbi liaye lioku tunda voluali lulo ha endi ku Isia, lieya. Ava va kala vaye muẽle voluali lulo wa va sola, kuenje wa va sola muẽle toke kefulilo.

YOANO 13:1 Iomraidhean Croise

OLOSAPO 8:31

Nda yolela muẽle olofeka violuali luaye, nda sanjukilavo omãla vomanu.

YEREMIYA 31:3

oco Yehova wa limõlẽhisa kokuaye ndaño wa kala kupãla. Nda ku sola locisola ka ci pui, oco nda tongekela love lovilinga viocisola.

MATEO 26:45

Oco eya kolondonge, kuenje wa popia lavo hati, Kaliye pekeli ño, puyuki. Tali, Mõlomanu o pakuiwa povaka a vakuakandu. Ola yaco ya pitila.

MATEO 28:20

Va longisi oku linga ovina viosi ndo kundiki. Kuenje ame ñasi lene kumue oloneke viosi toke kesulilo lioluali.

LUKA 22:53

Eci nda kala kala lene vonembele eteke keteke ka wa ndambeli. Puãi ola yilo ola yene muẽle, haiyo yunene wowelema.

LUKA 9:51

Eci oloneke viaye vioku tambuiwa kilu via kala ocipepi oco wa panga lutima waye wosi oku enda ko Yerusalãi.

YOANO 11:55

Ofesta yo Pascoa ya va Yudea ya kala ocipepi. Va lua va tunda kovaimbo avo oku lamanela ko Yerusalãi oku liyelisa osimbu ofesta yo Pascoa ka ya fetikile handi.

YOANO 12:23

Kuenje Yesu wa va kumbulula hati, Ekumbi lieya okuti Mõlomanu o muisua ulamba.

YOANO 13:29

Omo Yuda eye o kasi lombango oco vamue va sima okuti Yesu wo sapuila hati, Kuende, ka lande ovina tu sukila kofesta, pamue hati, Avela cimue kolosuke.

YOANO 13:3

Kuenje Yesu wa kũlĩha okuti Isia wa kundika ovina viosi povaka aye, kuenda okuti, ndeci a tunda ku Suku, haico a enda ku Suku.

YOANO 13:34

Ndu wihi ocihandeleko cokaliye cokuti, Lisoli pokati. Ndeci ame ndo soli, haico ene, lisolivo pokati.

YOANO 14:28

Wa yevi eci nda popia lene siti, Ngenda kuenje njiya vali kokuene. Nda wa soleli, nda wa sanjukili omo ngenda ku Isia, momo Isia wa mbelapo, ame ndi sule.

YOANO 14:31

Puãi ame ndinga ndeci Isia a ñundika oco oluali lu limbuke okuti ame sole Isia. Votoki. Tu tundi mulo.

YOANO 16:28

Nda tunda ku Isia, kuenje ndeya voluali, cilo nunda voluali kuenje ngenda ku Isia.

YOANO 17:1

Eci Yesu a popia ovina evi, wa petuila ovaso aye vilu, yu wa linga hati, A Tate, ekumbi lieya. Muisa Omõlove ulamba oco Omõla a ku muisevo ulamba.

YOANO 17:16

Ovo havakualualiko ndeci ame siukualualiko.

YOANO 17:26

Nda va lomboluila onduko yove kuenje lopo ndi va yi lomboluila, okuti ocisola wa sola laco ame, oco ci kale volonulo viavo, kuenje ame ñala volonulo viavo.

YOANO 17:5

Kaliye, a Tate, muise ulamba kovaso ove. Muise ulamba una nda kaile lawo kumue love, osimbu oluali ka lua lulikiwile.

YOANO 18:4

Oco Yesu, omo a kũlĩha cosi cu lingiwa, wa tunda, yu wa va pula hati, Vu sanda elie?

YOANO 19:28

Noke, omo Yesu a kũlĩha okuti kaliye cosi ca tẽlisiwa, oco wa linga hati, Enyona li mbala. Ca popiwila oku tẽlisa ovisonehua.

YOANO 2:13

O Pascoa ya va Yudea ya kala ocipepi, kuenje Yesu wa lamanela ko Yerusalãi.

YOANO 6:4

O Pascoa, ofesta ya va Yudea, ya kala ocipepi.

YOANO 7:30

Oco va seteka oku u kuata puãi lomue wa wimba eka, momo ola yaye ka yeyile handi.

YOANO 7:6

Yesu wa popia lavo hati, Eteke liange ka lieyile handi, puãi eteke liene li kasi ño-o.

YOANO 8:20

Olondaka evi wa vi popela vohondo yoku seleka olombongo eci a longisa vonembele, puãi lomue wo kuata, omo ola yaye ka yeyile handi.

VA ROMA 8:37

Ka ci tẽliwa. Omo tu kasi lu o tu sole, oco, vovina viaco viosi, tu piãla vali kokuyula.

I VA KORINDO 1:8

Eye o wihi ongusu toke kesukiyo, okuti vu pua atondelo keteke lia Ñala yetu Yesu Kristu.

VA HEVERU 3:14

Momo etu tu kuete onepa yetu vu Kristu nda tu kolisako oku kuamelela vekolelo lietu lia tete toke kesulilo,

VA HEVERU 3:6

Puãi Kristu wa vumba locili onjo ya Suku ndomõlonjo. Etu muẽle tunjo yaco nda tu kuatelela kekolelo lietu, kuenda koku sanjukila elavoko lietu.

VA HEVERU 6:11

Oco, tu yongola okuti ene vosi, omunu omunu, vu lekisa ombili yaco oku suisapo elavoko liaco toke kesulilo,

I PETULU 1:13

Oco, pamisi ovitima viene. Lisuluviki. Elavoko liene li loñe lika kocali ciya kokuene eci Yesu Kristu a tukuluka.

I YOANO 4:19

Etu tu u sole momo eye wa lianga oku tu sola.

ESITULUILO 1:5

kuenda ku Yesu Kristu, eye ombangi yocili, haeye nuñulu yava va fa, kuenda eye ombiali yolosoma viokilu lieve. Ku-u o tu sole kuenje wa tu pandulula kakandu etu losonde yaye,