YOANO 1:41 - Embimbiliya - Bíblia Sagrada em Umbundu

⁴¹ Eye wa sanga tete manjaye Simono, yu wa popia laye hati, Tua sanga Mesiya, ca lomboloka, Kristu.

YOANO 1:41 Iomraidhean Croise

II OLOSOMA 7:9

Oco va livangula pokati, vati, Ka tu kasi loku linga ciwa. Etaili eteke liondaka yiwa yesanju. Etu nda tuha ño ha tu amisapo toke ku ca, ekangiso li laika oku tu wila. Oco tuendi, tu ci sapuili ocikumba ca Soma.

OLOSAMO 2:2

Olosoma viokilu lieve via lipongiya. Olombiali vi tumbika ongombo Yehova lombuavekua yaye, viti,

OLOSAMO 45:7

O sole esunga, o nyale evĩho. Oco Suku, eye Suku yove, a ku wavekela ulela wonjolela okuti o piãla vakuẽle.

OLOSAMO 89:20

Nda sanga Daviti ukuenje wange. Ndo waveka lulela wange u kola,

ISAYA 11:2

Espiritu lia Yehova li kala laye, Espiritu liolondunge luloño, Espiritu lielungulo lunene, Espiritu liukũlĩhĩso lusumba wa Yehova.

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

MATEO 1:23

Tala, ufeko o mina, o cita omõla ulume, kuenje u luka Emanuele, ca lomboloka citi, Suku kumue letu.

LUKA 2:17

Eci va yi mola va sapula ondaka yomõla ya va sapuilua.

LUKA 2:38

Haico eya, yu wa pandula Suku, kuenje, vosi va lavoka eyovo lia Yerusalãi, wa va vanguila Yesu.

YOANO 1:45

Filipu wa sanga Nataneli, kuenje wa popia laye hati, Tua sanga una Mose a tukula vovihandeleko, kuenda ovaprofeto vo tukulavo, okuti Yesu, omõla a Yosefe ukuimbo lia Nasara.

YOANO 4:25

Ukãi wa popia laye hati, Ndi ci okuti Mesiya, una wa tukuiwa Kristu, iya. Eci eya o tu sapuila ovina viosi.

OVILINGA 10:38

Wa yevivo ndomo Suku a waveka Yesu u Nasara le Espiritu Sandu kuenda unene. Wa kũlĩhi ndomo eye Yesu a ñuala ñuala oku linga ciwa loku sakula vosi va kuetiwe lunene weliapu, momo Suku wa kala laye.

OVILINGA 4:27

momo ocili vimbo lilo, Herode, la Pondiu Pilato, kuenda vakualofeka, lomanu va Isareli, vongolokela Ukuenje wove o kola, okuti Yesu una ove wa waveka.

I YOANO 1:3

Eci tua mola haico tua yeva oco tu sapulavo kokuene okuti vu kala vongongela yimuamue letu. Ongongela yetu yi kasi la Isia l'Omõlaye Yesu Kristu.