YEREMIYA 2:3 - Embimbiliya - Bíblia Sagrada em Umbundu

³ Isareli wa tepisua la Yehova okuti koku kola o likasilili. Eye ovaima atete kokuungula kuaye. Vosi va liako va pisiwa, kuenje evĩho lia va wila. Oco ca popia Yehova.

YEREMIYA 2:3 Iomraidhean Croise

ETUNDILO 22:29

Ka ci tava oku lenda oku upa kovaima wongula pamue kovinyu vi tunda kovikamelo oku vi lumba. Vu nyiha olonuñulu pokati komãla vene valume.

ETUNDILO 23:16

Vu linga ofesta yevi wonguli tete kupange wene woku lima. Vu lingavo ofesta yoku mala oku ungula ovaima a tunda kupange wene.

ISAYA 41:11

Tala, vosi va ku temẽla va kutisua osõi loku munĩhisua. Va tamalãla love va takata, kuenje va nyolẽha.

ISAYA 47:6

Nda temẽle lomanu vange, nda liñisa ocipiñalo cange; nda va eca peka liove kuenje kua va lingile ohenda; ndaño ava va kuka wa va fukĩlĩsa lomi yove.

YEREMIYA 12:14

Yehova oku tukula vakuevĩho vosi va lisungue lame, ava va kuata kuata kocipiñalo cange nda ci piñalĩsa omanu vange va Isareli, wa popia hati, Tala, ndi va tukula vofeka yavo, epata lia Yuda ndi li tukula pokati kavo.

YEREMIYA 2:4

Anjo ya Yakoba, apata osi onjo ya Isareli, yeveleli ondaka ya Yehova.

YEREMIYA 30:16

Oco vosi va ku lia va liwa. Ovanyali vove vosi, vosi muẽle, va enda umandekua. Ava va ku punda va pundiwa. Vosi va ku kuata ndi va eca koku kuatiwa.

YEREMIYA 50:7

Vosi va va sanga va va lia. Ovanyali vavo va linga vati, Ka tu kasi longole momo ovo muẽle va lingila akandu Yehova ocimanga cavo cocili, va lueyela Yehova elavoko liolosekulu viavo.

YOELI 1:3

Ci lomboluili omãla vene, lovo va ci lomboluile komãla vavo, lomãla vavo kocitumbulukila cikuavo.

AMOSI 6:1

Ava va kasi ño vo Siono, lohele lakamue, haivo va lipanda, vati, Tua koka omo tu kasi komunda ya Samaria, ngongo yavo! Va lisimĩla vati, Hetuko hẽ tua kemãla vofeka ya velapo? Epata lia Isareli hẽ ka liya kokuetu?

HAVAKUKI 1:11

Oco va pita lolupesi ndofela, va papula ño. Vosi yavo vakuakandu. Ongusu yavo oyo suku yavo.

SAKARIYA 1:15

Nda temẽla calua olofeka vi kasi ño, ohele lakamue. Momo ndaño ame nda tema naito haimo ovo va yukinya ohali yaco.

SAKARIYA 2:8

Momo eci ulamba waye wa numa ame kolofeka via ku punda,— momo kokuaye, nda umue wa ku lamba ove ca soka okuti wa lamba komoliso liaye,— oco Yehova Ukualohoka wa popia hati,

ATENDELO 18:12

Ulela wosi wa velapo, lovinyu viosi via velapo kuenda olomema viosi via velapo lovaima atete va ecaeca ku Yehova, ovio nda ku iha.

VA ROMA 11:16

Nda ombu yatete yi kola, eci ca sialapo lacovo ci kolavo. Nda olumbombo lu kola, ovianja laviovo vi kolavo.

VA ROMA 16:5

Lamipo ekongelo li kasi vonjo yavo. Lamipo Epeneto, ukuacisola cange, haeye ondonge yatete ya Kristu va Asia.

VA EFESO 1:4

Osimbu oluali ka lua sevetiwile handi wa tu nola okuti vu Kristu tu kola kuenda tu lipua evelo kovaso aye.

ESINUMUĨLO 14:2

Momo wupata li kola ku Yehova, Suku yene, kuenje pokati kapata osi okilu lieve, Yehova wo nolipo ene oku linga epata liaye muẽle.

ESINUMUĨLO 26:19

Nda o ci linga eye o ku kemainyaisa ca velapo, okuti apata osi akuavo a lulika, ci sule. O sivayiwa ca velapo. O kuata oluhimo lua piãla kuenje o sumbiliwa ca velapo. O linga muẽle epata li kola ku Yehova, Suku yove, ndeci a likuminya.

ESINUMUĨLO 7:6

Momo ene vupata li kola ku Yehova, Suku yene. Pokati kapata osi a kasi kilu lieve, Yehova, Suku yene, wo nolipo ene okuti vu linga epata liaye muẽle.

TIAGO 1:18

Ocipango caye muẽle a tu cita londaka yocili. Wa tu citila okuti tu linga apako atete ovilulikilo viaye.

I PETULU 2:9

Ene puãi, vumbuto ya noliwa, haene vuvitunda viusoma, vufeka yi kola, vucikumba ca Suku, okuti vu lekisa ovilinga vi komohisa viona wo kovongi ho tundi vowelema, ha wivi kocinyi caye ci komohisa.

ESITULUILO 14:4

Ovo, ovo ava ka va livĩhisile lakãi, momo ka va la kuela. Ovo haivo vakuakukuama Kameme kuosi a enda enda. Va yowiwa komanu kuenje va linga apako atete a eciwa ku Suku la Kameme.