YEHOSUA 8:2 - Embimbiliya - Bíblia Sagrada em Umbundu

² Linga la Hai losoma yaco ndeci wa lingile la Yeriko losoma yaco. Te lika okuti ovikuata viaco lolongombe, vi pundi vi lingi viene. Lavekeli vonutula konyima yimbo.

YEHOSUA 8:2 Iomraidhean Croise

II ASAPULO 13:13

Yerevoama puãi wa tuma oku va yombela konyima yavo, oco asualali aye a kala kovaso a Yuda osimbu ava va yomba va kala konyima yavo.

II ASAPULO 20:22

Eci va fetika oku imba loku sivaya, oco Yehova wa kapa vamue va lavekela va Amoni la va Moavi kuenda ava vomunda Seire, haivo va katukila Yuda, kuenje va lunduiwa.

OLOSAMO 39:6

Ocili, omunu o ñuala ñuala ño ndocilelembia. Ocili, o likavisa ño loku sakalala. O lundika ukuasi, lu o kala lawo ka wi.

OLOSAPO 13:22

Omunu wocili o sia ocipiñalo kocitumbulukila caye, puãi ukuasi wondingakandu u piñaliwa lukuesunga.

OLOSAPO 28:20

Ngendevando o sanga asumũlũho a lua. Ngendalupesi ka puluka oku yambuiwa.

YEREMIYA 17:11

Omunu o selaeka ukuasi puãi halesungako wa linga ndonguali yi lalela asaila ka ya imbilile oyo muẽle. Momo pokati koloneke viaco u u sia, kuenje kesulilo liaco o linga eveke.

YEREMIYA 51:12

Ikili ovimbaka via Bavulono epandela. Sokiyi vakuakutata. Kapi muẽle olondavululi. Pongiyi ava va salama. Momo Yehova wa panga, haeye wa linga eci a popia, loku tukula olonungi via Bavulono.

ESINUMUĨLO 2:35

Ovinyama lovikuata viovovaimbo tua kuata ovio lika tuopamo.

ESINUMUĨLO 20:14

Puãi te lika akãi, lotumãla, lovinyama, kuenda cosi ci kasi vimbo, okuti ovikuata viaco viosi, o vi kuata, kuenje vi linga olohute viove. O sanjukila evi via pundiwa kovanyãli vove, evi Yehova, Suku yove, a ku ĩha.

ESINUMUĨLO 3:2

Puãi Yehova wa popia lame, hati, Ku ko yokokele momo eye lomanu vaye vosi kuenda ofeka yaye, cosi nda ceca peka liene. Vu linga laye ndeci wa lingi la Sihoni, Soma ya va Amori, wa tungile vo Hesibone.

YEHOSUA 10:1

Adonisedeke, Soma ya Yerusalãi, wa yeva ndomo Yehosua a kuata Hai loku li kundula pe, loku linga la Hai losoma yalio ndomo a lingile la Yeriko losoma yalio. Wa yevavo okuti olonungi via Giveone via linala la va Isareli kuenda va kala pokati kavo.

YEHOSUA 10:28

Eteke liaco Yehosua wa kuata Makeda, wa li nyola lomela wosipata kumue losoma yalio. Omanu vosi va kalamo wa va kundula pe, lomue a supisapo. Wa linga la Soma ya Makeda ndeci a lingile la Soma ya Yeriko.

YEHOSUA 11:14

Ovikuata viosi viovaimbo aco, kumue lolongombe, va Isareli va vi punda ha vi lingi viavo. Puãi omanu vosi, va va ipa lomela wosipata, toke va va kundula. Ka va supisilepo ndaño umuamue o fuima.

YEHOSUA 6:21

Cosi ca kala vimbo, va ci kundula pe lomela wosipata, ci kale ulume lukãi, ci kale omõla lekongo, longombe lomeme locimbulu.

YEHOSUA 8:12

Wa enda lolohũlũkai vitãlo vialume, yu wa va kapa oku lavekela pokati ka Betele la Hai, kutakelo wimbo.

YEHOSUA 8:14

Eci Soma ya Hai a ci mõla, oco alume va Hai va yayulako, yu va katuka ociteketeke, kuenje va tundila oku liyaka la va Isareli. Soma kumue lomanu vaye vosi va enda oko va limbile onumbi, oku panda ketapi. Eye puãi ka kũlĩhile okuti wa lavekelua vonutula konyima yimbo.

YEHOSUA 8:19

Ava va lavekelele vonutula va tundamo lombili. Eci Yehosua olola eka liaye, haico va lupuka, va iñila vimbo, va li kuata. Va yayulako kuenje va imba imbo ondalu.

YEHOSUA 8:24

Eci va Isareli va mala oku ipaila vusenge olonungi viosi via Hai, vana va va landuile vakalasoko, leci vosi va fa lomela wosipata toke va kunduka, oco va Isareli vosi va tiukila ko Hai, va li kundula lomela wosipata.

YEHOSUA 8:3

Oco Yehosua wa katuka kumue lalume vosi vakuavita ha va lamanela ko Hai. Yehosua wa nola akui atatu kolohũlũkai vialume, va pama vakuotõi, yu wa va tuma uteke.

YEHOSUA 8:7

Oco ene apa wa lavekeleli, vu tundapo, ha vu kuati imbo, momo Yehova Suku yene o li eca peka liene.

YEHOSUA 8:8

Eci vu kuata imbo liaco, li yoku londalu ndondaka ya Yehova. Tali, ndo ci handeleki.

YEHOSUA 8:9

Oco Yehosua wa va tuma, kuenje va enda oku lavekela vonutula. Va kala pokati ka Betele la Hai, kutakelo wa Hai. Yehosua puãi uteke waco wa lale pokati komanu.

YEHOSUA 9:3

Puãi eci olonungi via Giveone via yeva ndomo Yehosua a linga la Yeriko la Hai,