YEHOSUA 8:1 - Embimbiliya - Bíblia Sagrada em Umbundu

¹ Yehova wa popia la Yehosua, hati, Ku ka kuate usumba, ku ka yokoke. Kuenda lalume vosi vakuavita. Katuka, lamanela ko Hai. Tala, nda eca peka liove osoma ya Hai, lomanu vaye, limbo liaye, lofeka yaye.

YEHOSUA 8:1 Iomraidhean Croise

OLOSAMO 27:1

Yehova eye ocinyi cange haeye epopelo liange. U njokokela helie? Yehova eye ongusu yomuenyo wange. Elie o ndingisa usumba?

OLOSAMO 44:3

Momo ka va kuatele ofeka losipata yavo. Okuokuo kuavo hakoko kua va popela. Te ondio yove lokuokuo kuove locinyi cocipala cove, omo wa va amela.

OLOSAMO 46:11

Yehova Ukualohoka o kasi letu. Suku ya Yakoba eye ocikolo cetu.

ISAYA 12:2

Tala, Suku eye eyovo liange. Ñolela kuenje si kuata usumba momo Suku Yehova eye ongusu yange, haeye ocisungo cange kuenje wa linga eyovo liange.

ISAYA 43:2

Eci o pita vovava ñala kumue love; leci o pita volondui ku vombi. Eci o pita vondalu ku pi, leci o pita vulienge ku kakuiwa.

YEREMIYA 46:27

A Yakoba, okuenje wange, ku ka kale lusumba. A Isareli, ku ka yokoke. Momo hu popela ndaño o kasi kupãla. Mopela ombuto yove kofeka yumandekua wavo. Yakoba o tiuka, o sanga etulumuho kuenje o kala ciwa. Lomue u lingisa usumba.

YEREMIYA 49:3

A Hesivone, lila momo Hai lia papuluiwa! Ene amãla va Raba akãi, liteteli! Wali ovikẽlei loku lisiõsiõla. Ñuali ñuali pokati kalumbo. Momo Milikome enda umandekua, enda kumue lovitunda viaye kuenda olombuale viaye,

DANIELE 2:21

O pongolola olotembo lovovo; eye upa olosoma haeye o tumbika olosoma; haeye eca olondunge kuava va lunguka kuenda ukulĩhĩso kolonoño.

DANIELE 4:25

Ove o tundisua pokati komanu, ocitumãlo cove ci kala pokati kovinyama viusenge, kuenda o lisua owangu ndolongombe. O yula lowume wokilu, kuenda olotembo epanduvali vi ku lomboka, toke o limbuka okuti Tõlo eye o viala kusoma womanu, haeye o weca ku a panga.

DANIELE 4:35

Omanu vosi vokilu lieve hacimueko kovaso aye. Haeye o linga ndeci a panga lolohoka viokilu kuenda pokati komanu vokilu lieve. Kuenje lomue o tẽla oku tateka eka liaye, ndaño oku popia laye hati, O linga nye?

MATEO 8:26

Kuenje wa popia lavo hati, A vakuekolelo litito, wa salukili nye? Yu wa votoka, wa lemela ofela lokalunga kuenje kueya etulumuho lia lua.

ESINUMUĨLO 1:21

Tala, Yehova, Suku yene, wa kapa ofeka kovaso yene. Lamani, kuati, ndeci Yehova, Suku yolosekulu viene, o sapuili. Ko ka yokoki, ko ka lulumi.

ESINUMUĨLO 31:8

Yehova eye o ku pitila kovaso, eye o kala love, ka ku tokoka, ndaño oku ku yanduluka. Ku ka kuate usumba, pamue oku konyoha.

ESINUMUĨLO 7:18

oco ko ka va kuateli usumba. Ivaluki ciwa eci Yehova, Suku yene, a linga la Fareo la va Egito vosi.

ESINUMUĨLO 7:21

Ka vu va kuatela vali ohele momo Yehova, Suku yene, o kasi lene. Suku yene eye Suku ukuonene, haiye o lingisa cimue usumba.

YEHOSUA 1:9

Sia ku handelekele hẽ, siti, Kolisako, kuata utõi? Ku ka saluke, ndaño oku yokoka, momo Yehova Suku yove o kasi kumue love kuosi wenda.

YEHOSUA 10:7

Oco Yehosua kumue lalume vosi vakuavita, lalume vosi va pama vakuotõi, va tunda ko Giligali ha va lamanelako.

YEHOSUA 10:8

Yehova wa popia la Yehosua, hati, Ku ka va yokokele, momo nda va eca povaka ove. Lomue pokati kavo o tamalala love.

YEHOSUA 2:24

Va popia la Yehosua vati, Ocili, Yehova wa eca ofeka yosi povaka etu, ndaño muẽle vakuafeka yaco, vosi va tu soyela.

YEHOSUA 6:2

Yehova wa popia la Yehosua, hati, Tala, nda eca Yeriko peka liove, losoma, yaco lalume vaco va pama vakuotõi.

YEHOSUA 7:9

Momo va Kanana lava vosi va tunga vofeka va laika oku ci yeva, kuenje va tu ñuala ocingonja loku kungula onduko yetu kilu lieve. Onduko yove yinene, lacimue hẽ o yi lingila?