YEHOSUA 7:6 - Embimbiliya - Bíblia Sagrada em Umbundu

⁶ Yehosua wa tola uwalo waye, wa tuvika ocipala caye posi kovaso yocikasa ca Yehova, toke koñolosi, eye kumue lakulu va Isareli. Va litaila eve kovitue viavo.

YEHOSUA 7:6 Iomraidhean Croise

EFETIKILO 37:29

Eci Ruvene eya vali kocitunu kuenje wa sanga okuti Yosefe vocitunu kemo, oco wa tola tola uwalo waye.

EFETIKILO 37:34

Oco Yakoba wa tola tola uwalo waye kuenje wa wala ocikelei kombunda yaye. Wa lila omõlaye oloneke vialua.

II SAMUELE 1:11

Daviti yu wa tola tola uwalo waye, haico ca linga alume vosi va kala laye.

II SAMUELE 1:12

Kuenje va lila Saulu lomolaye Yonatão lomanu va Yehova kuenda epata lia Isareli, va lila loku tata loku likandangiya okulia toke oñolosi, oku lilila ava va fa losipata.

II SAMUELE 1:2

Eteke liatatu oco kueya umue wa tunda kocilombo ca Saulu, uwalo waye wa toka toka, wa litila eve kutue. Eci eya ku Daviti wa wila posi, wa fendela.

II SAMUELE 12:16

Daviti wa likutililila ku Suku omõlaco. Daviti wa likandangiyavo okulia, wa iñila, wa pekela posi uteke wosi.

II SAMUELE 13:19

Tamare wa lisieketa etiko kutue, wa tola tola onanga yaye yamiongo, wa likuata olukondo kuenje wa enda loku lila calua.

II SAMUELE 13:31

Oco Soma wa katuka, wa tola tola onanga yaye kuenje wa pekela posi. Akuenje vaye vosi va kala ocipepi lavovo va tola tola olonanga.

II OLOSOMA 22:11

Eci Soma a yeva olondaka vielivulu liovihandeleko, oco wa tola uwalo waye.

II ASAPULO 34:19

Eci Soma a yeva olondaka viovihandeleko, wa tola uwalo waye.

ESERA 10:1

Osimbu Esera a kala loku likutilila loku litavela loku lila loku likekemba kovaso yonjo ya Suku, owiñi wa va Isareli wongolokela kokuaye, alume lakãi lomãla. Omanu vosi va lila calua.

NEHEMIYA 9:1

Keteke liakui avali lakuãla kosãi yaco va Isareli va liongolola loku likandangiya okulia loku wala ovikeleyi loku kapa eve polonumbutue viavo.

ESTER 4:1

Oco eci Mordekai a yeva cosi ca pita, wa tola uwalo waye, wa wala ikelei loku lisieketa letiko. Wa enda pokati kimbo loku kuakua londaka yinene yocinguva.

ESTER 4:3

Kuenda kolofeka viosi, kuna ondaka ya Soma locihandeleko caye via pitila, kua kala esumuo lialua pokati ka va Yudea, loku likandangiya okulia loku lila kuenda oku likekemba, kuenje va lua va pekela pikelei lopetiko.

YOVI 1:20

Yovi wa votoka, wa tola onanga yaye kuenje wa lipemũla utue. Wa limba posi kuenje wa fendela.

YOVI 2:12

Eci vo muĩla kupãla ka vo limbukile, va kaluka loku lila, va tola olonanga viavo kuenje va imba oneketela vilu.

YOVI 42:6

kuenje nda linga ocipelekese caño. Ndi litavela kuenje ndi livela oku tumãla voneketela lovetiko.

ASIÕSUILO 2:10

Akulu vomõla a Siono ukãi va tumãla posi loku ũha. Va litaila oneketela kovitue viavo loku wala ovikẽlei. Afeko va Yerusalãi va petamisila ovitue viavo posi.

ATENDELO 14:6

Yehosua, omõla a Nune, la Kalembe, omõla a Yefune, haivo va kala pokati kava va ka lavuluile ofeka, va kesula uwalo wavo.

ATENDELO 16:22

Puãi va wila posi kuenje va lituvikapo, va pula vati, A Suku, Suku yovilelembia viomanu vosi, nda umosi o linga ekandu o temẽla owiñi wosi?

ATENDELO 16:45

Tundi kowĩni ulo okuti ndi va nyõla olumue. Yu va wila posi, va lituvikapo.

OVILINGA 14:14

Eci ovapostolo Barnaba la Paulu va ci yeva, va tola uwalo wavo, va limba pokati komanu,

YEHOSUA 7:7

Yehosua wa popia hati, Avoyo we, a Yehova Suku! Nye wa yokisila omanu ava Yordão, hu tu eci peka lia va Amori loku tu takisa? Nda tua sanjukilile ño oku tumala sinya olio lia Yordão, nda hĩse.

ESITULUILO 18:19

Va litila eve vovitue osimbu va liyula loku lila loku litetela, vati, A mai we! A mai we! Imbo eli linene we! Vosi va endaela volonaviyu oku fũla va limuisa ukuasi kukuasi walio! Cilo lia nyõleha ola yimosi.

LIOLONGANJI 11:35

Eci o mõla, wa tola uwalo waye, kuenje hati, Avoyo we, amõlange! Wa matulula cimue, ove wa ñokela oku tokotelua. Momo lomela wange nda likuminya ku Yehova, kuenje si tela vali oku litiulamo.

LIOLONGANJI 20:23

Va Isareli va enda, yu va lilila kovaso a Yehova toke koñolosi. Va puliliya ku Yehova, vati, Tuenda vali oku yaka la vamanjetu va Benjamini, ale? Kuenje Yehova hati, Va katukili.

LIOLONGANJI 20:26

Oco va Isareli vosi kumue lomanu vosi, va lamana, yu veya ko Betele. Oko va lilila loku kala kovaso a Yehova. Eteke liaco va likandangiya okulia toke koñolosi. Va lumbila kovaso a Yehova ovilumba vioku pia elisi lovilumba viombembua.

LIOLONGANJI 21:2

Omanu veya ko Betele, kuenje va kala kovaso a Suku toke koñolosi. Va kaluka loku lila calua.

I SAMUELE 4:12

Eteke liaco umue u Benjamini wa tila kovita, weya ko Silo, uwalo waye wa toka toka, kutue waye kua kala eve.