YEHOSUA 7:26 - Embimbiliya - Bíblia Sagrada em Umbundu

²⁶ Va lundika ondunda yinene yovawe, haiko yi kasi toke etaili lilo. Kuenje Yehova wa liweka konyeño yaye ya tokota. Oco toke etaili lilo ocitumãlo caco va ci tukola vati, Ocimbota ca Akore.

YEHOSUA 7:26 Iomraidhean Croise

II SAMUELE 18:17

Kuenje va yelula Avisalome, vo wimba vocitunu cinene vesisi. Vo lundika ondunda yinene yovawe. Kuenje va Isareli vosi va tila, omunu konjo yaye, omunu konjo yaye.

II SAMUELE 21:14

Va kenda akepa a Saulu la-a omõlaye Yonatão veyambo lia soyaye Kisi, vo Siela, vofeka ya va Benjamini. Va linga cosi ca tuma Soma. Kovaso yaco Suku wa yeva kolohutililo vioku likutilila ofeka.

II ASAPULO 29:10

Kaliye vutima wange nda sokiya oku lisila ocisila la Yehova, Suku ya Isareli, oco onyeño yaye yalua yi tu tinduke.

ESERA 10:14

Kaliye asongui vosi va va Isareli va songole upange ulo. Kuenje vosi va kasi vovaimbo, vana va kuela akãi va vakualofeka, veye koloneke via tukuiwa. Veye kumosi lasongui vavo lakulu vavo, imbo limbo, toke onyeño ya Suku yetu kokuetu yimũha.

OLOSAMO 85:4

Tu tumbulule, a Suku yeyovo lietu. Imula onyeño wa tu kuatela.

ETUNDILO 32:12

Va Egito hẽ va popela nye vati, Wa vopila oku va yambula okuti o va ipailela kolomunda, oku va kundula kilu lieve? Onyeño yove eyi ya kãla enene yi liweke. Uvi u wa sokoluila omanu vove, litiulamo.

ISAYA 40:2

Vanguli la Yerusalãi lolondaka viomboka. U sapuila okuti ovita viaye via pua, lakandu aye a eceliwa. U sapuilavo okuti peka lia Yehova wa yambuiwila luvali akandu aye osi.

ISAYA 65:10

Siarone yi linga ulisilo woviunda, kuenda vomaka ya Akore mu pekaila oviunda, kuenje yi linga yomanu vange, ava va sanda.

ASIÕSUILO 3:53

Va njimba vocitunu lomuẽnyo; va sitikilamo lovawe.

HOSEA 2:15

Ndu wĩha vali oviumbo viaye viayuva, locimbota ca Akore ndi ci pongolola uvelo welavoko. Oko eye a nambuluila ndeci a nambuluile eci a kaile umãlẽhe, leci a kaile kotembo yoku tunda ke Egito.

HOSEA 2:17

Momo njupa vomela waye olonduko via va Baale okuti ka vi tukuiwa vali londuko.

YOELI 2:13

Ko ka toli vali olonanga, toli puãi itima. Pongolokeli ku Yehova, Suku yene, momo eye ukuahenda haeye ukuacikembe, o livala konyeño, otembo yosi o kasi locisola ka ci pongoloka, kuenda kocisimĩlo coku nyõla o liwekako.

YOELI 2:18

Oco Yehova wa ivaluka ofeka yaye, wa kuatela omanu vaye ohenda.

YONA 1:15

Oco va yelula Yona, vo wimba vokalunga, kuenje okalunga ka tulumũha.

SAKARIYA 6:8

Eye wa mbilikiya hati, Tala! Otuo tu kasi loku enda kofeka yoko Norte tu lekisa onyeño nda kuatela ofeka yoko Norte.

ATENDELO 25:8

kuenje wa landula ulume u Isareli te vombalaka. Wa va toma kavali kavo, ulume u Isareli lukãi. Ukãi wa tomiwa olusõle vimo liaye. Oco efengi lia imũha ku va Isareli.

ESINUMUĨLO 13:17

Lacimue covina via tukuiwila oku nyoliwa cupiwamo lene, okuti onyeño yalua ya Yehova yi tula, o vu linga ohenda, loku vu sola, loku vu luisa. O linga ndeci a lisila lolosekulu viene,

ESINUMUĨLO 13:18

nda vu yeva ondaka ya Yehova, Suku yene, loku pokola kovihandeleko viaye, evi ñasi loku u wihi etaili, loku linga eci ca sunguluka ke Yehova, Suku yene.

YEHOSUA 10:27

Pokuiñila kuekumbi, Yehosua wa tumila oku va tulula voviti, yu va va imba veleva muna va salamele. Pomela weleva liaco va sitikapo lovawe anene. Haipo a kasi toke etaili lilo.

YEHOSUA 7:24

Yehosua kumue la va Isareli vosi, va kuata Akani omõla a Sera, lopalata yaco, lokapote, locinimbu culu, lomala vaye valume, lomala vaye vakãi, lolongombe viaye, lovimbulu viaye, lolomeme viaye, lombalaka yaye, leci cosi a kala laco. Va enda lavio kocimbota ca Akore.

YEHOSUA 8:29

Soma ya Hai wo nyoñamisa vuti toke koñolosi. Pokuiñila kuekumbi, Yehosua wa tuma oku tulula ocivimbi caye vuti. Va ci takumuila kombundi yimbo kuenje va ci lundika ondunda yinene yovawe. Haiko yi li toke etaili lilo.