YEHOSUA 7:21 - Embimbiliya - Bíblia Sagrada em Umbundu

²¹ Eci nda muila pokati kovikuata okapote kamue ka posoka koko Sinare, lovita vivali violosiekele viopalata, kuenda ocinimbu cimue culu ci pesala akui atalo kolosiekele, oco nda vi livela, yu nda vi nyañulapo. Tala, via vembikilua posi vokati kombalaka yange. Opalata yi li kosi yaco.

YEHOSUA 7:21 Iomraidhean Croise

EFETIKILO 10:10

Eye wa fetika uviali waye ko Bavele loke Ereke kuenda ko Akandi loko Kaline lofeka ya Sinare.

EFETIKILO 3:6

Ukãi yu wa mõla uti okuti wa posokela oku liako, haiwo wa posokela oku u tala, haiwo uti wa soliwila oku eca olondunge, yu wa yunga epako, kuenje wa lia; wa ecavo limue ku veyaye kuenje wa liavo.

EFETIKILO 34:27

Omãla va Yakoba volumuhĩla ovivimbi viaco, va punda imbo liavo momo va nyõla manjavo.

EFETIKILO 6:2

oco omãla va Suku valume va mõla omãla vomanu vakãi okuti va posoka, kuenje va nola oku kuela ava va sola ca velapo.

II SAMUELE 11:2

Ca pita okuti eteke limue kekumbi eci Daviti a pasuka pula waye kuenje wa kala loku ñuala ñuala kilu lionjo yosoma, oku vanja posi wa mõla umue ukãi o kasi loku yua. Ukãi waco wa posoka cimue.

II OLOSOMA 7:8

Eci vakuavilundu vaco va pitila konele yocilombo, va iñila võmbalaka yimue, va lia, va nyua, kuenje vopamo opalata lulu luwalo, yu va ka vi solekele. Veya vali, va iñila vombalaka yikuavo, vopamovo vimue, yu va ka vi solekele.

YOVI 31:1

Nda lisila lovaso ange, oco mbanja ndati ufeko?

OLOSAMO 119:37

Tiula ovaso ange, ka a ka talukile evi viesanda. Nyihe omuenyo volonjila viove.

ETUNDILO 20:17

Ku ka livele onjo yokuẽle, ku ka livele ukãi wokuẽle, pamue upika waye ulume, pamue upika waye ukãi, pamue ongombe yaye, pamue ocimbulu caye. Cosi cokuẽle ku ka ci livele.

OLOSAPO 1:19

Olio efulilo lia vosi va sanga ukuasi poku punda. Ava va ci linga va liwa ovo muẽle.

OLOSAPO 23:31

Ku ka vanje ovinyu eci vi kusuka, eci vi tutuma vokopo, leci vi feloka ocili.

OLOSAPO 28:22

Oholotelo yi kuata onjanga yoku limuisa, ka yi ci cokuti usuke u u sanga.

OLOSAPO 4:23

Lava utima wove lepandi, omo kokuawo oko ku tunda olono viomuenyo.

ISAYA 28:15

Omo wa lingi hoti, Tua lisila la Kufa kuenje tua likuminya la Njembo, okuti eci endunde lieyambulo liya, ka li pitila kokuetu; momo uhembi owo wa linga ocikolo cetu kuenje elimbi lia linga ocipundo cetu,

ISAYA 29:15

Ava va limbika Yehova ovipango viavo, kuenda ovilinga viavo via lingiwila vowelema, vati, Helie o tu lete? Helie wa tu limbuka?— ngongo yavo!

HAVAKUKI 2:9

U o muisa onjo yaye ipako vievĩho, ngongo yaye! Ndaño u o tumbika ocanju caye kilu ha puluka kohali!

LUKA 12:15

Kuenje wa popia lavo hati, Lunguki kuenda liuviki kocipululu cosi, momo omunu, ndaño ohuasi enene, haimo omuenyo waye ko fukile.

LUKA 12:2

Momo ka kuli eci ca tuvikiwa okuti ka ci tuvuka, ka kuli eci ca yombekiwa okuti ka ci kũlĩhiwa.

VA EFESO 5:3

Puãi, ene, ndaño oku vangula evi vi tiama kukahonga levĩho lovilivelo vĩvi, ko ka vi vanguli, momo havioko olosandu vi vangola.

VA EFESO 5:5

Kũlĩhi okuti lomue okahonga, pamue ukuevĩho, pamue ukuacipululu, okuti yu o fendela olosuku viñi, o kuete ocipiñalo cimue vusoma wa Kristu haiwo wa Suku.

ESINUMUĨLO 7:25

Oviñumañuma via songiwa violosuku viavo wu vi yoka londalu. Ka ci tava oku livela opalata pamue ulu woviñumañuma viavo, ndaño oku u likapela, sanga u ku lingila onjanjo momo eci ci linga umbondo ku Yehova, Suku yove.

VA KOLOSAI 3:5

Oco, ipayi ovituwa vĩvi vi tiama koluali, viokuti ukahonga, levĩho, lokanyaima, kuenda oñeyi yĩvi, locipululu ca lomboloka efendelo lioviteka.

VA HEVERU 13:5

Ko ka kali locipululu colombongo. Tẽli lovina vu kuete, momo eye muẽle wa linga hati, Ame lalimue eteke hu yanduluka ndaño oku ku sia.

TIAGO 1:15

Oloñeyi, eci vi mina, vi cita ekandu, lekandu, eci li kula, li cita okufa.

YEHOSUA 7:20

Akani wa kumbulula Yehosua, hati, Ocili nda lingila Yehova Suku ya Isareli ekandu. Nda ci linga ndomo:

YEHOSUA 7:22

Oco Yehosua wa tuma olomunga, yu via lupukila kombalaka. Kuenje tala ovikuata viaco via vembikilua vombalaka yaye. Opalata ya kala kosi yaco.

II PETULU 2:15

Va sia onjila ya suñama, kuenje va tuñayala. Va kuama onjila ya Balama, omõla a Beore, una wa sola onima ya tunda kevĩho.