YEHOSUA 7:15 - Embimbiliya - Bíblia Sagrada em Umbundu

¹⁵ Kuenje u o sangiwa leci ca siñaliwa o yokiwa londalu, eye kumue leci cosi a kuete. Momo wa lueyela ocisila ca Yehova kuenda wa linga ekutisasõi kIsareli.

YEHOSUA 7:15 Iomraidhean Croise

EFETIKILO 34:7

Eci omãla valume va Yakoba va ci yeva va tunda vusenge, veya. Oco vamume va ci suvuka, va tema ca lua, vati, Wa linga uveke ku Isareli oku pekela lomõla a Yakoba; oco ka ci lingaiwa.

II SAMUELE 13:13

Ame, osõi yaco ha yi tuala pi? Love, pokati ka va Isareli o ka tukuiwa ocina caño. Oco cilo hu pinga, vangula la Soma. Eye ka likali oku ngeca kokuove.

YEHOSUA 7:11

Va Isareli va linga ekandu. Ocili muẽle, ocisila cange nda va handelekele, va vi lueya. Ocili va kuata kovina via siñaliwa, kuenda va iva, va limbika, yu va vi yombeka muẽle pokati kovikuata viavo.

YEHOSUA 7:16

Oco Yehosua wa pasuka omele ociteketeke. Wamisako va Isareli, epata lepata, Kuenje epata lia Yuda, olio lia tukuiwa.

LIOLONGANJI 20:10

Kapata osi a Isareli tupako omanu. Kocita comanu tupako ekui; kohulukãi tupako ocita; kekui liolohũlũkai tupako ohulũkãi, ha va kopila omanu okulia. Eci veya, tu fetuluinyila Givea ya Benjamini umbondo wosi a lingila kIsareli.

LIOLONGANJI 20:5

Alume va Givea va ñatukila. Onjo nda kala va yi ñuala ocingonja uteke. Va si oku njipa, ukama wange va pekela laye, yu wa fa.

LIOLONGANJI 20:6

Nda nyañula ukama wange, ndo vambola kovikepa, nda vi tuma kofeka yosi yocipiñalo ca Isareli, momo va linga evĩho lumbondo kIsareli.

I SAMUELE 26:21

Saulu yu wa popia hati, Nda lueya. Amõlange Daviti, tiuka omo siu ku lingi vali cĩvi. Momo etaili omuenyo wange u kola kovaso ove. Ocili muẽle nda linga uveke. Nda lueya calua.