YEHOSUA 7:1 - Embimbiliya - Bíblia Sagrada em Umbundu

¹ Puãi va Isareli va lueya kondaka yovina via siñaliwa, momo Akani, omõla a Karimi, omõla a Savidi, omõla a Sera, wokepata lia Yuda, wa kuata kovina via siñaliwa, kuenje onyeño ya Yehova ya wengukila va Isareli.

YEHOSUA 7:1 Iomraidhean Croise

EFETIKILO 34:27

Omãla va Yakoba volumuhĩla ovivimbi viaco, va punda imbo liavo momo va nyõla manjavo.

II SAMUELE 24:1

Onyeño ya Suku ya wengukila vali va Isareli. Wa va tutuminyila Daviti hati, Kuende, ka tende va Isareli la va Yuda.

II OLOSOMA 5:24

Eci va pitila kokamunda, wa va vi tambula, yu wa vi soleka vonjo. Wa tiula omanu vaco, yu va enda.

I ASAPULO 21:7

Puãi Suku ka sanjukile lelinga eli, kuenje wa veta Isareli.

II ASAPULO 24:18

Va yanduluka onjo ya Yehova, Suku yolosekulu viavo, kuenje va vumba Asera loviteka. Oco onyeño ya Yehova ya wilila Yuda la Yerusalãi ongole eyi yavo.

ESERA 9:6

Nda popia siti, A Suku yange, ñasi losõi oku ku petuila ocipala cange, a Suku yange. Momo akandu etu a pitãhãla ovitue vietu, lolongole vietu via pitila kovailu.

YOVI 35:8

Akandu ove a veta lika komunu ndove. Lesunga liove li kuatisa lika omunu.

UKUNDI 9:18

Olondunge via velapo, ovimaleho viovita vi sule, puãi ondingekandu yimosi yi nyõla uwa wa lua.

DANIELE 9:7

A Yehova, esunga li tiamẽla kokuove, etu puãi etali lilo osõi yi tu kuta, etu tumanu va Yuda, lava va tunga ko Yersualãi, la va Isareli vosi, ava va kasi ocipepi lava va kasi kupãla pokati kolofeka viosi wa va lupuisilako mekonda liakandu va ku lingila.

OVISILA 10:6

Oco Mose wa popia la Arone kuenda Eleasa la Itamare, omãla vaye, hati Ko ka futululi kovitue viene ndaño oku kesula uwalo wene, sanga vu fa, kuenje onyeño yi wengukila omanu vosi. Puãi vakuẽle vakuepata liosi lia Isareli va lile epĩle Yehova a timiha.

YONA 1:7

Kuenje va likunda pokati, omunu lomunu, vati, Enjui. Tu ti ocela, oco tu kũlĩhe u wa tu nenẽla ũvi owu. Oco va ta ocela kuenje ca veta Yona.

YEHOSUA 22:16

Ca popia ohongele yosi ya Yehova ceci, Ongole eyi wa lueyeli layo Suku ya Isareli, ya lomboloka ndati? Nye wa pambukili koku kuama Yehova etaili, yu wa litungili utala, ho ñualelapo Yehova etaili?

YEHOSUA 22:18

Kuenje ene cilo vu yongola oku pambuka koku kuama Yehova? Etaili nda vu ñualelapo Yehova, hẽla eye o temela va Isareli vosi.

YEHOSUA 22:20

Akani, omõla a Sera, ka lingile hẽ ekandu oku lamba kovina via siñaliwa, yu onyeño ya wila va Isareli vosi? Heyeko lika wa nyolehela ekandu liaye.