YEHOSUA 6:4 - Embimbiliya - Bíblia Sagrada em Umbundu

⁴ Ovitunda epanduvali vi ambate anguena epanduvali olombinga viovitupi, kuenje vi pite kovaso yocikasa. Keteke liepanduvali ñuali imbo olonjanja epanduvali, kuenda ovitunda vi sike anguena.

YEHOSUA 6:4 Iomraidhean Croise

EFETIKILO 2:3

Suku yu wa sumũluĩsa eteke liepanduvali hã ha li kolisa; momo eteke liaco olio a puyuka kupange waye wosi a linga woku sovola.

I OLOSOMA 18:43

Wa popia lukuenje waye hati, Londa handi, vanja kokalunga. Oco wa londa, wa vanjako, kuenje hati, Ka kuli cimue. Eliya hati, Kuendeko vali olonjanja epanduvali.

II OLOSOMA 5:10

Elisia wa tuma omunga kokuaye, hati, Kuende ka lisukule vo Yordão olonjanja epanduvali. Ositu yove yu ku iya vali, kuenda o yela.

II OLOSOMA 5:14

Oco wa lokilako, yu wa liyaveka olonjanja epanduvali vo Yordão, ndeci ca popele omunu wa Suku. Oco ositu yaye ya wiya vali, ya linga ndositu yokamola, yu wa yela.

II ASAPULO 13:12

Kuenje tala, Suku yu kumue letu haiye o tu songuila, kuenda ovitunda viaye vi kasivo kumue letu, lolombeta viavo vioku tu kovongela kovita vioku liyaka lene. Amala va Isareli, ko ka liyaki la Yehova Suku yolosekulu viene, momo ko yuli ale.

II ASAPULO 20:17

Vocilunga eci, heneko vu kuete oku yaka. Kuendiko, ka talameli ño ha vu mõli ndomo Yehova u popeli, ove a Yuda, love a Yerusalãi. Ko ka saluki, ko ka yokoki ño! Hela va tundili, momo Yehova o kala lene.

II ASAPULO 20:19

Va Lewi vopo va Kohata lava vopo va Korihi, va votoka vilu oku sivaya Yehova, Suku ya Isareli, lolukandi.

II ASAPULO 20:21

Eci a puliliya omanu, oco wa tukula olonjimbi, yu va pita kovaso yolohoka loku wala uwalo u kola, kuenje va imbila Yehova loku u sivaya vati, Panduli Yehova, momo ohenda yaye ka yi pui.

YOVI 42:8

Oco kaliye, nyañuli olonui epanduvali lovitupi violomeme epanduvali. Kuendi lavio kukuenje wange Yovi, ka vi lumbi ndocilumba cene coku pia elisi. Kovaso yaco ukuenje wange Yovi o vu likutilila, momo ndu yeva eci o likutilila hati, A Suku, ku ka linge lavo eci ca soka luveke wavo; momo ka wa mopeleli eci cocili ndeci ca linga ukuenje wange Yovi.

ISAYA 27:13

Kuenda vali keteke liaco olumbeta lunene lu sikiwa, kuenje ava va nyelelela vofeka ya Asuria lava va takumũhila ve Egito, va tiuka, va fendela Yehova komunda yi kola ko Yerusalãi.

OVISILA 14:16

noke ci yava omuine waye wondio vulela u kasi peka liaye liokepĩli kuenje ulela waco cu nyila lomuine waye kovaso a Yehova olonjanja epanduvali.

OVISILA 4:6

Oco ocitunda ci yava omuine waye vosonde, kuenje ci nyĩla osonde yaco olonjanja epanduvali kovaso a Yehova kovaso yongumbo yohondo yi kola.

SAKARIYA 4:2

Yu wa mula hati, O lete nye? Nda kumbulula siti, Ndete ondiyelo yulu. Ondiyelo yaco yi kuete ovimẽla epanduvali. Kilu kuli ombia omu mu kala ulela. Vombia yaco mu tunda oviyengo epanduvali vi pitisa ulela kovimela epanduvali viondiyelo.

SAKARIYA 4:6

Oco wa popia lame hati, Ondaka ya Yehova ku Seruvavele yeyi, hati, Halokuyakako, pamue lunene, te le Espiritu liange. Oco ca popia Yehova Ukualohoka.

ATENDELO 23:1

Oco Baliame wa popia la Balaka hati, Nungile kulo ovitala epanduvali. Mbanjele olongombe epanduvali lovitupi violomeme epanduvali.

YEHOSUA 6:13

Ovitunda epanduvali vina viambata anguena epanduvali olombinga viovitupi, via pita kovaso yocikasa ca Yehova, via enda loku sika anguena. Alume va maleha va pita kovaso yavo, kuenje owiñi wosi wa kuama vonyima yocikasa ca Yehova, osimbu ovitunda via kala loku enda loku sika anguena.

YEHOSUA 6:3

Ene vosi walume vakuavita, ñuali imbo. Ñualiko lumosi. Eci oco vu linga oloneke epandu.

YEHOSUA 6:5

Eci va sika ombinga yocitupi, kuenda eci vu yeva ocileñi cenguena, oco omanu vosi va kaluke londaka yalua. Ocimbaka cimbo ci leñuha, kuenje omunu omunu, puosi a suñama haipo a lamanela.

ESITULUILO 1:20

Elomboluilo lielumbu liolombungululu epanduvali, evi wa muila kondio yange, lolovela epanduvali viulu, lieli, Olombungululu epanduvali ovio ovangelo vakongelo epanduvali, olovela epanduvali ovio akongelo aco epanduvali.

ESITULUILO 1:4

Ame ndi Yoano ndi sonehela akongelo epanduvali a kasi ka Asia. Kokuene ku kale ocali lombembua yi tunda kundeti o kasi, haeye wa kala ale, kuenda iya, haiyo yi tunda kaspiritu epanduvali a kasi kovaso yocalo caye,

ESITULUILO 10:3

Wa vilikiya lolukandi lua lisoka ndohosi yi koma. Eci a vilikiya, oco ovilemĩlo epanduvali via lemĩla.

ESITULUILO 15:1

Noke nda mola owima ukuavo kilu. Owima waco unene haiwo u komohisa. Ovangelo epanduvali vambata afengi epanduvali, hao a sulako, momo kokuao oko onyeño ya Suku ya tẽlisiwila.

ESITULUILO 15:7

Oco cimue koviendalomuenyo viaco vikuãla ca eca kovangelo vaco epanduvali atiyela epanduvali ulu, hao e yuka onyeño ya Suku o kasi lomuenyo oloneke vi enda ño-o hũ.

ESITULUILO 16:1

Kovaso yaco nda yeva ondaka yinene ya tunda vohondo yi kola, ya popia lovangelo vaco epanduvali, yiti, Kuendi, ka pesili kilu lieve atiyela aco epanduvali onyeño ya Suku.

ESITULUILO 5:1

Oco, nda mola peka liondio liu wa tumala kocalo ociña ca sonehiwa vokati lo konyima, haico ca sitikua lasitikilo epanduvali.

ESITULUILO 5:6

Oco, pokati kocalo loviendalomuenyo vikuãla, kuenda pokati kakulu, nda muilapo Okameme ka tãi, huti ño ka ipaiwa, ka kuete olombinga epanduvali lovaso epanduvali, o-o aspiritu epanduvali a Suku, ana a tumiwa kuosi kilu lieve.

ESITULUILO 8:2

Nda mola ovangelo epanduvali vana va talayama kovaso a Suku. Kokuavo kua eciwa olombeta epanduvali.

ESITULUILO 8:6

Ovangelo vaco epanduvali va kuete olombeta epanduvali vava, va liangiliyila oku sika.