YEHOSUA 4:9 - Embimbiliya - Bíblia Sagrada em Umbundu

⁹ Yehosua wongekavo ovawe ekui la avali vokati ka Yordão, apa pa talamele olomai viovitunda, vina viambata ocikasa covisila. Haiko a kasi, toke etaili lilo.

YEHOSUA 4:9 Iomraidhean Croise

EFETIKILO 26:33

Yu wa ci luka hati, Cohuminyo, oco onduko yimbo liaco yi kasi Bereseva toke etaili lilo.

EFETIKILO 28:18

Yakoba yu wa pasuka omẽle, wa nyañula ewe a kunamelele, wa li sembika ndongunji, kuenje wa itilako ulela.

II SAMUELE 4:3

Va Berote va tilila ko Gitami kuenje haiko va kasi toke etali lilo.

I OLOSOMA 18:31

Eliya wa nyañula ovawa ekui la avali, ca soka lapata omãla va Yakoba, una wa yeva ondaka ya Yehova yiti, Onduko yove yi linga Isareli.

II ASAPULO 5:9

Olomuangaluwa viocikasa, omo via lepa calua, olosungu viavio via molehela vohondo yi kola, kovaso yocitumãlo ci kola. Puãi posamua ka via molẽhele. Kuenje haimo vi li toke etaili lilo.

ETUNDILO 24:12

Yehova wa popia la Mose hati, Lamana omunda. Enju kokuange. Talamela. Hu iha itale viovawe vi kuete ovihandeleko locikundi nda sonẽhako oku va longisa.

ETUNDILO 28:21

Ovawe a soka lolonduko viomãla va Isareli ekui la vavali, a soka lolonduko viavo. Ndoku sokotola osinete, eli londuko yalio, eli londuko yalio; a kalako mekonda liapata ekui lavali.

MATEO 27:8

Oco usenge waco wa tukuiwa Usengewosonde toke ketaili lilo.

MATEO 28:15

Oco va tambula olombongo viaco kuenje va linga ndeci va imbiwa onumbu, kuenje ondaka yaco ya sandoka pokati ka va Yudea toke ketaili lilo.

ESINUMUĨLO 34:6

Kuenje wo kenda vocimbota covofeka ya Moavi, ca imba ovaso ko Bete Peore. Puãi toke etaili lomue wa kulĩha apa pa kasi eyambo liaye.

YEHOSUA 24:26

Yehosua wa soneha olondaka viaco velivulu liovihandeleko via Suku. Wa nyañula ewe linene, wa li sembika vemehi liocinendele pocitumãlo ci kola ca Yehova.

YEHOSUA 4:10

Momo ovitunda vina viambata ocikasa via talama vokati ka Yordão, toke cosi Yehova a tumile Yehosua oku sapuila omanu ca malusuka, kuenda ca lingiwa ndeci cosi Mose a sapuila Yehosua. Kuenje omanu va yayulako, ya va yoka.

LIOLONGANJI 1:26

Ulume waco wa enda kofeka ya va Hiti. Wa tungako imbo, kuenje wa li luka Lusi. Eyi oyo onduko yalio toke etaili lilo.

I SAMUELE 30:25

Kuenje tunde keteke liaco ondaka yaco eye wa yi kolisa kuenje ya linga ocihandeleko ca va Isareli toke ketaili lilo.

I SAMUELE 7:12

Oco Samuele wa nyañula ewe, wa li tumbika pokati ka Misipa la Sene, wa li luka hati, Evenese, hati, Momo toke cilo Yehova wa tu kuatisa.