YEHOSUA 4:7 - Embimbiliya - Bíblia Sagrada em Umbundu

⁷ oco vu va kumbulula hoti, Ovava a Yordão a kotokelele kovaso yocikasa covisila via Yehova. Eci ca yoka Yordão, oco ovava a Yordão a kotuiwile. Ovawe a, ku va Isareli a linga ndonjivaluko oloneke ka vi pui.

YEHOSUA 4:7 Iomraidhean Croise

OLOSAMO 111:4

Ovikomo viaye wa vi lingila onjivaluko. Yehova ukuacali haeye ukuahenda.

ETUNDILO 12:14

Eteke liaco liu lingili eteke lionjivaluko, vu li ivaloka lofesta ya Yehova. Ovitumbulukila viene viosi vi li ivaloke ndociholo ka ci pui.

ETUNDILO 28:12

O kapa ovawe aco avali kapatahãlo efonde ha a lingi ovawe oku ivaluka omãla va Isareli. Arone ambata kovaso a Yehova olonduko viavo kovitẽi viaye vivali ndonjivaluiso.

ETUNDILO 30:16

O tambula ku va Isareli olombongo vioku tuvika, o vi tiamisa kefendelo liombalaka yoku ñualẽhẽla la yehova ha vi lingi ndonjivaluko ku va Isareli kovaso a Yehova, oku likutilila ovimuenyo viene.

ISAYA 66:3

U ipa ongombe wa soka ndu wa ipa omunu; u o lumba omeme wa soka ndu wa teya osingo yombua; u o lumba ocilumba cosema wa soka ndu o lumba osonde yongulu, u o timĩha insensu o linga ndu o sivaya ociteka. Va nõla olonjila viavo muẽle kuenje ovitima viavo via sanjukila evĩho liavo.

ATENDELO 16:40

Ca ivaluisa va Isareli okuti lomue o tẽla oku timĩhĩla Yehova insensu te ocitunda ukuambuto ya Arone, sanga nda umue wiñi o ci seteka ci pita laye ndeci ca pita la Kora lomanu vaye. Eci cosi Yehova wa ci sapuila Eleasa lomẽla wa Mose.

ATENDELO 17:5

Oco ulume ndu nola ombueti yaye yi yova. Ndi ci lingila okuti si yevi vali okulisiõsiõla kua va Isareli ndomo va kasi loku u lisiõsuĩli.

I VA KORINDO 11:24

Eci a pandula wa yi timbula, wa linga hati, Eyi etimba liange lio nyõleheli. Oco ci lingaili oku njivaluka.

ESINUMUĨLO 16:3

Ositu yaco ka ci tava oku yi lia kumue lombolo yi kuete etumbisa. Oloneke epanduvali vu yi lia kumue lombolo ka yi kuete etumbisa haiyo ombolo yohali, momo wa tundi ve Egito lonjanga. Oco vu yi lia kumue lombolo ka yi kuete etumbisa okuti oloneke viosi viomuenyo wove wivaloka eteke wa tunda vofeka ye Egito.

YEHOSUA 4:6

Oco eci ci lingi ondimbukiso pokati kene okuti koloneke viyako, eci omala vene vo puli, vati, Ovawe a o lomboloki ndati?—