YEHOSUA 4:3 - Embimbiliya - Bíblia Sagrada em Umbundu

³ Va sapuila huti, Nyañuli ovawe ekui la avali vokati ka Yordão, pana ovitunda vi tai sĩu, a ambati, ka a tulili oku vu ka lalela uteke ulo.

YEHOSUA 4:3 Iomraidhean Croise

EFETIKILO 28:22

kuenda vali ewe eli nda sembika ndongunji li linga onjo ya Suku. Cosi o nyiha hu tepelako onepa yekui.

OLOSAMO 103:2

Otima wange, sivaya Yehova. Ku ka ivaleko oviali viaye viosi.

OLOSAMO 11:4

Yehova o kasi vonembele yaye yi kola. Ocalo ca Yehova ci kasi vilu. Ovaso aye a tala tala omãla vomanu, ovisokopia viaye vi va seteka.

LUKA 19:40

Eye wa va kumbulula hati, Ndu sapuili siti, Ava nda voha, ovawe nda a kaluka.

YEHOSUA 24:27

Yehosua wa popia lomanu vosi, hati, Ewe lilo lia linga ombangi yetu. Momo lia yeva olondaka viosi Yehova a popia letu, lio lingili ombangi, sanga vu likala Suku yene.

YEHOSUA 3:13

Tuli olomai viovitunda vina viambata ocikasa ca Yehova, Ñala yilu lieve liosi, vi liatela vovava a Yordão, oco ovava a Yordão a kotuiwa, ovava a tunda konano a talama, a linga ondunda.

YEHOSUA 4:4

Oco Yehosua wa kovonga alume ekui lavavali vana a nola pu va Isareli, kepata lepata ulume.

YEHOSUA 4:8

Va Isareli va linga ndomo Yehosua a va sapuila. Va tikula ovawe ekui la avali vokati ka Yordão, ndeci Yehova a popele la Yehosua, okuti epata ewe, epata ewe, ndapata a va Isareli. Va a ambata, kuenje va a tulila apa va lala.

I SAMUELE 7:12

Oco Samuele wa nyañula ewe, wa li tumbika pokati ka Misipa la Sene, wa li luka hati, Evenese, hati, Momo toke cilo Yehova wa tu kuatisa.