YEHOSUA 4:24 - Embimbiliya - Bíblia Sagrada em Umbundu

²⁴ Oco omanu vosi vokilu lieve va limbuke okuti eka lia Yehova lia pama, lene ho sumbi Yehova Suku yene oloneke ka vi pui.

YEHOSUA 4:24 Iomraidhean Croise

I OLOSOMA 8:40

Oco ovo va ku sumbe oloneke viosi va tumãla vofeka yina wa ecele kolosekulu vietu.

I OLOSOMA 8:60

Oco omanu vosi vo kilu lieve va limbuke okuti Yehova eye Suku, ka kuli ukuavo.

II OLOSOMA 19:19

Kaliye, a Yehova Suku yetu, hu livondela, tu popele peka liaye, oco ovosoma osi okilu lieve a limbuke okuti ove Yehova Suku, ove lika wove.

II OLOSOMA 5:15

Namana wa tiukila komunu wa Suku, eye kumue lendo liaye liosi. Weya kuenje wa talama kovaso aye, wa popia hati, Tala, kaliye nda kulĩha okuti kilu lieve liosi ka kuli Suku, te kIsareli lika. Oco kaliye, hu pinga, tambula ombanjaile kukuenje wove.

I ASAPULO 29:12

Kokuove ku tunda ukuasi lesivayo, haive o viala ovina viosi. Peka liove pali upami lunene. Peka liove pali omoko yoku kemanyaisa, leyi yoku eca ongusu kovina viosi.

YOVI 40:9

O kasi lokuokuo kua lisoka lokuokuo kua Suku? Ondaka yove hẽ, yi tẽla oku lemĩla ndondaka yange?

OLOSAMO 106:8

Haimo lumue wa va popela mekonda lionduko yaye, ha limbukisa olohõlo viaye via lua.

OLOSAMO 89:13

O kasi lokuokuo kua pama. Eka liove lia kola, eka liove liondio lia kemãla.

OLOSAMO 89:7

Vongombo yava va kola Suku ukuakululumisa cimue. O lingisa usumba wa velapo, vosi vo ñuala ci sule.

ETUNDILO 14:31

Va Isareli va mõla upange unene Yehova a linga oku nyõla va Egito. Kuenje va sumbila Yehova, va kolela Yehova lukuenje waye Mose.

ETUNDILO 15:16

Ocinjoko lusondi vi va wila. Omo unene wokuokuo kuove wa lua oco vohã ño, va soka ndewe, ka va lisengi, toke omanu vove va pita, a Yehova, toke omanu wa yovola va pita.

ETUNDILO 20:20

Mose yu wa popia lomanu hati, Ko ka yokoki, omo Suku weyilila oku vu nyika, okuti vu u sumbila kuenje ka vu lingi akandu.

ETUNDILO 9:16

Puãi nda tava oku popela omuenyo wove okuti hu lekisa unene wange, onduko yange ha yi tukuiwa kilu lieve liosi.

ISAYA 52:10

Yehova wa lekisa okuokuo kuaye ku kola ku vakualofeka viosi. Asulilo osi oluali a mõla eyovo lia Suku yetu.

YEREMIYA 32:40

Ndi lisila lavo ocisila ka ci pui cokuti si liweka oku va linga ciwa. Ñapa esumbilo liange vovitima viavo okuti ka va tundi vali kokuange.

ESINUMUĨLO 28:10

Lapata osi o kilu lieve va limbuka okuti wa lukiwa londuko ya Yehova, kuenje va ku kuatela usumba.

ESINUMUĨLO 6:2

Ndu vi longisi, ene lomãla vene lomãla vomãla vene, okuti vosi vu sumbila Yehova Suku yene poku lingainga ovisila viaye loku pokola kovihandeleko viaye oloneke viosi viovimuenyo viene. Ndu longisi muẽle oku sumbila Yehova Suku yene okuti oloneke viene vi lua.

I SAMUELE 17:46

Etaili muẽle Suku o ku eca peka liange, hu tesõla, hu teta utue. Ovivimbi violohoka via va Filisiti ndi vi eca kolonjila viovilu lokovinyama viovusenge, oluali luosi ha lu kuliha okuti vo Isareli muli Suku,