YEHOSUA 3:8 - Embimbiliya - Bíblia Sagrada em Umbundu

⁸ Sapuila ovitunda viambata ocikasa covisila huti, Eci vu pitila kocingeingei covava a Yordão, talami vo Yordão.

YEHOSUA 3:8 Iomraidhean Croise

II OLOSOMA 2:6

Eliya wa popia laye hati, Hu pinga, siala kulo. Momo Yehova wa numa ko Yordão. Eye hati, La Yehova o kasi lomuenyo, lutima wove u kasi lomuenyo, si litepi love! Oco kavali kavo vamako.

II ASAPULO 29:15

Oco vongolola vakuepata liavo, va likolisa kuenje va iñila vonjo ya Yehova ha va yi yelisa, ndeci Soma a ci handeleka lolondaka via Yehova.

II ASAPULO 29:27

Hesekiya wa handeleka oku lumbila kutala ocilumba coku pia elisi. Eci ocilumba coku pia elisi ca fetika, ocisungo ca Yehova ca fetikavo, kumue lolombeta lovisikilo via Daviti Soma ya Isareli.

II ASAPULO 29:30

Soma Hesekiya kuenda olombuale va handeleka va Lewi oku imbila Yehova asivayo lolondaka via Daviti levi viuprofeto Asafe. Oco va imba asivayo lonjolela, va petamisa ovitue viavo yu va fendela.

II ASAPULO 30:12

Eka lia Suku lia kalavo ko Yuda oku va iha utima umuamue ha va lingi eci Soma kumue lolombuale viaye va handeleka londaka ya Yehova.

NEHEMIYA 13:22

Noke nda tuma va Lewi oku liyelisa loku iya oku lava olombundi, oco esambata li kole. Oco lacovo ci njivalukile, a Suku yange, loku supisapo kokufa pokati kohenda yove ya lua.

NEHEMIYA 13:28

Umue omõla a Yoyada, omõla a Eliasivi, wa kuela omõla a Sambalata u Horoni kuenje ndo lupuisa.

ETUNDILO 14:13

Mose yu wa popia lomanu hati, Ko ka yokoki. Kolisiko, oco vu mõla eyovo lia Yehova lina a ko muisa etaili. Momo va Egito vu lete etaili, lalimue eteke vu va mõla vali.

ASIÕSUILO 3:26

Ciwa oku talamẽla eyovo lia Yehova, loku tula utima.

YEHOSUA 3:17

Ovitunda vina viambata ocikasa covisila via Yehova, via talama siũ posi ya kukuta vokati ka Yordão, osimbu va Isareli vosi va yokila posi ya kukuta, toke omanu vosi va puako oku yoka Yordão.

YEHOSUA 3:3

Va sapuila omanu vati, Eci vu mõla ocikasa covisila via Yehova Suku yene okuti ovitunda va Lewi va cambata, oco apa vu kasi vu tundapo, ho ci kuama.

YEHOSUA 3:7

Yehova wa popia la Yehosua hati, Etaili ndi fetika oku ku kemainyaila kovaso a Isareli yosi, oco va limbuke okuti ndeci nda kala la Mose, haico ñala love.

YEHOSUA 3:9

Yehosua wa popia la va Isareli, hati, Enjui kulo, ndo yeveleli olondaka via Yehova Suku yene.

YEHOSUA 4:11

Eci omanu vosi va puako oku yoka, oco ocikasa ca Yehova ca yokavo kumue lovitunda, kovaso omanu.