YEHOSUA 3:17 - Embimbiliya - Bíblia Sagrada em Umbundu

¹⁷ Ovitunda vina viambata ocikasa covisila via Yehova, via talama siũ posi ya kukuta vokati ka Yordão, osimbu va Isareli vosi va yokila posi ya kukuta, toke omanu vosi va puako oku yoka Yordão.

YEHOSUA 3:17 Iomraidhean Croise

II OLOSOMA 2:8

Eliya wa nyañula onanga yaye yoku livatula, wa yiña, wa yi veta kovava, yu a litepa pokati kuenje kavali kavo va yokila posi ya kukuta.

OLOSAMO 66:6

Wa pongolola okalunga, ka linga osi ya kukuta. Va pita volui lolomãi. Omo tua yolelela

ETUNDILO 14:21

Mose yu woluĩla eka liaye kilu liokalunga. Yehova wa sikisa ofela yokutundilo uteke wosi kuenje ya tiuwiya ovava okalunga okuti, okalunga ka linga osi ya kukuta kuenje ovava aco a litepa.

ETUNDILO 14:22

Va Isareli va lokila vokati kokalunga posi ya kukuta, kuenje ovava a linga ndocimbaka konẽle yavo yokondio lokonẽle yokepĩli.

ETUNDILO 14:29

Puãi va Isareli va endela posi ya kukuta pokati kokalunga, ovava a va lingile ndocimbaka kondio yavo lokepĩli liavo.

ISAYA 25:8

O takisa olumue okufa, kuenje Ñala Yehova o puenya asuẽlẽla kovipala viosi; kuenda osõi yomanu vaye o yupa kilu lieve liosi; momo Yehova wa popia.

ATENDELO 33:51

Popia la va Isareli, huti, Eci vu yoka Yordão oku iñila vofeka ya Kanana,

VA HEVERU 11:29

Omo omanu va kala lekolelo, oco va yoka o Kalunga Kakusuka ndokongongo ya kukuta. Eci va Egito va ci seteka va enda lovava.

YEHOSUA 4:1

Eci omanu vosi va puako oku yoka Yordão, Yehova wa popia la Yehosua hati,

YEHOSUA 4:10

Momo ovitunda vina viambata ocikasa via talama vokati ka Yordão, toke cosi Yehova a tumile Yehosua oku sapuila omanu ca malusuka, kuenda ca lingiwa ndeci cosi Mose a sapuila Yehosua. Kuenje omanu va yayulako, ya va yoka.

YEHOSUA 4:11

Eci omanu vosi va puako oku yoka, oco ocikasa ca Yehova ca yokavo kumue lovitunda, kovaso omanu.

YEHOSUA 4:22

oco vu lomboluila omala vene, hoti, Isareli wa yoka olui lulo Yordão posi ya kukuta.

YEHOSUA 4:3

Va sapuila huti, Nyañuli ovawe ekui la avali vokati ka Yordão, pana ovitunda vi tai sĩu, a ambati, ka a tulili oku vu ka lalela uteke ulo.

YEHOSUA 5:1

Olosoma viosi via va Amori vana va kala kutakelo wa Yordão, lolosoma viosi via va Kanana va lisungue lokalunga, eci vai yeva ndomo Yehova a takatisilile ovava a Yordão kovaso a va Isareli toke tua yoka, oco ka va kaile vali lutõi, ovitima viavo via soyela va Isareli.