YEHOSUA 3:14 - Embimbiliya - Bíblia Sagrada em Umbundu

¹⁴ Oco omanu va tunda kolombalaka viavo ha va yoka Yordão, kuenda ovitunda viambata ocikasa covisila va pita kovaso yomanu.

YEHOSUA 3:14 Iomraidhean Croise

OLOSAMO 132:8

Votoka, a Yehova, iñila vocipuyukilo cove, ove locikasia cunene wove.

YEREMIYA 3:16

Yehova wa linga hati, Noke eci vu licita kuenda wa lui vofeka, oco voloneke viaco ka va ka tukola vali ocikasa covisila ca Yehova, ka va ci sololola vali, ka va ci ivaluka vali, ka va ci kuatela vali ongeva, ka va ci tungi vali.

ESINUMUĨLO 31:26

Nyañuli elivulu lilo liovihandeleko. Li kapa konẽle yocikasia covisila via Yehova, Suku yene, okuti li linga ombangi yoku vu pisa.

VA HEVERU 9:4

Vohondo yaco yovokati mua kala ociyukilo culu cinsensu locikasa covisila ca lañiwa lulu kolonele viosi. Vokati kaco mua kala ombia yulu omu mua kapiwa mana, kuenda ombueti ya Arone yina ya yova, lovawe ocisila.

YEHOSUA 24:11

Wa yoki Yordão, yu weyi ko Yeriko. Omanu va Yeriko va liyaka lene, ndaño va Amori, la va Perisi, la va Kanana, la va Hiti, la va Girigasi, la va Hiwi, la va Yevusi. Kuenje nda va eca peka liene.

YEHOSUA 3:3

Va sapuila omanu vati, Eci vu mõla ocikasa covisila via Yehova Suku yene okuti ovitunda va Lewi va cambata, oco apa vu kasi vu tundapo, ho ci kuama.

YEHOSUA 3:6

Yehosua wa popia lovitunda, hati, Yeluli ocikasa covisila, piti kovaso yomanu. Oco va yelula ocikasa covisila, yu va pita kovaso yomanu.

YEHOSUA 6:6

Oco Yehosua, omõla a Nune, wa kovonga ovitunda, wa popia lavo hati, Yeluli ocikasa covisila. Ovitunda epanduvali viambate anguena epanduvali olombinga viovitupi, kuenje vi pite kovaso yocikasa ca Yehova.