YEHOSUA 3:1 - Embimbiliya - Bíblia Sagrada em Umbundu

¹ Yehosua wa pasuka omele ociteketeke, wa tunda ko Sitimi, eye kumue la va Isareli vosi. Va pitila ko Yordão, oko va lale osimbu ka va yokile handi.

YEHOSUA 3:1 Iomraidhean Croise

EFETIKILO 21:14

Avirahama yu wa pasuka ociteketeke, wa yelula ombolo lonjeke yovava, wa vi eca ku Hagare, wo vi tuika kocitãi, yu wo tundisa lomõla. Kuenje Hagare wa tunda, wa tungayala vekalasoko lia Bereseva.

EFETIKILO 22:3

Avirahama yu wa pasuka ociteketeke, wa mãlehisa ocimbulu caye, wambata vamue vavali pakuenje vaye, kuenda omõlaye Isake; wa tiaña olohui viocilumba coku pia elisi, wa katuka, wa enda okundeti Suku wo sapuila.

OLOSAMO 119:60

Njayulako, si tutuvala oku pokola kovihandeleko viove.

YEREMIYA 25:3

Tunde kunyamo wekũi latatu wa Yosiya, omõla a Amone, Soma ya Yuda, toke ketali lilo ca tẽla akũi avali kanyamo kanyamo atatu apa ondaka ya Yehova yeyaiya kokuange. Lame muẽle nda yi popia popia lene lolupili, ene puãi ka wa taveli oku njevelela.

YEREMIYA 26:5

loku yevelela kolondaka viakuenje vange ovaprofeto, vana nda tuma tuma kokuene lolupili ndaño ka wa va yeveli,

YEREMIYA 7:13

Yehova hati, Kaliye, omo wa lingi ovina evi viosi, lomo ka wa yeveleleli eci nda popia popia lene kuenje ka wa taveli eci ndo kovongi,

MIKA 6:5

Amanu vange, ivaluki eci Balaka, Soma ya Moavi, a pangele, leci Balama omõla a Beore, o kumbulula. Ivalukivo eci ca pita vonjila yoku tunda ko Sitimi oku enda ko Giligali, oco vu limbuke ovilinga via Yehova vioku popela.

ATENDELO 25:1

Osimbu va Isareli va kala ko Sitimi va fetika oku linga ukahonga lomãla vakãi va va Moavi.

MARKO 1:35

Omẽle ociteketeke osimbu ka kua cile, oco a pasuka, wa tunda, wa enda vekalasoko, kuenje omo a likutililila.

YEHOSUA 2:1

Yehosua, omõla a Nune, wa katula alume vavali ko Sitimi, wa va tuma uyombeki ndolondavululi, hati, Kuendi, kũlĩhisi ofeka kuenda Yeriko. Oco va enda, veya konjo yocipuepue cimue, onduko yaco Rahava, haiko va sikĩla.

YEHOSUA 6:12

Yehosua wa pasuka omele ociteketeke, kuenje ovitunda via yelula ocikasa ca Yehova.

YEHOSUA 6:15

Keteke liepanduvali, va pasuka omele kongula. Va ñuala imbo ndeci va lingainga ale, va ñualako olonjanja epanduvali. Te lika okuti keteke liaco va ñuala imbo olonjanja epanduvali.

YEHOSUA 7:16

Oco Yehosua wa pasuka omele ociteketeke. Wamisako va Isareli, epata lepata, Kuenje epata lia Yuda, olio lia tukuiwa.

YEHOSUA 8:10

Yehosua wa pasuka omele ociteketeke. Wa tenda omanu, kuenje eye kumue lakulu va Isareli va lamanela ko Hai, kovaso yomanu.

LIOLONGANJI 20:19

Va Isareli va tunda omele, yu va tungila Givea ocilombo.

I SAMUELE 17:20

Daviti wa pasuka ociteketeke, wa sia olomema lukuakutata, wambata okulia kuaco, wa enda ndeci Jese o sapuila. Wa pitila kocilombo eci olohoka via kala oku tundila oku yaka loku lihalisa lovisungo viovita.