YEHOSUA 24:16 - Embimbiliya - Bíblia Sagrada em Umbundu

¹⁶ Oco omanu va kumbulula vati, Ocisimilo coku yanduluka Yehova ha tu vumbi olosuku vikuavo, ci kale ocipãla letu.

YEHOSUA 24:16 Iomraidhean Croise

OLOSAMO 119:106

Nda lisinga kuenje nda ci kolisa, cokuti ndingainga ovihõlo viove viesunga.

VA ROMA 3:6

Oco hacoko. Momo, nda oco, Suku o tetuluila ndati oluali?

VA ROMA 6:2

Oco hacoko. Etu tua fa ale koku linga akandu, vekandu hẽ tu kalamo vali ndati lomuenyo?

YEHOSUA 22:29

Ka tua simile ale oku ñualelapo Yehova, loku pambuka koku kuama Yehova, etaili, ha tu tungi utala wovilumba vioku pia elisi, lovilumba violomema, lovilumba vikuavo, woku vandeka vali kutala wa Yehova Suku yetu, una o kasi kovaso yombalaka yaye.

YEHOSUA 24:15

Nda wa soki hoti, Oku vumba Yehova civi, oco noli etaili u vu yongola oku vumba, nda olosuku via vumbile olosekulu viene kesinya liolui, nda olosuku via va Amori vana wa tungi vofeka yavo. Puãi ame kumue lonjo yange, tu vumba Yehova.

YEHOSUA 24:17

Momo Yehova Suku yetu, eye wa tu upa kofeka yEgito, konjo yupika, etu kumue lolosekulu vietu. Haeye wa lingila ovilimbu evi vinene kovaso etu. Wa tu lava vonjila yosi tua endela, lopokati komanu vosi tua pita.

I SAMUELE 12:23

Kuenda vali ame, ci kale kupãla lame cokuti kovaso a Yehova ndinga ekandu lioku liweka oku vu likutilila. Ndu longisi onjila yocili haiyo yesunga.