YEHOSUA 23:6 - Embimbiliya - Bíblia Sagrada em Umbundu

⁶ Oco kolisiko muele oku lava loku linga cosi ca sonehiwa velivulu liovihandeleko via Mose, oco ko ka pambukimo ha wendi kondio pamue kepĩli.

YEHOSUA 23:6 Iomraidhean Croise

I OLOSOMA 2:3

Lava ocikundi ca Yehova Suku yove, loku endela volonjila viaye loku lava ovisila viaye lovihandeleko viaye lovihõlo viaye kuenda ovovangi aye, ndomo ca sonehiwa vovihandeleko via Mose, oco o sumuluhe kovina viosi o linga loku kuosi wendela.

OLOSAMO 101:3

Si kapi cimue cĩvi kovaso ange. Suvuka ovilinga viava va konyõha. Ka vi nambi.

OLOSAMO 119:102

Si pambuka kovihõlo viove, momo ove wa ndongisa.

YEREMIYA 9:3

Yehova hati, Va nãla alimi avo ndoku nãla olohonji. Uhembi wamamako vofeka, ocili hacoko. Momo va amako ño-o tunde kũvi toke kũvi, kuenje ka va ñulĩha.

I VA KORINDO 16:13

Lavululi. Tuameli vetavo. Kuati utõi. Kolisiko.

ESINUMUĨLO 12:32

Cosi hu sapuila o ci linga lutate. Ku ka vokiyeko cimue, ndaño oku tepululako.

ESINUMUĨLO 17:20

O lilongisavo oku litata okuti ka livelisapo eye muẽle loku sepula omanu vaye, kuenda vali, ka tundi kovihandeleko oku pambukila kondio pamue kepĩli. O litata okuti oloneke viaye levi viomãla vaye vi lua vusoma waye vo Isareli.

ESINUMUĨLO 28:14

Nda ku pambuka ndaño kondaka yimosi nda ku handeleka etaili, okuti oku pambukila kondio pamue kepĩli, loku kuama olosuku viñi loku vi vumba, Yehova o ku lingisa muẽle utue.

ESINUMUĨLO 5:32

Oco ci kapeli vutima oku linga ndeci Yehova Suku yene o handeleki. Ko ka pambukili kondio pamue kepĩli.

VA HEVERU 12:4

Vuyaki wene woku liyaka lakandu, ka wa yakeli handi toke osonde ya tunda.

ESITULUILO 21:8

Puãi vakuosumba, la vakualomata, la vakuevĩho, kuenda vakuakuponda, la vakuokahonga, la vakuakutaha, kuenda vakuaviteka, lolohembi viosi, vosi yavo va kuete ocikepa cavo vociva ci taima londalu lofuofuo. Ociva condalu oco okufa kuavali.