YEHOSUA 23:12 - Embimbiliya - Bíblia Sagrada em Umbundu

¹² Nda vu naleli konyima loku litokeka locisupe colofeka via supa ndeti pokati kene, kuenda nda vu likuelela, ho li tengi lavo, lovo ha va litengi lene,

YEHOSUA 23:12 Iomraidhean Croise

EFETIKILO 2:24

Oco ulume o sia isiaye la inaye hã ha litokeka lukãi waye, kuenje va linga etimba limuamue.

EFETIKILO 34:3

Utima waye wa leñelẽla Dina omõla a Yakoba; wa sola ufeko waco kuenje wo lembeleka.

I OLOSOMA 11:2

vakualofeka vina Yehova a popele la va Isareli hati, Ko ka endi pokati kavo lovo ka va keye pokati kene, momo ocili va laika oku tiamisa ovitima viene kolosuku viavo. Salomone wa likakatela lavo locisola.

I OLOSOMA 11:4

Momo, eci Salomone a kuka, akãi vaye va tiamisa utima waye kolosuku vikuavo, kuenje utima waye ka wa sungulukilile Yehova Suku yaye, ndeci utima wa isiaye Daviti.

OLOSAMO 125:5

Ava puãi va pambukila kolonjila viavo via penga, Yehova o va tundisila kumue lolondingohõle. Ku Isareli ku kale ombembua.

OLOSAMO 36:3

Olondaka viomela waye evĩho lelimbi. Wa liwekapo oku lunguka loku linga ciwa.

ISAYA 1:4

Afeka yakandu, amanu ve yuka olohole, ambuto yolondingaĩvi, amãla vahuku! Va pukula Yehova, va pembula U o kola wa Isareli, va tiukila konyima.

ESEKIELE 18:24

Puãi eci ukuesunga a sia onjila yaye yesunga loku linga evĩho lovina viosi viumbondo vina vi lingainga ondingãivi, o kala hẽ lomuenyo? Ovilinga viaye viesunga vina a lingaile ka vivalukiwa vali. O fila muẽle usuanji waye lakandu aye a linga.

SOFONIYA 1:6

Va tinduka koku kuama Yehova; ka vo sandi vali pamue oku u pula.

MATEO 12:45

Oco cenda, ci kopa ovilũlu vikuavo epanduvali via vĩha ca lua okuti catete ci sule, kuenje viñila loku tungamo, yu esulilo liomunu waco lĩvi, ndeci a kaile hise. Haico ci kala locitumbulukila cilo ca vĩha.

YOANO 6:66

Tunde opo va lua pokati koloñame viaye va tiukila konyima, kuenje ka va endaile vali laye.

VA ROMA 12:9

Ocisola ci kale cocili. Nyehuli eci cĩvi. Kakateli eci ciwa.

ESINUMUĨLO 6:15

momo Suku yove una o kasi love, okuti Yehova, eye Suku yesepa. Oco ku ka kuame olosuku viñi sanga onyeño ya Yehova, Suku yove, yi ku wengukila kuenje o ku nyõla kilu lieve.

ESINUMUĨLO 7:3

Ka ci tava oku likuela lavo okuti omãla vene akãi vu va eca komãla vavo alume, pamue omãla vavo akãi oku va kuelisa omãla vene alume.

ESINUMUĨLO 7:4

Momo nda oco vu linga va tindula omãla vene koku fendela ame ha va vumbi olosuku viñi. Kuenje nda oco onyeño ya Yehova nda yo wengukili, kuenje eye nda wo nyõli lombili.

YEHOSUA 23:11

Oco lilavi lutate, ho soli Yehova Suku yene.

I YOANO 2:9

U o linga hati, Ñasi vocinyi, kuenje o suvuka ukuavo, eye haimo a kasilili vowelema.

LIOLONGANJI 14:3

Kaliye ko njupili, ha lingi ukãi wange. Oco isiaye la inaye va popia laye vati, Oco nga, pokati kafeko va vangandiove lopokati komanu vetu vosi, ka pali ukãi? Ci yongola hẽ oku ka sanda ukãi koviyamba viaño va Filisiti? Puãi Samisone wa popia la isiaye hati, Ko njupile, momo eye wa njela kutima.

LIOLONGANJI 3:6

Va kuela omala vavo vakãi. Lomãla vavo vakãi va va kuelisa lomãla valume va va Kanana, kuenda va vumba olosuku viavo.