YEHOSUA 22:5 - Embimbiliya - Bíblia Sagrada em Umbundu

⁵ Cinene kuatiko oku linga lutate olondaka lovihandeleko vina Mose ukuenje wa Yehova o handelekeli, ho soli Yehova Suku yene, loku endela volonjila viaye viosi, loku lava ovihandeleko viaye, loku u kakatela, loku u vumba lutima wene wosi lomuenyo wene wosi.

YEHOSUA 22:5 Iomraidhean Croise

OLOSAMO 106:3

Ava va lingainga esunga, okuti va linga eci ca sunguluka olonjanja viosi, va sumũlũha.

OLOSAMO 78:7

Va ci linga okuti omãla vaco va imba ovaso ku Suku, kuenje ka va ivalako ovilinga via Suku, va pokola puãi kovihandeleko viaye,

ETUNDILO 15:26

Wa linga hati, Nda vu yevelela ocili kondaka ya yehova, Suku yene, loku linga eci co sunguluka, loku yevelela kovihandeleko viaye, loku lava ovisila viaye viosi, ovoveyi ana nda vetisa lao va Egito siu vetisi lao ene, momo ame ndi Yehova ndusakuli wene.

ETUNDILO 20:6

puãi sola locisola ka ci pongoloka olohulukãi viava va sole haivo va linga ovihandeleko viange.

ETUNDILO 23:13

Ovina viosi nda popia lene lunguki lavio. Ka ci tava oku tukula olonduko violosuku viñi. Ka vi ka yevalele vimẽla viene.

ETUNDILO 23:25

Vu vumba Yehova Suku yene, kuenje eye o sumũluisa ombolo yene lovava ene. Ndu wupi uvei.

OLOSAPO 4:23

Lava utima wove lepandi, omo kokuawo oko ku tunda olono viomuenyo.

ISAYA 55:2

Nye vu pesili olombongo kueci hakuliako, kuenda onganyu yupange wove kueci ka ci kutisa? Njeveleli lutate ho li eci ciwa, oco ovitima viene vi sanjuke lelau.

YEREMIYA 12:16

Kuenje ci kala okuti, nda va lilongisa ovituwa viomanu vange loku lisinga londuko yange vati, Ndomo Yehova a kasi lomuenyo, ndeci ale va longisile omanu vange oku lisinga la Baale, oco noke va tungisiwa pokati komanu vange.

MATEO 22:37

Yesu wo kumbulula hati, Sola Ñala suku yove lutima wove wosi lomuenyo wove wosi lolondunge viove viosi.

MATEO 4:10

Oco Yesu wa popia lalio hati, A Satana, tundapo, momo ca sonehiwa citi, Fendela Yehova Suku yove, eye lika o vumba.

MATEO 6:24

Lomue o tẽla oku vumba vacime vavali, momo pamue umue u suvuka lukuavo u sola, pamue o sumbila umue lukuavo u lavisa. Ko tẽla oku vumba Suku kuenda ukuasi.

LUKA 1:74

okuti etu, eci tu popelua povaka ovanyali vetu, tu u vumba, usumba lakamue,

YOANO 12:26

Nda umue o mbumba, a ñuame, kuenje oko ñasi haiko u o mbumba a kala. Nda umue o mbumba Isia u sumbila.

YOANO 14:15

Nda vu sole ame, pokoli kovihandeleko viange.

OVILINGA 11:23

Eye, eci a pitila kuenje wa mola ocali ca Suku, oco wa yolela, yu wa va vetiya vosi hati, Kakateli Ñala locipango cutima.

OVILINGA 27:23

Momo uteke wetali kua nukulukila ungelo wa Suku yange u ndi vumba.

VA ROMA 1:9

Suku una mbumba lutima wange wosi vupange woku sapula ondaka yiwa y'Omõlaye, eye ombangi yange okuti ndu tukoli olonjanja viosi volohutililo viange.

VA ROMA 12:9

Ocisola ci kale cocili. Nyehuli eci cĩvi. Kakateli eci ciwa.

VA ROMA 8:28

Tua kũlĩha okuti ava va sole Suku, haivo va kovongiwa ndeci Suku a panga, Suku o talavaya lavo vovina viosi oku va sumũlũisa.

ESINUMUĨLO 10:20

Sumbila Yehova, Suku yove, loku u vumba, eye u kakatela, loku lisila londuko yaye.

ESINUMUĨLO 11:1

Oco sola Yehova Suku yove, loku lava ocikundi covisila viaye, lovihõlo viaye, lovihandeleko viaye, oloneke viosi.

ESINUMUĨLO 11:13

Kuenje nda vu pokola kovihandeleko viange, evi ndu handeleki etaili, vioku sola Yehova, Suku yene, loku u vumba lutima wene wosi, lomuenyo wene wosi,

ESINUMUĨLO 11:22

Momo, nda vu telisa ocili ocikundi cilo cosi ndo ci kundiki, okuti vu sola Yehova, Suku yene, kuenje wendeli volonjila viaye viosi, loku likakatela laye,

ESINUMUĨLO 13:4

Kuami Yehova, Suku yove, loku u sumbila. Pokola kovihandeleko viaye, loku sumbila ondaka yaye. Eve muẽle o vumba, loku kakatela kokuaye.

ESINUMUĨLO 4:29

Puãi haiko vu vanjiliyila Yehova Suku yene kuenje nda vu u vanjiliya lutima wene wosi lomuenyo wene wosi vu u sanga.

ESINUMUĨLO 4:4

Puãi ene wa kakateli Yehova, Suku yene, vosi wu kasi lomuenyo etaili.

ESINUMUĨLO 4:6

Vi patekeli loku vi linga, momo poku vi linga opo vu lekisa olondunge viene kuenda ukulĩhĩso wene komanu vaco. Eci va yeva ovisila evi viosi, va linga vati, Ocili, epata linene eli, omanu vaco vakualondunge haivo vakuokulĩhĩso.

ESINUMUĨLO 4:9

Cinene ceci, lunguki, tati ciwa ovitima viene sanga wivali ovina ovaso ene a mõla, kuenje vi tunda vovitima viene oloneke viosi viomuenyo wene. Vi sapuili omãla vene kuenda omãla vomãla vene,

ESINUMUĨLO 5:10

puãi sola locisola ka ci pongoloka olohũlũkai viava va sole haivo va lingainga ovihandeleko viange.

ESINUMUĨLO 6:17

O pokola lepandi kovihandeleko via Yehova Suku yove. O linga ovisila viaye lovihõlo viaye ndeci a ku sapuila.

VA HEVERU 12:15

Lavululi sanga umue o lipumbisa ohenda ya Suku. Kali lutate sanga olumbombo lumue lu koka oku lula lu yova, kuenje lu tatamisa, okuti va lua va vĩhisua laluo.

TIAGO 1:12

Omunu o pandikisa lohali wa sumũlũha, momo, eci a yula, o tambula ekolowa liomuenyo lina Suku a likuminya oku eca kuava vo sole.

TIAGO 2:5

A vamanjange va soliwa, yeveleli. Suku he, ka nolelele olosuke violuali okuti vi linga olohuasi viekolelo loku lingavo vakapiñala kusoma a likuminya oku eca kuava vo sole?

YEHOSUA 23:8

Puãi kakateli Yehova Suku yene, ndeci wa lingi toke etaili lilo.

ESITULUILO 15:3

kuenje va imba ocisungo ca Mose, ukuenje wa Suku, locisungo ca Kameme, vati, A Yehova Suku Tõlo, ovilinga viove vinene, kuenda vi komohisa cimue. A Soma yolofeka, olonjila viove via suñama kuenda viocili.

I SAMUELE 12:20

Samuele yu wa popia lomanu hati, Ko ka kuati usumba, ocili wa lingi evĩho eli liosi, haimo lumue, ko ka liweki oku kuama Yehova, puãi vumbi Yehova lutima wene wosi.

I SAMUELE 12:24

Cinene oku vumba Yehova loku u vumba ocili lutima wene wosi. Ivaloki ovina vinene o lingili.

I SAMUELE 7:3

Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.