YEHOSUA 2:9 - Embimbiliya - Bíblia Sagrada em Umbundu

⁹ Wa popia lalume vaco hati, Nda kũlĩha okuti Yehova wa wihi ofeka. Vosi yetu tu vu kuetele onguele, kuenda vosi vakuafeka va soyela kovaso ene.

YEHOSUA 2:9 Iomraidhean Croise

EFETIKILO 35:5

Osimbu va enda ungende wavo ocinjoko ca Suku ca kuata ovaimbo a lisungue lavo, okuti ka va landuile vali omãla va Yakoba.

II SAMUELE 17:10

Oco, ndaño omunu onope, haeye o kasi lutima ndu wohosi, o sengeteta. Momo va Isareli vosi va kũlĩha okuti so onope. La vosi va kasi laye lavovo olonope.

II OLOSOMA 5:15

Namana wa tiukila komunu wa Suku, eye kumue lendo liaye liosi. Weya kuenje wa talama kovaso aye, wa popia hati, Tala, kaliye nda kulĩha okuti kilu lieve liosi ka kuli Suku, te kIsareli lika. Oco kaliye, hu pinga, tambula ombanjaile kukuenje wove.

II OLOSOMA 7:6

Momo olohoka via va Suria Yehova wa vi yevisile onjuvungo yakalu lonjuvungo yotuvalu, ndonjuvungo yolohoka vinene. Oco va livangula pokati vati, Ota, Soma ya Isareli wa fetela olosoma via va Hiti lolosoma via va Egito ha vi tu undumuhila.

NEHEMIYA 6:16

Kuenje eci ovanyali vetu vosi va ci yeva oco olofeka via tu ñuala via sakalala ca lua, kuenje via liketisa ca lua, momo va limbuka okuti upange waco wa lingiwa lekuatiso lia Suku yetu.

ESTER 8:17

Kuenje volofeka viosi lovovaimbo osi omu mua yevala ondaka ya Soma locihandeleko caye, va Yudea va kala lesanju lonjolela lofesta kuenda oloneke viepuyuko. Kuenje omanu va lua vakuafeka va litukula vati, Tu va Yudea, momo usumba wa va Yudea wa va kuata.

YOVI 19:25

Momo ame ndi ci okuti Onjovoli yange o kasi lomuenyo, kuenje kesulilo iya kilu lieve.

OLOSAMO 112:10

Ondingaĩvi o ci mõla, kuenje o sumua. O likeleketa ovayo aye, o sengeteta. Onjongole yondingaivi yi nyõleha.

OLOSAMO 115:16

Ilu lia Yehova, ongongo puãi wa yeca komãla vomanu.

ETUNDILO 18:11

Kaliye nda kulĩha okuti Yehova wa piãla, olosuku viosi vi sule, omo wa popela omanu peka lia va Egito eci va va talisa ohali.

ETUNDILO 23:27

Ndu pitisili kovaso ocinjoko cange. Vakualofeka viñi viñi ene vu vi katukila ame ndi va lulumisa. Ovanyali vene vosi ndi va imbisa kokuene olonyima.

UKUNDI 8:12

Ndaño ondingekandu yi lueya ocita colonjanja kuenje omuenyo waye wamamako ño, haimo ndi ci okuti ava va sumba Suku va kala ciwa omo va kasi kovaso aye lesumbilo.

ISAYA 19:1

Ocitumasuku ca tumiwĩla Egito. Ota, Yehova o kasi loku endela velende liolupesi, kuenje iya ke Egito; oco oviteka vie Egito viu lulumĩla kuenda utima wa va Egito u yenguluka vokati kavo.

ISAYA 23:5

Eci ondaka yi yevala ve Egito va sumua enene oku yeva ndomo ca pita la Turo.

YEREMIYA 27:5

Ame nda sovola ongongo kuenda omanu lovinyama viosi vi kasi kilu lieve. Nda vi sovola longusu yange ya lua kuenda okuokuo kuange kuo olõha, kuenje ndi vi eca ku wosi ndimbuka okuti vio sungulukila.

NAHUMI 2:10

Haku nyõlẽhako! Hekunduko! Cosi ca siala upolokoso. Ovitima via fa. Olongolo vi luluma. Oviongo via teka. Lovipala viosi via pongoloka.

ATENDELO 20:14

Eci Mose a kala ko Kadesi wa tuma olomunga kosoma ye Edome, hati, Manjove Isareli wa popia, hati, Wa kulĩha ohali yetu yosi.

ATENDELO 20:24

Arone enda kolosekulu viaye. Omo wa sini ondaka yange kovava a Meriva, oco ka iñilila vofeka nda eca ku va Isareli.

MATEO 20:15

Ka ci tava hẽ, ame oku linga ndeci manga levi viange? Ca ku kokela hẽ ocikupe omo nda linga ohenda?

ESINUMUĨLO 11:25

Lomue omunu o tẽla oku tamalala lene. Yehova, Suku yene, o lingisa usumba kuenje o yokokisa ofeka yosi vu liatelako ndeci a likuminya lene.

ESINUMUĨLO 2:25

Etaili muẽle fetika oku kapa onguele lusumba vovitima viomanu vosi va kasi vemẽhi lilu. Vo kuateli ene usumba. Eci va yeva oluhimo luene vo yokokeli loku u lulumili.

ESINUMUĨLO 28:10

Lapata osi o kilu lieve va limbuka okuti wa lukiwa londuko ya Yehova, kuenje va ku kuatela usumba.

ESINUMUĨLO 32:8

Eci Tõlo amũla ovipiñalo kapata, leci a tepisa omanu ha va lingi olofeka, oco wa kapela omanu olongave via soka lowiñi womala va Suku.

VA HEVERU 11:31

Rahava, ukuakahokolo, omo a kala lekolelo, oco ka nyõlehelele kumue lava va sina, momo wa laleka olondavululi lombembua.

YEHOSUA 2:11

Eci tua ci yeva, haico ovitima vietu via soya. Oku yeva oluhimo luene lomue vali pokati ketu wa kala lutõi. Momo Yehova Suku yene, eye Suku kilu liovailu la palo posi.

YEHOSUA 2:24

Va popia la Yehosua vati, Ocili, Yehova wa eca ofeka yosi povaka etu, ndaño muẽle vakuafeka yaco, vosi va tu soyela.

YEHOSUA 2:8

Osimbu alume ka va pekelele handi, Rahava weya kokuavo kolusoka.

YEHOSUA 5:1

Olosoma viosi via va Amori vana va kala kutakelo wa Yordão, lolosoma viosi via va Kanana va lisungue lokalunga, eci vai yeva ndomo Yehova a takatisilile ovava a Yordão kovaso a va Isareli toke tua yoka, oco ka va kaile vali lutõi, ovitima viavo via soyela va Isareli.

YEHOSUA 6:2

Yehova wa popia la Yehosua, hati, Tala, nda eca Yeriko peka liove, losoma, yaco lalume vaco va pama vakuotõi.

YEHOSUA 9:10

leci cosi a linga lolosoma vivali via va Amori, via kala kesinya lia Yordão, Sihoni, Soma ya Hesibone, la Oge, Soma ya Basiane wa kala kAsitarote.

YEHOSUA 9:24

Va kumbulula Yehosua, vati, Akuenje vove va va sapuila ndomo Yehova Suku yove a handelekele ukuenje waye Mose oku wihi ofeka yosi loku kundula kovaso ene olonungi viosi viofeka. Oco tuo yokokeli cimue, tua kuata ohele yovimuenyo vietu, kuenje tua linga ocina eci.

YEHOSUA 9:9

Va popia laye vati, Akuenje vove va tunda kofeka yi pãla calua. Veyilila onduko ya Yehova Suku yove, momo tua yeva oluhimo luaye, leci cosi a linga vEgito,

LIOLONGANJI 7:14

Ukuavo wo kumbulula hati, Oyo osipata ya Gideone muẽle, omõla a Yoasi, ulume umue u Isareli, lacimue vali cikuavo. Peka liaye opo Suku a eca Midiane lolohoka viaco viosi.