YEHOSUA 2:24 - Embimbiliya - Bíblia Sagrada em Umbundu

²⁴ Va popia la Yehosua vati, Ocili, Yehova wa eca ofeka yosi povaka etu, ndaño muẽle vakuafeka yaco, vosi va tu soyela.

YEHOSUA 2:24 Iomraidhean Croise

ETUNDILO 15:15

Oco olosoma via Edome via yokoka. Akulu va Moavi va luluma. Olonungi viosi via Kanana via yenguluka.

ETUNDILO 23:31

Ndu setekeli ongave yene tunde ko Kalunga Kakusuka toke ko Kalunga ka va Filisiti, kuenje tunde kekango toke kolui Ferati. Ngeca povaka ene vakuafeka yaco kuenje ene vu va lupuisa.

OLOSAPO 25:13

Ndeci ombambi yocikokoto yi kavuluisa omunu kotembo yoku ungula, haico omunga yocili kokuava vo tuma, yi kavuluisa ovitima via vacime caye.

YEHOSUA 1:8

Elivulu eli liovihandeleko ka li ka tunde komela wove, puãi li sokolola utanya luteke, hu lingi lutate cosi ca sonehiwamo. Momo oco onjila yove yi sumuluha, leci o linga ci ku enda ciwa.

YEHOSUA 2:23

Oco alume vaco vavali va tiukila. Va loka komunda, yu va yoka, kuenje veya ku Yehosua, omõla a Nune. Vo sapuila cosi ca va sanga.

YEHOSUA 5:1

Olosoma viosi via va Amori vana va kala kutakelo wa Yordão, lolosoma viosi via va Kanana va lisungue lokalunga, eci vai yeva ndomo Yehova a takatisilile ovava a Yordão kovaso a va Isareli toke tua yoka, oco ka va kaile vali lutõi, ovitima viavo via soyela va Isareli.

YEHOSUA 6:2

Yehova wa popia la Yehosua, hati, Tala, nda eca Yeriko peka liove, losoma, yaco lalume vaco va pama vakuotõi.

YEHOSUA 8:1

Yehova wa popia la Yehosua, hati, Ku ka kuate usumba, ku ka yokoke. Kuenda lalume vosi vakuavita. Katuka, lamanela ko Hai. Tala, nda eca peka liove osoma ya Hai, lomanu vaye, limbo liaye, lofeka yaye.

LIOLONGANJI 1:2

Yehova wa kumbulula hati, Yuda eye o katuka. Tala, ofeka yaco nda yeca peka liaye.

LIOLONGANJI 18:10

Eci wendi, vu ka sanga omanu va lipola. Ofeka ya tanda, kuenda Suku wa yeca povaka ene. Kovina viosi viokilu lieve, lacimue ca kamba vofeka yaco.

LIOLONGANJI 7:9

Uteke waco, Yehova wa popia laye hati, Katuka, tundila ocilombo, momo nda ceca peka liove.