YEHOSUA 18:7 - Embimbiliya - Bíblia Sagrada em Umbundu

⁷ Puãi va Lewi pokati kene ka va kuetepo onepa. Momo utunda wa Yehova, owo ocipiñalo cavo. Gadi la Ruvene lonepa yepata lia Manase va tambula ale ocipiñalo cavo kesinya lia Yordão, kutundilo, cina Mose ukuenje wa Yehova a va ĩha.

YEHOSUA 18:7 Iomraidhean Croise

ATENDELO 18:20

Kuenje Yehova wa popia la arone hati, Ku sangi ocipiñalo vofeka yavo, ndaño onepa yimue pokati kavo ku kuata. Ame muẽle ndinepa yove haime ndicipiñalo cove pokati ka va Isareli.

ATENDELO 18:23

Puãi va Lewi va linga upange wovombalaka yoku ñualehela la Yehova kuenje va kala locikele cepiso liovina via kamba. Ci linga ocisila ka ci pui kovitumbulukila viene viosi. Pokati ka va Isareli ka va kala locipiñalo.

ATENDELO 18:7

Ove lomãla vove vu kala lovikele viutunda wene kuenje vu linga ovina viosi vi tiama kutala levi vi kasi vokati kongumbo. Owo upange wene. Ene muẽle nda wihi ocikundi cupange u. Umue wiñi nda amẽlako ipaiwa.

ESINUMUĨLO 10:9

Oco Lewi ka kuata onepa ndaño ocipiñalo ndeci vamanjaye. Yehova eye ocipiñalo caye, ndeci Yehova, Suku yene, a popia laye.

YEHOSUA 12:6

Mose, ukuenje wa Yehova, kumue la va Isareli, va va yula. Kuenje ofeka yavo, Mose, ukuenje wa Yehova, wa yeca ku va Ruvene la va Gadi, lokonepa yepata lia Manase, ha yi lingi yavo.

YEHOSUA 13:33

Puãi epata lia Lewi, Mose ka lihile ocipiñalo. Yehova Suku ya Isareli, eye ocipiñalo cavo, ndomo a va ci popele.