YEHOSUA 18:16 - Embimbiliya - Bíblia Sagrada em Umbundu

¹⁶ Noke ongave yaco ya lokila konele yomunda ya lisuñama locimbota comola a Hinoma, haiyo yi kasi ko Norte yocimbota ca Refaimi. Ya lokila kocimbota ca Hinoma, ko Sul ya va Yevusi, toke kEnrogele.

YEHOSUA 18:16 Iomraidhean Croise

II SAMUELE 17:17

Kaliye Yonatão la Ahimasi va talamela ve Enrogeli. Ufeko umue wa endaenda oku va sapowaila. Oco ovo va endaenda oku sapowaila Soma Daviti. Omo ka ca tavele okuti ovo va muiwa oku iñila vimbo.

II SAMUELE 5:18

Va Filisiti veya, va lisanduila vocimbota ca Refaimi.

I OLOSOMA 1:9

Adoniya yu wa ipaila olomeme lolongombe lolonale via neta, kewe lia Soheleti lina li kasi kEnrogele. Wa laleka vamanjaye vosi omãla va Soma, kuenda alume vosi va Yuda akuenje va Soma.

II OLOSOMA 23:10

Soma wa vihisa Tofete yi kasi vocimbota ca va Hinomi, oco lomue ka ka yoke vali vondalu omolaye ulume pamue omolaye ukãi ho lumbila Moleke.

I ASAPULO 14:9

Va Filisiti veya, va pakasa ocimbota ca Refaimi.

II ASAPULO 28:3

Kuenda vali wa timiha insensu vocimbota comõla a Hinoma, loku yoka omãla vaye vondalu, ndumbondo wavakualofeka, vana Yehova a tundisile kovaso a va Isareli.

II ASAPULO 33:6

Wa yokela omãla vaye ndocilumba vocimbota comõla a Hinoma. Wa pilola, wa taha taha, wa kala lovombanda, wa talavaya lakualondele lolonganga. Wa linga evĩho lialua kovaso a Yehova, loku wengula onyeño yaye.

ISAYA 30:33

Utala wa pongiyiwa ale osimbu, wa pongiyiwila osoma, wa longa haiwo wa sanjavala. Ondalu yaco yinene lolohui via lua. Okufuima kua Yehova, kuna kua linga ndolui luofuofuo, oku ku yi siakãla.

YEREMIYA 19:11

O popia lavo huti, Ca popia Yehova Ukualohoka ceci, hati, Ndeci umue a ipãla ocikuata cotuma okuti ka ci tava oku ci sakula vali haico njipa omanu vo vimbo lilo. Va kenda ovivimbi vekungu lia Tofete omo ka ku li vali apa va kendela.

YEREMIYA 19:2

oco tunda, kuende kekungu liomãla va Hinome li kasi keñilĩlo liombundi yoviyo, oko o ka sapuila olondaka ndu ku ĩha.

YEREMIYA 19:6

Oco Yehova wa popia hati, Tala! Ku iya oloneke okuti ocitumãlo cilo ka ci tukuiwa vali, Tofete, pamue Ekungu liomãla va Hinome, puãi ci tukuiwa Ekunguliepondelo.

YEREMIYA 32:35

Va tungila Baale ovotala vekungu liomõla a Hinoma ha va lumbila Moleke omãla vavo valume lomãla vavo vakãi. Va linga ocina eci cumbondo haico ca lingisa Yuda ekandu. Va ci linga muẽle ndaño ame sia ci tumĩle, kuenje ocisimilo caco ka ca leya vutima wange.

YEHOSUA 15:63

Puãi omala va Yuda ka va tẽlele oku tundisa va Yevusi, olonungi via Yerusalãi. Oco va Yevusi va tunga kumue lomala va Yuda vo Yerusalãi, toke etaili lilo.

YEHOSUA 18:28

Cela, Elefe, Yevusi, hailio Yerusalãi, Givea, Kiriyata. Ovaimbo ekui la akuãla kumue lovikanjo viao. Eci oco ocipiñalo ca va Benjamini ndapata avo.

LIOLONGANJI 1:21

Puãi va Benjamini ka va tundisile va Yevusi vana va tunga vo Yerusalãi. Oco va Yevusi va tunga kumue la va Benjamini vo Yerusalãi, toke etaili lilo.

LIOLONGANJI 1:8

Va Yuda va yaka la Yerusalãi, yu va li kuata kuenje va li kundula lomela wosipata. Imbo liaco va limba ondalu.

LIOLONGANJI 19:10

Puãi ulume ka tavele oku lala vali. Wa katuka, wa enda, wa pitila ko Yevusi, haiyo Yerusalãi. Wa kala lovimbulu vivali via walisiwa oviveleko, kuenda ukama waye wa kalavo laye.