YEHOSUA 18:1 - Embimbiliya - Bíblia Sagrada em Umbundu

¹ Va Isareli vosi va liongoluila ko Silo, kuenje oko va tamuluila ombalaka yoku ñualehela la Yehova. Ofeka ya pokola kokuavo.

YEHOSUA 18:1 Iomraidhean Croise

II SAMUELE 7:6

Sia la kala vonjo tunde keteke ndopa va Isareli ke Egito toke ketali lilo. Puãi pokuñualañuala kuange, ombalaka oyo ya linga onjo yange yoku kala.

I OLOSOMA 14:2

Yerevoama wa popia lukãi waye hati, Hu pinga, katuka, liviaviaya, oco ku ka limbukiwe ndukãi wa Yerevoama. Kuende ko Silo. Tala, ku kasi uprofeto Ahiya, una wa sapuilile okuti ame ndinga Soma yomanu ava.

I OLOSOMA 14:4

Ukãi wa Yerevoama wa ci linga. Wa katuka yu wa enda ko Silo kuenje weya konjo ya Ahiya. Ahiya puãi ka lete vali. Ovaso aye a vuvala momo wa kuka.

I OLOSOMA 2:27

Oco Salomone wa tundisa Aviatare komangu yaye yutunda wa Yehova, ha telisa ondaka ya Yehova, yina a popelele epata lia Eli ko Silo.

NEHEMIYA 9:24

Oco omãla vavo va iñilamo, va kuata ofeka yaco, kuenje ove wa va yulisa. Va yula olonungi viofeka okuti va Kanana, lolonungi viaco wa vi eca peka liavo, kumosi lolosoma viavio lomanu vavio, okuti va linga lavio ndeci va panga.

OLOSAMO 78:60

Oco wa yanduluka otavernakulo yoko Silo, haiyo ombalaka a tungisa pokati komanu.

OLOSAMO 78:66

Wa sandula ovanyali vaye. Wa va muisa efuki ka li pui.

YEREMIYA 26:6

oco ndinga lonjo eyi ndeci nda linga la Silo. Limbo lilo ndi li linga esiñalo liolofeka viosi viokilu lieve.

YEREMIYA 26:9

Nye wa popela ocitumasuku vonduko ya Yehova huti, Onjo yilo yi linga nda Silo, kuenda imbo lilo li linga elunda, lomue o tungamo vali? Kuenje omanu vosi vongolokela Yeremiya vonjo ya Yehova.

YEREMIYA 41:5

oco kueya akui ecelãla kalume va tunda ko Siekeme, kuenda ko Silo, loko Samaria. Alume vaco va lipemula olonjele, kuenda olonanga viavo via toka toka, latimba avo a tandiwa. Vambata ovilumba viosema kuenda insensu vioku tuala konjo ya Yehova.

ATENDELO 32:22

kuenje ofeka yi yulisa kovaso a Yehova, oco wu tiuka noke kuenje wu yovoka kovaso a Yehova lokovaso a va Isareli. Lofeka yilo yi linga yene kovaso a Yehova.

OVILINGA 7:45

Olosekulu vietu via yi tambula kuenje via enda layo eci via iñila kumue la Yehosua volofeka viomanu Suku a tundisila kovaso olosekulu vietu. Haimo ya kala toke koloneke via Daviti.

YEHOSUA 18:2

Pu va Isareli, pa siaile apata epanduvali ka a tepelelue handi ocipiñalo cao.

YEHOSUA 18:8

Oco alume va katuka, kuenje va enda. Yehosua wa kundika ava va enda oku soneha ofeka, hati, Kuendi, ka nyuli ofeka, yi sonehi ndomo yi kasi, noke tiuki vali kokuange, kuenje ndu wimbili ocela kovaso a Yehova, ko Silo.

YEHOSUA 19:51

Evi ovio ovipiñalo via tepa tepa ocitunda Eleasara, la Yehosua, omõla a Nune, kumue lakulu vapata a va Isareli. Va ci linga locela kovaso a Yehova, ko Silo, kuvelo wombalaka yoku ñualehela la Yehova. Oco va malusula oku tepa tepa ofeka.

YEHOSUA 21:2

Va vangula lavo ko Silo, vofeka ya Kanana, vati, Yehova wa sapula lomela wa Mose oku tu iha ovaimbo ha tu tumalamo, kumue lovisenge viao ha mu lila oviunda vietu.

YEHOSUA 22:12

Eci va Isareli va ci yeva, oco va Isareli vosi va liongoluila ko Silo, ha va katuka oku yaka lavo.

YEHOSUA 22:19

Nda ofeka yene ya viha, yokili vofeka ya Yehova, muna muli ombalaka ya Yehova, oco vu tunge pokati ketu. Puãi ko ka ñualelipo Yehova pamue oku tu ñualelapo etu, loku litungila utala wiñi, loku siapo utala wa Yehova Suku yetu.

YEHOSUA 22:9

Va Ruvene la va Gadi lonepa yepata lia Manase va tiukila, va litepa la va Isareli ko Silo, vofeka ya Kanana, ha va endi kofeka ya Gileada, kofeka yavo muẽle, yina va tambuile, ndeci ca handelekele Yehova lomela wa Mose.

LIOLONGANJI 18:31

Oco va litumbikila ociñumañuma ca songiwa, cina ca tunga Mika, otembo yosi onjo ya Suku ya kala ko Silo.

LIOLONGANJI 21:12

Pokati kolonungi via Yavesi Gileada, va sangapo ovita vikuãla viafeko olosombolua, ka va la kuliha ulume loku pekela laye. Va va nena kocilombo ko Silo, yi kasi vofeka ya Kanana.

LIOLONGANJI 21:19

Va popia vati, Tala, unyamo kunyamo kuli ofesta yimue ya Yehova ko Silo, yi kasi ko Norte ya Betele, kutundilo wonjila yi tunda ko Betele, yi lamanela ko Sekeme, ko Sul ya Levona.

I SAMUELE 1:24

Oco, eci wo sumula wa enda laye, wambatavo ongombe yanyamo atatu lefa limosi liosema locipa covinyu. Wo tuala konjo ya Yehova ko Silo. Lomõlaco omõla muele.

I SAMUELE 1:3

Ulume waco, ulima kulima, wa tunda tunda kimbo liavo ha lamana ko Silo oku fendela loku lumbila Yehova yolohoka ovilumba. Ovitunda via Yehova kotembo yaco, Hafeni la Finehase, omãla va Eli.