YEHOSUA 16:10 - Embimbiliya - Bíblia Sagrada em Umbundu

¹⁰ Haimo lumue ka va tundisile va Kanana va kala vo Gesere. Oco va Kanana va tumãla pokati ka va Efarimi toke etaili lilo, puãi va linga apika voku linga upange wocikisika.

YEHOSUA 16:10 Iomraidhean Croise

I OLOSOMA 9:15

Ca kala ndomo cina Soma Salomone a konga vakuopange wocikisika, ha va tungi onjo ya Yehova lonjo yaye muẽle la Milo locimbaka ca Yerusalãi la Hasore la Megido la Gesere.

I OLOSOMA 9:16

Fareo soma yEgito wa tundile oku ka kuata imbo lia Gesere, yu wa li yoka londalu kuenje wa ipa va Kanana vana va tungile vimbo, yu wa li eca ndombanjaile komolaye ukãi haeye ukãi wa Salomone.

I OLOSOMA 9:21

omãla vavo vana va sialele vofeka, haivo va Isareli ka va telele oku kundula pe, Salomone wa va konga ha va lingi apika toke etaili lilo.

II ASAPULO 8:8

omãla vavo vana va sialele vofeka haivo va Isareli ka va kunduile, Salomone wa va konga ha va lingi apika toke etaili lilo.

YEHOSUA 10:33

Oco Horama, Soma ya Gesere, weya oku kuatisa Lakisi. Yehosua wo yula kumue lomanu vaye, toke lomue o supisilapo.

YEHOSUA 15:63

Puãi omala va Yuda ka va tẽlele oku tundisa va Yevusi, olonungi via Yerusalãi. Oco va Yevusi va tunga kumue lomala va Yuda vo Yerusalãi, toke etaili lilo.

YEHOSUA 16:9

Va Efarimi va kalavo lovaimbo a va tepelua vocipiñalo ca va Manase, ovaimbo aco osi kumue lovikanjo viao.

YEHOSUA 17:12

Haimo lumue va Manase ka va telele oku kuata ovaimbo aco, oco va Kanana va lamelela vofeka yaco.

YEHOSUA 17:13

Eci va Isareli va kuata ongusu, va kapa va Kanana kupange wocikisika, puãi ka va va tundisile pe.

LIOLONGANJI 1:29

Efarimi ka tundisile va Kanana vana va tunga ko Gesere. Puãi va Kanana va tunga pokati kavo ko Gesere.