YEHOSUA 15:11 - Embimbiliya - Bíblia Sagrada em Umbundu

¹¹ Ongave yaco ya enda toke konele yo Norte yomunda Ekirone, Noke ya konda ko Sikerone, yu ya pita komunda Baala, kuenje ya loña ko Yavinele. Noke ya sulila vokalunga.

YEHOSUA 15:11 Iomraidhean Croise

II OLOSOMA 1:16

Wa popia laye hati, Ca popia Yehova ceci, hati, Ka kuli nga Suku kIsareli hu puliliya ondaka yaye? Oco, omo wa tumile olomunga hu puliliya Baale Sevuvu, suku ya Ekirone, pula wa pekela ndeti, ku tundipo vali, puãi o fa muẽle.

II OLOSOMA 1:6

Va popia laye vati, Ulume umue wa ñualẽhẽla letu, yu wa popia letu hati, Kuendi, tiukili ku Soma una wo tumili, popi laye hoti, Ca popia Yehova ceci, hati, Ka kuli nga Suku kIsareli eci wa tuma ndeti oku puliliya ku Baale Sevuvu, suku ya Ekirone? Oco pula wa pekela ndeti, ku tundipo vali, puãi o fa muẽle.

II ASAPULO 26:6

Wa tundila oku yaka la va Filisiti. Wa lundula ocimbaka ca Gati, locimbaka ca Yavine, locimbaka ca Asidode. Wa tunga ovaimbo vofeka ya Asidode kuenda pokati ka va Filisiti.

ATENDELO 34:6

Ulilo wokutakelo, okalunga kanene ka linga ulilo waco; haiko ulilo wene wokutakelo.

YEHOSUA 15:10

Oku tunda ko Baala, ongave yaco ya ñualela komunda Seire, ya pita konele yo Norte yomunda Yeari, haiyo Kesalone, kuenje ya lokila ko Bete Siemese, yu ya vambala ko Timina.

YEHOSUA 15:12

Okalunga kanene oko ka linga ongave yokutakelo. Evi ovio olongave via ñuala va Yuda, ndapata avo.

YEHOSUA 15:45

Ekirone kumue lovaimbo lovikanjo viaco.

YEHOSUA 15:9

Oku tunda kilu liomunda, ongave yaco ya loña kono yovava a Nefitoa, noke ya enda toke kovaimbo okomunda ya Efirone, Kuenje ya konda ko Baala, haiyo Kiriyata Yeari.

LIOLONGANJI 1:18

Yuda wa kuatavo Gasa kumue lovisenge viaco, la Asikelone kumue lovisenge viaco, la Ekirone kumue lovisenge viaco.

I SAMUELE 17:52

Oco alume va Isareli lava va Yuda va votoka lonjuvungo kuenje va lupuisa va Filisiti toke ko Gati kuenda kolombundi vioke Ekirone. Olongase via va Filisiti via kupukila vonjila tunde ko Siare toke ko Gati loke Ekirone.

I SAMUELE 5:10

Oco va tuma ocikasia ca Suku ke Ekirone. Puãi eci ocikasia ca Suku ceya ke Ekirone oco va Ekirone va vilikiya vati, Va tu nenela ocikasia ca Suku ya va Isareli ha ci tu ipãla etu lomanu vetu.

I SAMUELE 5:8

Oco va tuma oku ongolola olosungu viosi via va Filisiti, vati, Tu linga nye locikasia ca Suku ya va Isareli? Va kumbulula vati, Ocikasia ca Suku ya va Isareli va ka ci tuale ko Gati. Oco va tualako ocikasi ca Suku ya va Isareli.

I SAMUELE 7:14

Ovaimbo osi a va Isareli, ana a kuatiwile la va Filisiti, a tiukila ku va Isareli tunde ke Ekirone toke ko Gadi. Oco va Isareli va popela ofeka yavo povaka a va Filisiti. Va Isareli la va Amori lavovo va lisokiya lombembua.