YEHOSUA 14:2 - Embimbiliya - Bíblia Sagrada em Umbundu

² Apata ecea kumue lonepa yepata a tambula ovipiñalo viao loku imba ocela, ndeci Yehova a handelekele lomela wa Mose.

YEHOSUA 14:2 Iomraidhean Croise

OLOSAPO 16:33

Ocela ca imbiwa pokati komanu, olonimbu viaco viosi puãi vi tunda ku Yehova.

OLOSAPO 18:18

Ocela cimũla olonatoma, haico ci tetela onimbu omanu vanene va likuetele ondaka.

ESEKIELE 45:1

Eci vu liamuĩla ocipiñalo cofeka vu tepisila Suku onepa yimue yofeka ha yi lingi onepa yaye yi kola. Usõvĩ wonepa yaco akũi avali lavitãlo kolohũlũkãi viovikeya, lupati waco akũi avali kolohũlũkãi viovikeya. Onepa yaco yosi yi kala yi kola.

ATENDELO 26:52

Yehova yu wa popia la Mose hati,

ATENDELO 33:54

Oco wu piñala ofeka loku ta oviela epata epata. Ava va lova vu va iha ocipiñalo cinene; ava ka va luile vu va iha ocipiñalo ci sule; oku ocela ci kuatela omunu oco ci linga caye. Ndomo mu kasi apata olosekulu viene haimo wu piñala.

ATENDELO 34:13

Mose wa handeleka va Isareli, hati, Eyi oyo ofeka wu piñala loviela, eyi Yehova a handeleka oku eca kapata ecea lo konepa yepata.

ATENDELO 34:17

Olonduko viomanu vo tepela ofeka ha yi lingi ocipiñalo cene vievi: Eleasa haeye ocitunda la Yehosua, omõla a Nune.

MATEO 25:34

Oco Soma o popia lava va kasi kondio yaye hati, Enjui ene wa sumũlũisui la Tate, ndo piñali usoma wo wangiliyilui tunde koku seveta oluali.

OVILINGA 1:26

Kuenje va va sekula, yu ca veta Matiya. Oco eye wa tendiwa kumue lekui liovapostolo kupostolo.

YEHOSUA 13:7

Oco kaliye, tepela ofeka eyi apata ecea lonepa yepata ya Manase, ha yi lingi ocipiñalo cavo.

YEHOSUA 18:10

Yehosua wa va imbila ocela kovaso a Yehova, ko Silo. Haiko Yehosua a tepaila va Isareli ofeka, epata lepata onepa yalio.

YEHOSUA 18:6

Eci vu tepi ofeka kolonepa epanduvali, loku soneha ndomo yi kasi, neneli eci wa sonehi, kuenje ndu wimbili ocela kovaso a Yehova Suku yetu.