YEHOSUA 13:3 - Embimbiliya - Bíblia Sagrada em Umbundu

³ tunde ko Sihore kutundilo wEgito, toke ko Norte kongave ya Ekirone, ofeka ya tukuiwa vati, Ya va Kanana, haiyo yolombuale vitãlo via va Filisiti, ndokuti ombuale yoko Gasa leyi yo kAsidode, leyi ko kAsekelone, leyi yoko Gati, leyi yo kEkirone; kuenda va Awimi,

YEHOSUA 13:3 Iomraidhean Croise

EFETIKILO 10:6

Omãla va Hama vava: Kusi, Misarimi, Puti la Kanana.

EFETIKILO 15:18

Eteke liaco hailio Yehova a likuminya ohuminyo la Avirama, hati, Tunde kolui lu Egito toke kolui luna lunene Ferati,

I OLOSOMA 8:65

Koloneke viaco Salomone wa linga ofesta, kumue la Isareli yosi. Owiñi walua wa kalako tunde ko Hamati toke kolui luEgito, wa liongoluila kovaso a Yehova Suku yetu, oloneke epanduvali kuenda oloneke epanduvali, ndokuti ekui koloneke vikuãla.

I ASAPULO 13:5

Oco Daviti wongolola Isareli yosi, tunde ko Sihore yokEgito toke koku panda ko Hamati, ha va kopa ocikasa ca Yehova ko Kiriyata Yeari.

ISAYA 23:3

Onganyu yene ya tunda kotiliku yonguiwa vo Nilu. Ene wa fũli fũli lolofeka.

YEREMIYA 2:18

Kaliye wendela nye ke Egito hu nyui kovava a Nilu? Wendela nye ka Asuria hu nyui kovava a Ferati?

ESINUMUĨLO 2:23

Ndaño va Awimi haico ca pita lavo. Va Awimi va tungile vovaimbo ofeka yaco toke ko Gasa. Puãi va Kafitore va va katukila kuenje va va nyõla. Oco va Kafitore va tundisa va Awimi kuenje va tunga vofeka yavo.

YEHOSUA 13:13

Haimo lumue va Isareli ka va tundisile va Gesiuri, ndaño va Maakati. Puãi va Gesiuri la va Maakati va tunga pokati ka Isareli toke etaili lilo.

LIOLONGANJI 16:5

Olombuale via va Filisiti vieya kokuaye, via popia laye, viti, U yonja, kulihisa apa pali ongusu yaye, lomo tu tẽla oku u yula, ha tu u kuti loku u pokuisa, kuenje etu vosi omunu omunu tu ku iha ohulukãi locita colosiekele viopalata.

LIOLONGANJI 3:3

Olofeka viaco vievi: Olombuale vitãlo via va Filisiti, la va Kanana vosi, la va Sitono, la va Hiwi vana va tunga komunda ya Levanone, tunde komunda ya Baale Herimone toke koku panda ko Hamati.

I SAMUELE 5:1

Eci va Filisiti va kuata ocikasia covisila via Suku oco va cupa ke Evenese, va ci tuala ka Asidode.

I SAMUELE 5:10

Oco va tuma ocikasia ca Suku ke Ekirone. Puãi eci ocikasia ca Suku ceya ke Ekirone oco va Ekirone va vilikiya vati, Va tu nenela ocikasia ca Suku ya va Isareli ha ci tu ipãla etu lomanu vetu.

I SAMUELE 5:8

Oco va tuma oku ongolola olosungu viosi via va Filisiti, vati, Tu linga nye locikasia ca Suku ya va Isareli? Va kumbulula vati, Ocikasia ca Suku ya va Isareli va ka ci tuale ko Gati. Oco va tualako ocikasi ca Suku ya va Isareli.

I SAMUELE 6:4

Oco va pula vati, Ocilumba celembe lioku lueya tu a lumbila oco nye? Vati, Ovipumbu viulu vitãlo kuenda olomuku viulu vitãlo, ca soka lakulu vovaimbo atãlo a va Filisiti. Momo efengi limosi lio veti vosi imbo limbo lia vetavo akũlu vene.