YEHOSUA 13:13 - Embimbiliya - Bíblia Sagrada em Umbundu

¹³ Haimo lumue va Isareli ka va tundisile va Gesiuri, ndaño va Maakati. Puãi va Gesiuri la va Maakati va tunga pokati ka Isareli toke etaili lilo.

YEHOSUA 13:13 Iomraidhean Croise

EFETIKILO 35:22

Osimbu Isareli a kala vofeka yaco, Ruvene wa enda, wa pekela la Biliha, ukama wa isiaye; kuenje Isareli wa ci yeva. Omãla va Yakoba va kala ekui la vavali.

II SAMUELE 10:6

Eci va Amoni va limbuka okuti va suvukiwa la Daviti oco va Amoni va tuma oku pinga loku fetela va Suria va Beterehovi kuenda va Suria va Sova. Oco kokuavo kua tunda akũi avali kolohũlũkãi viasualali vakuakuendela posi. Soma ya Maaka layevo wa tuma ohũlũkãi yasualali. Va Tovi va tuma ekũi liolohũlũkãi kolohũlũkãi vivali viasualali.

II SAMUELE 3:3

Wavali onduko yaye Cileba, nyoho yaye Avigaile, wa kala ukãi wa Nabala u Karimele. Watatu onduko yaye Avisalome, nyoho yaye Mahaka omõla a Talima, Soma ya Gesiuri.

ATENDELO 33:55

Puãi nda ko tundisa olonungi viofeka kovaso ene, oco ava wa tavi okuti va siala va linga ndinene vovaso ene, pamue ndolosongo volomati viene. Vo tatamisa vofeka omo wu tunga.

ESINUMUĨLO 3:14

Yairi, u Manase, wa tambula uvanda wosi wa Aregove, okuti Basiane, toke kovililo via va Gesiuri la va Maakati. Loku liluka wa luka Basiane, hati, Hawote Yairi, londuko yaco yi kasi toke etaili.

YEHOSUA 12:5

Wa viala komunda Herimone, loko Saloka loko Basiane yosi, toke kongave ya va Gesiuri la va Maakati, lokonepa ya Gileada, kongave ya Sihoni, Soma ya Hesibone.

YEHOSUA 13:11

la Gileada, lofeka yosi ya va Gesiuri la va Maakati, lomunda yosi ya Herimone, lofeka yosi ya Basiane, toke ko Saleka;

YEHOSUA 13:12

lusoma wosi wa Oge ko Basiane, una wa vialele kAsitarote lo kEdirei, haeye wa supile pova Refayimi. Mose wa yula olosoma viaco, kuenje wa vi tundisa.

YEHOSUA 13:14

Epata lie Lewi olio lika Mose ka ihile ocipiñalo. Ovilumba vioku yokela kovaso a Yehova Suku ya Isareli, ovio ocipiñalo caye, ndeci o ci popele.

I SAMUELE 27:8

Daviti lalume vaye va enda, va punda va Gesiuri la va Girisi kuenda va Amaleke; momo tunde kosimbu ovo muẽle va kala olonungi vofeka, toke ko Siuri vonjila yoku enda ke Egito.