YEHOSUA 10:8 - Embimbiliya - Bíblia Sagrada em Umbundu

⁸ Yehova wa popia la Yehosua, hati, Ku ka va yokokele, momo nda va eca povaka ove. Lomue pokati kavo o tamalala love.

YEHOSUA 10:8 Iomraidhean Croise

I OLOSOMA 20:13

Kuenje tala, ku Ahava Soma ya Isareli kueya uprofeto umue, hati, Ca popia Yehova ceci hati, Wa mola hẽ owiñi owundeti wosi, wakahandangala? Ota, ndu weca peka liove etaili, love o limbuka okuti ame Yehova.

VA ROMA 8:31

Ovina evi tu vi popela nye? Nda Suku o kasi letu helie o tu katukila?

ESINUMUĨLO 3:2

Puãi Yehova wa popia lame, hati, Ku ko yokokele momo eye lomanu vaye vosi kuenda ofeka yaye, cosi nda ceca peka liene. Vu linga laye ndeci wa lingi la Sihoni, Soma ya va Amori, wa tungile vo Hesibone.

ESINUMUĨLO 7:24

Eca peka liene olosoma viavo kuenje ene vu fisa olonduko viavo muosi vemẽhi lilu. Lomue o tamalala lene oku vu yula toke wa va nyõli.

YEHOSUA 10:25

Yehosua wa popia lavo, hati, Ko ka saluki, ndaño oku yokoka. Kolisiko, kuati utõi, momo eci oco Yehova a laika oku linga lovanyali vene vosi vu liyaka lavo.

YEHOSUA 10:9

Yehosua weya kokuavo ocitukulukila, momo wa tunda ko Giligali, yu wa lale loku enda.

YEHOSUA 11:6

Yehova wa popia la yehosua, hati, Ku ka va yokokele, momo hela, owola ndoyo, ndi va eca ha va fila kovaso a va Isareli. Love o lakola akanja otuvalu tuavo, loku yoka akãlu avo londalu.

YEHOSUA 8:1

Yehova wa popia la Yehosua, hati, Ku ka kuate usumba, ku ka yokoke. Kuenda lalume vosi vakuavita. Katuka, lamanela ko Hai. Tala, nda eca peka liove osoma ya Hai, lomanu vaye, limbo liaye, lofeka yaye.

LIOLONGANJI 6:16

Yehova wa popia laye hati, Puãi ame ñala kumue love, kuenje va Midiane o va kundula ndomunu umosi.

LIOLONGANJI 7:9

Uteke waco, Yehova wa popia laye hati, Katuka, tundila ocilombo, momo nda ceca peka liove.

I SAMUELE 17:47

kuenda owiñi wosi ha u limbuka okuti Yehova ka popela losipata pamue lonjelia; momo okuliyaka kuaco kua Yehova kuenje eye o ku eca peka lietu.